CHAPITRE XXI

Comment le duc fist prendre maistre Anthoine Michiet qui estoit au comte de Charolois.

Pendant ce que ceste royne estoit icy à Bruges, et le comte de Charolois emprès, et que le duc se tenoit à Hesdin attendant le roy qui là devoit venir, avoit division et discord entre ledict duc et son fils, à cause de pluiseurs difficiles matières dont dessus a esté faicte mencion, dès le pas de messire Philippe de Lalaing faict à Bruges , et souverainement pour un cas nouvellement advenu :

c'estoit que le duc avoit fait prendre ung sien Secrétaire constitué, en son pays de Hollande conseillier, nommé messire Anthoine Michiel ; le quel, parce que on l’imputoit que aulcunement avoit suggestionné le peuple et les bonnes villes de Hollande trop en avantage et faveur du dict comte, le duc l’avoit fait saisir au corps, comme non content de ce, pensant que le comte son fils, le quel il sentoit assez maistrieux et roidde en oppinion, ne peust, par ceste manière de faire , tant et tant plus devenir dur et restif en fin contre ly, comme seigneur du pays; par quoy vueillant prévenir et soy prendre à cely qui en avoit esté cause, tendoit à le mettre en prison, par chastoy seulement, non par pugnicion corporelle. Là où ledict comte,jcomme lorsse maintenoit en court, fit rescourre ledict maistre Anthoine hors des mains des gens de son père, ses archers et autres, et prestement le fist mener en lieu sauve, hors de la puissance et seignourie de son pèrc. Le

quel adverty du cas , très mal s'en tint à con-

GEORGE CHASTELLAIN

t:462] moy. Et sauve tout honneur et révérence à

tent. Et si jamais avoit eu cuer ni rumeur | vous deues, il convient que je vous tance un

contre ly fellement esmeu, maintenant les prist à dix doubles, et ne s'en povoit réduire. Et tant se anima et envenima contre ly, qu'à peine il n'en perdist la nature de père pour enhayr son filsà mort s’il l'eust tenu, pour cause du deshonneur à luy faict par celuy mesmes qui, en cas pareil, l'eust deu deffendre , ce luy sembloit. Si en y avoit des grandes murmures en cour, avecques pluiseurs aultres , et en y avoit de grandes touchant le comte d'Estampes. Par quoy et à quelle cause ledict père et le comte estoient non bien unis; et en estoient toutes condicions d'hommes en grand soin et perplexité, pour cause de meschief; et ne savoient cui donner le tout tort ni le droit, si non partye à l'un, partye à l'aultre ; mès griefve et mortelle playe, ce disoient, à tous les deux en povoit sourdre. Dont ceulx qui cause en estoient et nourrechon, l'on disoit estre de mal-heure nés. Estoient évidentement notés et congneus ceulx qui ce faisoient, et par qui moyens et partiaulx affaires ces, divisions et rumeurs se maintenoient entre les deulx ; comme par ci devant, et plus encore cy après se dira quy et quels furent, dont la playe avoit esté curée et bandée.