CHAPITRE XXII
Comment le brigant, voyant le desconforté semblant de la royne , amolli de compassion, commença à plourer.
À ces mots, ou ancques près en substance, la povre royne arraisonna le brigant; le quel voiant ses larmes et son desconforté semblant, ensemble et qu'elle estoit royne du pays, print une amère pitié en ly; et suscité du Sainct Esperit qui l’amolist en cuer, prist meismes à plourer aveucques elle et de soy ruer à ses pieds , disant : qu'ains morroit de mille morts , et d'autant de tourmens, premier qu'il abandonnast le noble fils et ne le menast au port de salut, maugré tous hornmes. Et priant mercy à la royne de ses mesfaicts, comme s'elle portast sceptre en Londres, voa à Dieu et au monde de non jamès centrer en cest estat et d'amender sa vie en observacion de miséricorde. Et prist le fils assez en haste, car peur chassoit la royne que ne fust rattaincte, par quoy ne quéroit riens que d'estre quicte de l'enfant, et de le mettre en la main de Dieu pour le conduire.
D'elle meismes ne faisoit poix, mès le fils seulement lui suflisoit d'absconser, non sa propre personne; ainsy baisant son fils plorant et gemissant , le laissa entre les mains du brigant, qui noblement en fist son debvoir depuis. Et la royne tyrant pays en la garde de Dieu, darrière l'escuier, sur adressement d'oeil, tendoit vers une marche estrange , où trouver pensoit son märy le roy.
Au quel parvenue par longs annuyeux travaulx , lui conta les aventures telles que avez oyes. Et quasi en semblable forme les conta
uaic2] CHRONIQUE DES DUCS DE BOURGOGNE.— II: PART.
aussi à la ducesse de Bourbon sa cousine, pour lui faire feste de son mal-eur. La quelle y print grand pitié, et disoit : que certes, sans avoir passé l'estroit de la mort, fortune jamès de si haulte princesse comme elle, n'avoit esté de plus dure affaire; et que à cause de ce, se Dieu ne la relevoit en lui changeant sa mal-eure , elle devroit estre mise au livre des nobles femmes maleu- ‘reuses, loutre passe de toutes. Et à bien l'entendre , disoit vray. Car n'a esté veu jamès ne ouy, queung tel prince et une telle princesse chrestienne, sans avoir esté de vie énorme, par quoy provocassent Dieu contre eulx , et sans estre entrés en possession de leur réaulme par tyrannie et forfait , ‘aient esté si despitement choulés aulx pieds de fortune, que eux, estans roy et royne , de nature vrais hoirs et antiques possesseurs, n'aient conservé pied de terre qui leur soit maison pour eulx retraire, si non d'emprunt, denier noir ni blanc pour entretenement de leur vie, et non obstant toute expulsion dehors de leur propre, aveucques coufusion de pluiseurs cruelles batailles depressives , non avoir demouré emprès eulx ne foy ne loyaulté de vassal, ne serment ne hommage , ne quelquoncque révérence ne fidélité de service ; et puis, qui plus est ceste povre royne avoir esté sur le pas de Ja mort, confuse entre les mains de ses féodaux , fuyr seule par les champs comme une misérable meschante , estre counstraincte, par avis d'ung mieulx faire, de mettre et laissier son fils en la main d'ung brigant meurdrier , lui réquerir sauvement de la vie, et qui à regret l’eust mis par avant en garde du plus grand de son sang , l’a commis maintenant en une main desfiuble, toute rice de l'aventure ! Certes, ne sçay comment ores en ce présent cestui cas peult sonner aux escoutans ; mès aux voians lors , il sambloit estre esmerveillable , et le plus en toute condicion que gaires fut oncques.
Or entendez icy, vous les hommes, mirez vous icy , vous les princes et les rois , qui au temps de vos prospérités que n'assavorez, avez les cuers en hault orgueil, vivez tous fichés en vanités et ‘en temporelles gloires, tous vos désirs et sensuels appétis à peu de égard, ne dont tout vous procède; et presumez
! comme à Dieu divins en terre ; et estes hom-
mes, et souvent moins que hommes , car raison vous est estaincte et ostée; lanternes sans clarté, ténèbres meismes, qui deussiez estre luminaires rayans, exemple de bien faire et de tout honneur , là où aujourd’hui en pluiseurs, élas! se trouve le rebours. Et congnoissez par cestuy exemple alleguié dessus , comme moult povre muérable est la chose de vostre vanité, de vostre eslevement et exaltacion transitoire, que fortune meismes, quoyque par temps vous flatte, tient à desrision, et n’arreste à vos povoirs, fiertés ne gloire, ne à vos haults proposemens ne euvre prendre ; là où glorieux vous réputez par présumpcion, vous faict souvent sentir vostre humanité estre bestiale , et recongnoistre en ung servil, tout confus , humilis estat, la dignité de l'estat perdu par faulte de recongnoissance. N'entendez vous que non pour vous, mès pour aultrui, vous devez régner; et que la dignité qui resplend en vous et vous est commise , en aultrui doibt transférer son effect. Dont, se vous estes en faulle, en qui cuidez vous en tourner la charge, si non en vos fronts, qui nés feussiez de meilleure heure? Lors avoit esté bergier que tel roy!
Saäl fut roy par divine vocacion ; et extrait de commun peuple, fut eslevé en commandement sur les aultres princes des linaiges.
Ne maintint pas toutesvoies la voye à luy enjoincte , destourna ses yeulx en aveuglement, perdit grâce et divine amour , et en fin vuydant d'espoir de salut, se procura fin de meismes , qui estoit dampnable.
