CHAPITRE VIL

Conimens chascun murmuroit céléement de la prinse de ce Jehan Toustain , et comment fut mené à Rip-

plemonde.

Lruxelles à ceste heure estoit plaine de

CHRONIQUE DES DUCS DE BOURGOGNE. —11° PART

murmure ; et ne faisoient nobles gens et aultres que oreiller ensemble, et tenir devises de cestuy accident; et n’y avoit homme qui ne s’esbayst, comme se cornes eussent eu en Ja teste, quand, par une nuyt entre deulx jours, la fortune d’ung si grand homme estoit changée et muée en confuse détencion de main mise, pour crime de lèze magesté divine et humaine; et de quay son exaltacion par avant eue estoit maintenant déprimée en la bouce des hommes, comme du plus mauvais du monde. Or convinrent le seigaeur d’Aussi et le seigneur de Crienceur, au milieu d'eulx deux , sans lyens et sans riens, äu milieu de la ville, par Bruxelles avecques les archiers de corps d'entre. Et eulx venus hors la porte au mylieu des champs, fut commandé lors aux archiers de non aller avant; et les deux chevaliers menèrent tandis Jehan Toustain à part; et tyra cely d'Aussi hors de son sein lors unes lettres, lesquelles il bailla à lyre au dict Jehan.

Dont ly quiles congnoissoit, car les avoit escriptes, devint tout mort en les lisant ; et perceut lors que son cas estoit tout attaint. Si lui dirent les chevaliers : « Or chà! Jehan!

vous voyez ce qui est; il nous convient faire ce qui nous est commandé. Il fault que nous vous menons prisonnier. » Et alors firent descendre aulcuns archiers , et luy firent oster les esperons, et le lyèrent très bien de cordes ; et en cest eslat le menèrent au chasteau de Ripplemonde, au quel, soingneusement gardé par les chevaliers qui n’en bougèrent, le lendemain y vint meismes le comte de Charolois, le seigneur de Croy,

aveucques ly le bastard de Bourgoingne et

l'évesque de Tournay, pour l'interroguer au vif. Et de fait, sans gehayne et sans riens, confessa tout son cas et son mauvais emprendre; mès n'en cuidoit morir pourtant. Et fut pris aussi et mis au meisme lieu Jehan de Vy, l’accuseur , sans savoir l'ung de l'aultre ; et pareillement fut examiné cely aussi, et gebainé jusques à soy accuser en crime digne de mort. Or avoit le comte ung peur en1ly : si d'aventure il différoit longuement à faire justice de ce mauvais homme , que par aulcuns inoyens venus du duc son père , qui estoit tardif à extresme

rigueur, ce Jehan icy trouvast sauveté et évasion. Or désiroit fort le comte à prévenir à ce et à en mettre le dangier dehors. Et de faict , par le conseil de ceulx qu'il avoit admenés avec ly, estoit condescendu en sa mort , ains tost que tard. Et de fait le fist confesser par ung muistre Enguerrand, son confesseur, docteur jacopin , lequel l'advertit de son salut, en ly disant en brief que morir |y convenoit, ce que ne voloit croire. Et estriva longuement contre ly, comme si espoir eust, en qui que fust, de son eschapper. Eafin toutesfuis tant le lui dict ai:rement et trenchamment , que son presomptueux penser se mattist. Et se confessa une fois, deux fois, trois fois par poses, et par l'incitation du bon confesseur qui quéroit son salut, avec vive attainte peut estre de son mauvais secret. Si advint que, entre aultres choses, il voulsist dire et révéler au comte aucunes choses, lesquelles 1l désiroit mouit qu'il les sceust après sa mort; et estoient choses comme l'on disoit bien abhominables, en l'ove du confesseur, entendant au salut du confessant et pareillement à l'utilité du comte pour l'en advertir tempre et d'heure, lui disant : « Jehan, mon amy! vous estes maintenant en vostre derrenier, là ou ne devez avoir regard à nulle riens terrienne , fors à Dieu seul et à vostre âme. Et congnoissant que vous ne povez plus sauver icelle que par vérité dire , et recongnoistre vos pechiés, je vous enjuins doncques, pour toute penitance, que les meismes mots que vous me dites, vous Îles exposez à monseigneur le comte en secrel ; Car moy qui suis ung povre mendiant , ne sauroie tels mots mettre avant, ne en fero e à croire. Et pourtant, se vous vou lez sauver vostre âme et obéyr à vusire pénitence en ce monde, faictes ce que je vous ordonne. — Voire! ce dict Jehan Toustain, et comment le lui diroie-je hélas! il ne vouldroit point parler à moy. —Si fera, ce dict le confesseur ; j'espère de vous y faire parler. « Si alla devers le comte ; et lui conta non pas sa confession, mès la nécessité sa lutaire qui gisoit en parler à luy. Si y alla le comte ; et descendi en une terrace de plastre, là où Jehan Toustain estoit jà tout nud en sa chemise, comme en la main du

