CHAPITRE XXVI

Comment le comte s'excuse au sénéchal devers son père de savoir s’aquitter en toute raison et équité.

« Séneschal , ce dit le comte alors, bien h'est aggréable vostre dire ; et par vostre remonstrer j'ay bien espoir que voudriez mon bien. Et vous mercye de ce que j'y conçois.

Mès là ou vous pensez qu'amour faille de mon costé envers monseigneur, ne que froideur ou félonnie me fourtraient du chemin de nature par désobéissance, certes je m'y oppose; et ne vouldroie estre en cely train pour un monde d'or, car j'en seroie à blasmer devant Dieu et les hommes. Mès les termes que long temps on m'a tenu en court, soubs le plaisir de monseigneur, aveucques maintes choses que j'y voy, non bien à souffrir, m'ont faict quérir eslonge d'icelle pour ma propre paix, quand moy estant là, aussi bien n'y suis fors que une ciffre donnant umbre et encombre; là où se d'aventure prouffit vient , ou aulcun grand bien, il chiet en la charge de deux ou trois, et de moy n'est cognoissance. Les trois metient main et ongle en tout; et sans que riens ne leur eschappe ne se peuvent de rien assoufir. Je leur suis de petit poix et comme de nul, et moy j'en porte la patience au mieulx que puis. Leur grandesse , qui ne vient point d'hoyrie, touttesvoies convient bien que je porte, et que je fasse mon prou de ma fortune jusques au bout. Monseigneur est tout bon et trop bon pour eulx; mès me doubte que sa bonté trop entière ne luy contourne en dommage en fin comme j'en vois les approces et les exemples pluiseurs, là où on l'endort et enyvre en souppés en miel dont le deboire sera amer, et en luy pignant la teste et dodiminant de douce main, on lui coppe les cheveulx en for-célant, et lui desempareon le chief. O! et tout ce faict finablement pour complaire à aultrui et soi avancer , et pour m6 faire plus feble en hoirie quand ce viendroit à respondre contre aultrui orsueil.

Certes, si monseigneur eust conseil tel aujourd'hui rendant, comme il avoit jadis con-

GEORGE CHASTELLAIN

quérant , eust autant pesé et difficulté ores le hastivement rendre , comme il estima l'ac- : quest de grand prix à l’eure de son acquerre! Au fort c'est l'acquest de ses bras sur autrui main ; si le peut bien restituer par francise et en avoir eu la gloire; mès mercy à eulx qui l'ont là bouté, et par qui conseil il poise si peu ce qui est de si grand conséquence. Or n'est point cecy seulement matière de mon argu , veu que ce n'est que cas nouvel, et que tant en a de vieux que ce m'est ennuy de redoubler les ungs sur les aultres, sur lesquels monseigneur peult avoir couleur de droit assez en aulcunes; en aulcunes aussi en reste la plus clère part mienne, saulve l'amour paternelle. Mès ne vient monsei gneur si avant à entendre mon droit comme il fait au parement d'aultrui querelle qui est mal nette.

» Beau sire seneschal, qui est celuy au monde, voire de povre gentilhomme en la maison de son père, qui après avoir aultant attaint au vray son parent ou subgect, avoir emprins en sa personne par sorceries, par sacrifices et invocacions de l'ennemi, pour mort et aultres mauvaises fins, Re fast venu en faire ses doléances audict son père pour en avoir justice, et que là où ledict son père ne lui en fereit raison, ains le rebouteroit par dures parolles et tançons de ce mettre avant, qui n'en fist après son tout extreme povoir pour non en demorer en la bourde. Cecy, bien l’entendez, depuis Jehan Toustain mort, m'est retourné nouvelle contraire. Et qui l'ay attaint et trouvé , et les personnes et les dya bleries tyrantes sur moy, ne puis avoir esté creu du vray faict, ne que on m'en reparast l'offense. En quoy touttesvoies paternelle amour se doibt entendre grever comme fils, quand le fils re peut avoir mal par telle voye, que le père mesme n’en reçoipve l'injure. Dolu m'en suis à monseigneur; mès luy, par une pitié consanguine et par desir de couvrir l'esclandre de ses maisons et de ses parens , a prétendu à vouloir parer en leur détestable péchié ceulx qui ont prétendu à moy desfaire, et à lui ,oster moy Comme héritier. Dont, parce que j'en ay demandé justice à cellui qui est prince d'icelle , et qui en tel crime de leze-magesté en sa propre

