CHAPITRE XXIIL

Comment la royne se partist de Sainct-Pol et ot à Bruges.

Mouit firent grand chière les deulx dames à Sainct-Pol; et feurent faits de grans festoyemens aux despens du duc, tant que là se trouvèrent ensemble. Et se voult partir la dicte royne du dict Sainct-Pol ; et après avoir veu ce qu’elle alloit quérant , c'estoit le duc, s'en vouloit retourner à Bruges, là où elle avoit laissié son fils et le remanant de ses gens. Si print congié de La ducesse de Bour-

bon etde tous aultres; et par ung samedi bien matin, à cinq heures, troisiesme de septembre, partit d'icelle ville accompaigniée du seigneur de Moreul, de messire Francisque fils du marquis de Ferrare , de messire Morelet de Renty , de messire Guillaume de Saulx, aveuc plusieurs archiers du duc qui la conduirent , et aux quels le duc avoit donné charge de les mener sains et saulfs, et deffen- ‘1e encore envers tous hommes, jusques au dehors de tous ses pays, par où mieulx lui plairoit vuider. Car craingnoit fort le duc, et lui avoit esté dict pour certain, que les Anglois avoient tendu à venir sur elle à Sainct-Pol.

Si doubtoit que arrière n'en feissent antretant, et qu’en effect ne travaillassent à la prendre, et finablement de la faire morir. Si y avoit pourveu et le vouloit garantir en ses pays, comme raison le donnoït. Et certes n'eust esté la provision de sa main et qu'il en faisoit comme son propre fait, ceulx de Calais eussent tendu dessus, et l’eussent non prinse més tuée , pour faire fin de la querelle ; et plustost encore de l'enfant que de la mère, se Île povoir y eust esté leur. Or vint à Bruges la dicte royne, en la conduicte des gens du duc , saine et saulve ; là où arrière honneur et recepcion lui furent faictes très grandes, de par l'ordonnance du duc ; et lui furent donnés vins et présens de la ville aveuc toutes offres d'amour et de gratuité qui estoient possibles. De quoy elle remercia les offrans en disant : que tant lui avoit faict d’onneur et de bien leur prince, le duc son cousin, qu’à peine espéroit elle jamais d'avoir le povoir de l'en remercier {au condigne. Disant encore : qu'entendue l'indignacion qu'elle avoit doubté estre en ly envers elle, avoit eu peur que jamès l’enst daignié regarder. Dont maintenant tout en ‘contraire l'avoit trouvé le meilleur des bons, et le plus humble et de meilleur sens que portoit en terre. Si en plaisoit moult le record à ceulx de Bruges; et louoient Dieu qu'en bouce d'une telle royne, et dont aultrefois avoit couru voix de inimitié, la gloire et la magnificence de leur prince feussent aussi haultement ramenteues et memorées. Le comte de Charolois vint pour cely temps en Bruges, partye pour honourer en la ville au lieu de son père la

GEORGE CHASTELLAIN

dicte royne , laquelle il savoit estre douée de bault sens et de congnoissance , et qui d'estat et d'appertenir savoit ce qui s'en debvoit savoir, comme une des princesses du monde grande entre les aultres, et qui aultant en avoit veu. Si sambloit au dict comte, aveuc l'affection qu'il portoit à son mary et à elle, que bien feroit de luy tenir compaignie aussi à Bruges, tant qu'elle y seroit. Et comme son père avoit monstré sa noblesse envers elle, et de quoy il couroit grand fame, ly par semblable, en ensyeuvant vertu paternelle, se

debvoit conclure aussi à lui faire tous hon-

neurs et devoirs possibles pour la conjouir, souverainement en celle fameuse ville de Bruges dont toutes nations font mémoire.

