CHAPITRE XX

Comment la royne remonstra gracieusement au comte de Charolois de ce discord qu’il avoit à sen père.

Le séneschal qui pour lors estoit là aveucques la royne, et le quel avoit pleine la teste la division passée d'entre le roy mort et son tils,.et des fins et opérations d'icelle, voyant maintenant icelle estre toute esvigorée et envieillie en ceste maison , et sur le bout quasi de grand mal avenir, moult luy en prist pitié ; et recongnoissant comment le comte de Charolois avoit esté son singulier et souverain intercesseur au temps de sa captivité à Loches , et doubtant que ung si hault et noble Courage de prince ne fut cause de son propre mal par mauvais conseil, vint devers ly, @t lui dist : « Déa! monseigneur , pardonnez

petit, et, que soubs humble et benigne supportance, je vous remonsire ce qu’en vous me desplait ; c’est que vous, non d'accord aveucques monseigneur vostre père, ne resardez ne prevoyez les amères et doloreuses fins qui pourroient issir de vostre estat en ceste manière de vivre, qui tant avez eu d'exemples par livres, et par vifs records, que discord entre père et fils est une que Dieu bayt sur toutes choses, et que nature humaine et raison condampnent, et déturpent griefvement de triste yssue où elle persévère. Monseigneur, de parler m'en loist ung peu, s’il vous plaisoit le povoir prendre en gré; parce que, moy expert de la division qui a esté longuement entre le roy mort et son fils, jen sçay assez les grans maulx et les gricfs avenus à ceste cause , sans encores les conséquences toutes derrenières , qui en povoient ensieuvir tristes et amères, et dont il n’a tenu qu'au tour d'une main "qui ne soient avenues, comme vous meismes savez, par seule mort du roy.

Laquelle s'encore ne fust, vous et nous refussions en guerre plus que oncques mès, en toute ruyne et mortel exploit l'ung sur l'aultre. Dont, si le roy maintenant de nouvel régnant a gaigné sa querelle, comme il lui peult sembler , ne sçais pourtant so Dieu est content de lui, des termes qu'il a tenus envers son père, contre devoir de nature, là où Dieu esprouve les cuers et les pays souvent du meisme de leur mérir. Le roy, monseigneur, et son fils, furent tout en ce meisme point en discorde où je vous voy ores ; et une meisme et semblable matière çà et là a esté cause de meschief en une maison et en l'aultre. Car si le roy se plaignoit de l’absence de son fils et de son persévérer en froideur desnaturé, le duc se complaint de vostre absence aussi, doubtant comme l'aultre le persévérer en icelle. Le roy estoit mal content de son fils ne voloir aymer ceulx qui conduisoient ; et le duc a ‘emprès luy aulcuns aultres aussi aux quels vostre amour ne se peut traire, et dont vous, vous dictes avoir bonne cause, et comme je suppose qu'ainsi soit. Or ça! quand est du costé de nous aultres le péril est dehors, car l'une

1462] CHRONIQUE DES DUCS DE BOURGOGNE.—ITI PART

des parties est faillie , dont l’une est au dessus. Mès ainsi n'est pas ii: et seroit dommage , car les parties, vous deux, vivez et regnez; par quoy les périls qui de delà ont esté précoupés par mort, par de çà se pourront continuer et traire à leurs fins, par maleuréement vivre. Dont certes ce seroit dommage. Et plaindrois durement le véoir avenir, ne qu'une noble et glorieuse maison comme iceste, et que monseigneur vostre père a tant grand éage, sur la fin de ses jours venist inconvenient et meschief, souverainement par vous seul son unicque fils, qui de ce l'en devez distordre. Monseigneur, il vous plaise entendre que les maisons et les règnes pardurent en estat tant que l'on les gouverne par sens ; et tant y dure le sens et bon gouvernement comme on perchoit que l'on y pourvoit aux inconvéniens qui sont cause de ruyne. Or, monseigneur, à qui duyt-il y pourvoir icy au meschief, si à vous non? À qui du meschief meisme et du wesavenir ? Quand il y sera, v‘us même porterez la playe; et pareillement maulgré vous en porterez la perte en vostre personne, dont sciemment vous aurez procuré le dommage.

Comme doncques sciemment nulle personne, et tout de gré re de vouloir, ne se doit procurer mal, ne soy donner foulle ne alaidissement, comment vous, qui estes ung si hault prince, tant sarni de sens ct de vertu comme l'on dict, pourriez consentir ne condescendre à ce que les meismes de la terre et ce que toutes condicions d'hommes craindent et fuyent, qui estes celuy en qui multitude d'yeulx , d'ames et de pays après vostre glorieux père ont fichié leur attente et espoir. Par quoy, si maintenant vous voyent desvoyer et prendre chemin de désobéissance envers vostre père, doubteront peult estre, et non sans cause, l'issue en devoir estre mauvaise, et que Dieu ne s’en courouche vers vous, et que vostre dict père meisme n’en peust faire chose qui vous tourneroit à grand grief, et à eulx meismes; comme entre tous les vivans je le tiendrois l'homme de plus grand courage et pour plus tost faire ung estrange coup. Si ne pensez et ne croyez aultrement, fors que tous ennemis de ceste maison sont bien joyeulx de vostre débat, et ne voul-

droient point qu'amour et union y eust plus grande ; car par la division espèrent de voir ce que long temps a ils désirent; c’est de vous voir amoindrir et fondre comme neige au soleil, quand par nul sens ni engin, ne par force ne aultrement ne vous ont seeu ployer jusques à ce jour. Dont tel vit et règne, et vous fait chière et flatte, et vous oint de parolles, mès luy desplaist que si bien vous est; et par souvenance de vostre fortune et roidesse en temps passé , qui luy cuisent, voudroit vos ongles vous avoir coppées jusques au sang, et reployé la corne de vostre povoir en confusion basse. Et moy mesme, si j'estois de celle secte, je le vouldrois; et pour moy me vengier de vous, je ne souhaiderois aultre chose entre vous deux que ce débat. O noble seigneur , pensez à vous meisme et vous mirez par: aultrui. Recongnoissez cui fils vous estes, ne quel hault et glorieux homme vous avez à père; lequel ne ployé oncques ne vaincu par les haulx puissans rois de la terre, à envis se doit ployer ne souffrir vaincre de son propre enfant , sur le quel, quand fortune lui auroit donné d'estre foullé de tout le monde, sur lui seul, ce luy semble, nature lui doit faire demorer précepteur. Le duc est un prince de hault courage, et se fait mauvais jurr à luy. Il est à avoir par beau et par humilité ; et pris par le bon bout, c'est le meilleur des bons. Il vous ayme de vraie amour; il se boute en aigre excessif courroulx. Noble seigneur, mettez Dieu de vostre part et sain entendre. A la loy de nature et d'équité donnez acquiescence ; retournez à amour paternelle par le sentier d'obéissance filiale; rendez vous à ly ; ce vous sera plus d'honneur que luy non rendre , ou que soy rendre à vous à sa foule. Vostre querelle, quant grande ni quant juste qu'elle soit, c'est la propre sienne. De la vostre, où il vous touche, il vous en fera raison , comme pour son fils. De vostre tort aussi mettez-vous en ly, et le reparez en sa bonté; car il est plus près à vous aymer et vous tenir chier, que vous de requerir sa grace ou d'invoquer son amour. »