CHAPITRE VL
Comment Jehan Toustain fut mené à Ripplemonde.
Gr vint ie dimenche matin, que Jehan T'ouslain devoir estre amené à Ripplemonde par
GEORGE CHASTELLAIN
l'aggréement du duc ; et s'estoit le due allé esbattre bien matin en son parc à Bruxelles . pour eslonger le dict Jehan, et pour don-
ner lieu à ceulx quile devoient emmener ; car meismes le duc lui avoit dit qu'il feust prest Pour s'en aller aveucques le seigneur d'Aussi. Si s’alla housser, et commanda à son barbier de s0ÿ apprester aussi, là où il le menroit.
Si estoit ledict Jehan en doubte de male mesure ; et-s'estoit bien perceu que sur luy avoit grand guet toute la nuyt passée et meisme à cel!e heure passée encore. Si prist ung arc et des flesches et fist semblant d'ignorer tout ; et s'en alla au parc avec son maistre, tyrant aux daims. Et tousjours le syevy avoit l'oeil sur luy et le duc de Bourgoingne, et aulcuns aultres qui oncques n'en perdirent la veue. Si lui redit enfin le duc qu'il s'alast housser et oyr messe, et qu'après il alast aveucques le seigneur d'Aussi. Si alla housser, et commanda à son barbier de SOY apprester pour aller tant seulement eulx deux à l’esbat ; et le seigneur d’Aussi, qui savoit ce que devoit faire, s'appresta semblablement; et avoit devers ly tous les archiers de corps du comte son maistre, et ne faisoient qu'attendre la venue dudict Toustain.
Le quel, à tout son grand fardeau qui lui pesoit, se passa legièrement de la messe ; et SOÿ meltant devant l’huys de sa chambre, faisant du bon Compaignon, requéroit ung chascun pour venir disner aveucques ly, qui quasi ne trouva âme qui ne le fuyst.
Enfin toutesvoics print un petit clergeau, nommé Poncelet, qui le COMpaigna , car es— Poir ne savoit riens de son cas. Dont le disner faict, et que le duc estoit à sa messe, Toustain monta contre mont, Cuidant venir en l'oratoire devers le duc , Comme il avoit apprins auparavant, Si bucha, et ne lui responpondit âme, car avoit défendu le duc que nul ne lui ouvrist. Enfin toutesvoies ung clerc de chapelle lui entré, par son importuner huchier lui ouvrit l'huys un peu. Et luy violentement et comme sans honte et révérence, entra dedens, enflammé comme ung sanglier devant les chiens, et disant irrévéramment au duc :« Véez-moy ici ; que voulez-vous que je face ? où yrai je?—Je vous ay dict, ce dict le
duc lors, que vous en allez avec le seigneu:
d’Aussi, là où il vous menra !—Voire! ce dict Toustain, lors est-ce tout? Est-ce que j'aurai de mon service ? Par la mort! digne beau sire, j'ai bien employé mon temps. Il me vauldroit mieulx avoir servi un porchier. » Et atout le mot, despitement et plain de félonie , sans ployer genoulx ne sans dire ung mot courtois, part de l'oratoire, et tyre l'huys après luy si rudement qu'oncques n'avoit esté veu fait pareil. Bien entendu toutesvoies que le duc, sur son si vilain parler derrenier , lui respondit froidement : « Jehan, Jehan! je t'ay nourri trop gras. » Et disoit vray; car oncques chair de vilain si grassement nourrie ne fut en tel honneur oultre son mérir. Si eschéyt que le scigneur de Croy et son frère, messire Jehan, estoient pour celle heure en l'oratoire, lors où ce Jehan se maintint ainsi, qui de son vilain dire et mésuser envers un tel duc avoient crainte et fréeur de l'oyr, disans qu'oncques pire nourreçon n'’avoit esté veue ne si vilaine. Jehan Toustain doncques, atout son barbier tant seulement, monté et acoustré, entra en la maison du seigneur d’Aussi, au milicu d'une belle place qui là estoit, et Ja quelle trouva plaine d'archiers de corps montés et habilliés en leur deu. Aux quels, comme il les survéyt, parla à haute voix disant : « Que faites vous ici, ribaudaille ? allez vous boire en taverne ? où voulez vous aller ? » Et tournant son langaige vers le seigneur d'Aussi : « Or chà! longuet ! ne serez vous prest meshuy ? » Et faisoit ainsi à courage faint, comme se riens luy fust de son dangier, combien que à imaginer fait, comme j'entendis, que le duc lui avoit dict aucunement le cas. Mès le meschant se fyoit tant de son maistre, qu'à paine doubtoit il son meschief et qu'enfin n'en vuydast sain et saulf;, car estoit puissant, et si aveuglé en sa fortune que nulle riens ne povoit l'espouvanter, ce luy sembloit.