Si eschéyt ainsy pour cely temps, que :e bastard de Bourgoingne aussi y estoit; et se tenoit en une abbaye de Saïnct- André lez Bruges; messire Philippe de Crèvecœur, chevalier, en une aultre maison prochaine ; messire Pierre Wast , chevalier, aussi en une aultre, en attente de faire armes'au mois d'octobre prochain, encontre chevaliers de quelconcque renommée, semons et advertis de ce pour le dict mois, là où nul ne comparut. Tous ces trois ci se tindrent logiés emprès ledict Bruges alors que ladicte royne y estoit, et que le comte de Charolois y estoit aussi pour la festoyer. Si en estoit la compaignie d'estime et de plus grand bruit, parce que ledict bastard estoit homme de grand monstre. Si furent faits plusieurs banquets souppers et semonces en pluiseurs lieulx, et tous en la contemplacion du dict comte et en l'amour de la royne, là où entre aultres en y avoitung , là où la royne , à prendre l'eau pour seoir à table, appela le comte pour venir laver avec elle. Le quel sachant son debvoir, et ensuivant les pas de son père qui estoient en toutte révérence et honneur envers toutes coronnes, pleinement refusa. Et non s0y vueillant tant avancer , ne povoit mener la dicte royne à ce faire. Parquoy, coste à coste toutesvoies et bien légièrement prist l'eau à par elle, moult regardant au savoir de son cousin. Si fut prestement portée l'eau au prince de Galles, pour laver ; lequel arrière ne voult laver, si non que s00 cousin le comte y fust en semblable honneur comme ly

lavant. Parquoy, tout jeune comme il estoit et bien enseignié, tira ledict comte à laver avec ly et tout ensemble; à quoy restiva de tout son effort, disant icelui prince , que jà ne laveroit sans |y, et que tels honneurs, ne se debvoient faire de 1v à eulx , souverainement en dedans les seigneuries de son père, et à si infortunées et misérables personnes comme ils estoient. Mès plus arrestoient en ce propos mère et enfant, plus perdoient temps les deux; et ne povoient traire le comte à faire laver avec le prince, pour non seoir à table; car recongnoissoit, et le savoit bien dire devant et après, comme expuis et infor-

tuné qu'il se trouvast, si estoit il fils d'ung

roy d'Angleterre ; et que luy, fils de maison ducale , n'estoit de si digne vocacion qu'ung roy ; et combien que son père le duc estoit du plus gros renom des chrestiens, si n'avoit il tiltre de roy ; et congnoissoit le dict comte ce. Et comme qui l'avoit tiré des veines de son père qui estoit plein donneur, vouloit recongnoistre son estat aussi empres son plus grand , afin de non commettre faulte ; jà-soit-il que pluiseurs controverses y eust cely soir à ceste cause, qui de ce se debatirent les nobles, disant les ungs, que bien avoit fait le comte et à son honneur ; autres que plus que à son debvoir ; et que là où la royne d'Angleterre mère estoit présente et hors de son réaulme, et venue par saulfconduit et par nécessité ès pays de duc, et ledict duc ne son fils riens tenir d'eulx, ledict comte se poyoit bien passer de ly porter tant d'onneur, considéré mesmes à qui il estoit fils ne de quel prince et de quel possession et héritage il estoit attendant’; et posé que feust non fils de roy, ni héritier de couronne, si estoit il fils unicque de multitude de terres dont pluiseurs vallent réaulmes. Et ainsi y eult grand et honneste estrif en ceste matière ; en quoy toutesvoies le bon comte avoit bien noblement ouvré. Si en vindrent les nouvelles en court à Hesdin, où estoit le duc; et là où

entr'autres son plaisir fut en demander mon

opinion de ceste matière , lors mise en question devant deux chevaliers contraires en cecy, l'ung messire Philippe Pot, seigneur de la Roche, disant que le comte avoit fait son debvoir ; l’aultre par messire Philippe de

Puf

CHRONIQUE DES DUCS DE BOURGOGNE. Ile PART.

Croy seigneur de Quieuvrain, disant que non, et qu'à moins s'en povoit bien passer. Dont toutesvoies, après long demener, la plus saine opinion s’arresta aveucques le seigneur de La Roche, et moy aveucques ly, disant , que non regardans , la dignité réale emporte haultesse sur estat ducal, et comme plus est ung homme grand en fortune, comme plus se doibt humilier envers devoir. Celui qui se humilie devant son p'us grand, celui accroist et multiplie son honneur envers soy mesmes ,:et de quoy la bonté mesmes lui resplend et redonde en face.