GEORGE CHASTELLAIN

bourreau. Et là le dict Jehan parla au comte à part, et lui dist ce qu'avoit dict au confesseur. Dont le comte, en oyant parler le pécheur, mua couleur souvent , et fit conünuellement le sine de la croix, par admiracion de ce que lui disoit; et plain de peur et hyde se retray devers ses gens en une chambre, de laquelle par une treille il veit executer :le malheureux ; lequel en la main du bourreau, et à l'heure qu'on lui avoit bendé les veux, tourna à parler à Dieu en sa grosse naturelle langue bourguinotte, la plus grosse et rude qu'oncques on l'avoit oy, formant ses mots en sa grosse primitive nature, et disant qu'oncques si grand pécheur ne fut comme luy. Finablement il tourna en regret sur sa femme etenfans , là où maistre Enguerrand l'incrépa arrière, disant : « Comment déa! Jehan! vous m'aviez promis qu'à nulle riens terrienne vous ne viseriez , fors seulement à Dieu prier mercy. Voulez-vous changier vostre bon propos? Mon ami, tournez tout vostre cuer à Dieu; et ne vous chaille du surplus. Rendez à Dieu vostre âme et vostre cuer; car il est icy qui vous attent. — Eh bien! beau père, ce dict, jé me rends doncques du tout à sa miséricorde ; et vous meismes priez Dieu pour moy.» Etprestement la teste lui vola jus avec le mot, et fina. Et tout à coup, Jehan de Vy, qui estoit prisonnier à par soy en la meisme place, fut envoyé quérir pour le mener à la mort. Lequel, quand vit le confesseur qui de cela l'advertit, durement estriva à l'encontre, disant : « Comment déà ! j'ay accusé latrayson, et sauvé de mort monseisneur de Charolois, et me veult-on faire mourir! Où est trouvé ce

‘droit, ne où est cuer d'homme qui pourroit

consentir à ce ? je ne crerai, tant que je vive, que ce tort me doit estre fait par monseigneur ne par aultre. — Déa { ce dict-on lors, l'estriver ny vaut riens; vous estes mort et condempné ; et est mort vostre aucteur Jehan Toustain , et en deux pièces ; par ainsi avisez à vostre àme, car venir vous y fault. — Sainct Jehan: non feray, ce dict lors Jehan de V y. Sije ne vois le corps de Jehan Toustain au point où vous dictes, jà ne croiray que murt soit ne que je doye morir aussi. Mès vous me voulez espouventer peut estre, pour aultres fins.

[2467] CHRONIQUE DES DUCS DE BOURGOGNE.— Il: PART.

— Jehan! l’espouvantement n’y est aultre que tout à certes pour vous. Venez et vous verrez ce que vous quérez. « Si alla sans retourner, et se confessa; et fina par l'espée comme l’au'tre. Dont dommage fut et pitié qu'onques nàäquirent en ce monde, pur espécial l’un, pour les conséquences qui en ensuyrent. Ce Jehan Toustain estoit vilain serf de toute anchienneté au prieur de sainct Jehan de Lonne en Bourgoingne ; lequel, fortune depuis mena tant hault, que nul tant fut ; ce qu'on amiroit, car tant estoit puissant d'argent, et de chevance , tant en crédence et en auctorité avecques son maistre, que tous genoulx lui ployoient , et toutes faces lui monstroient révérences ; jà-soit ce que sa personne n'estoit belle ne révérende, ne n'avoit meurs en luy ni parolle par quoy homme y prist grâce.

Ains estoit rudde en son parler, despit aux moindres, fier envers ses meilleurs, convoiteux oultre mesure, rapineux à tous lez, friant de bouce; 2imoit vilains et meschans gens, ét de nul ne tenoit compte, si non de ceulx là où pouvoit avoir acquest ; luxurieux estoit; moult avoit face bouflie, yeulx comme bœuf boutans dehors, col court, parolle jegière, corps rondelet et courtes jambes.

Et entre les aultres de son temps c’estoit cely où moins sembloit avoir dévocion; car disoit on qu'à paine le vist on jamais oyr dévotement messe, ne aulmosne charitable faire, qui toutesvoies avoit trop le pourquoi. Dont pour fin toute qui se peult dire de ly, estoit tout descongneu et ingrat envers Dieu et le monde, en semblant; et bien parut par les æuvres , qui le conduirent à fin de meismes.