personne ne devroit espargner moy son enffant , j'en ay souffert rebout emprès luy; et a faillu que j'en ay dissimulé la mauvaistié et que je la porte à son plaisir, comme chose nulle. Si est le cas touttesvoies digne de pugnicion; et ne fust que pour le delict commis à l'ençontre de Dieu , par adhérence à l’ennemi d'enfer. Laquelle chose plus put, et plus est abhominable, comme elle est perpetrée de hault homme où vraye entière foy chrestienne doit avoir fons. Se doncques un prince de justice ne faict justice de ceux meisme qui justice devroient maintenir, et l’'espargne pour leur grandeur, que pourront dire les petites gens doncques? sinon que la justice des princes est forchue , aigre et pointue sur les ungs , et point sur les aultres. N’ay je devers moy les bouts de chyre baptisés dyaboliquement et plains d’abominables mystères contre moy et aultres, et de quoy ne moy ne homme ne se doibt taire pour vergoigne de nulluy, quand les acteurs, non ayant honte ne cremeur devant Dieu de si vilaine euvre, ne sont dignes qu'on les espargne en ce de quoy meismes n'ont eu honte. Or vive le nom du roy Charles! le quel, ne pour sang , ne pour compérage, ne pour service de propre corps, ne de parens, ne delaissa à faire roide justice sur le duc d’Alanchon, et de punir par publique sentence diffamatoire ce que empris avoit contre publicque salut en conspiracion. Certes , moult en fut l’euvre glorieuse pour luy et tant plus digne de recommaudacion comme en luy povoit plus avoir de cause et de duits regards pour le conduire à pitié et de non faire ainsi. Mès vueillant exemplier les petis, et s0y monstrer vray juge, se prist aulx grands de son tronne, non visant au scandale. Se doncques cestuy cas icy infère rumeur entre monseigneur et moy, et de laquelle la cause est telle comme vous 0ez, n'est pas pourtant fondée nostre difficulté dernière qui est toute aultre; car moy envoyé en son pays de Hollande, mon penultiesme voyage, pour y là requérir renouvellement d'aydes, lors escript : « Que en aveu de la requeste qu'il avoit faict jadis audict pays sur Jacqueline de Bavière, sa cousine germaine, comme prochain héritier, ils volissent en son plan

CHRONIQUE DES DUCS DE BOURGOGNE. — II: PART

vivant jurer et confermer la succession dudict pays à son seul unicque fils; et en faisant Ce ; ils, c'est assavoir les bonnes villes, subjects et nobles du pays, lui feroient singulier plaisir; et en seroient toutes difficultés questions et desbats pour le temps avenir vuydés. » De laquelle chose, moy venu en Hollande , et que en ensuivant l'ordonnance du père à moy donnée par bouce, et psr lettres des quelles je fis record aux estats du pays, reveramment et de grand cuer m'accordèrent ma peticion. Et trouvay ‘en eulx, pour l'amour et honneur qu'avoicnt à monseigneur , une merveilleuse faveur et inclinacion, aussy envers moy son fils, pour jamais non desirer aultre. Si est advenu que depuis, et moy estant par deçà la mer, les dits des estats et bonnes villes , pour mieux déterminer les devises de monseignew en ce que leur avoit requis, ont signé et selle leurs promesses à moy faites ; etcuidans m'avoir fait ung singulier plaisir, m'ont envoyé leurs scellés et contrats sur ce faits, pour appreuve de la chose. De quoi monseigneur , ne sçay de cuy conseil meu, quand l'a sceu, a faict une nouvelle interpretacion, comme si la procuracion de ces lettres feussent venues de moy, et que moy en vertu d'icelles, comme l'on pourroit imaginer , je me vouldroie ou pourroye sourdre, en son plain vivant, maistre et seigneur du dict pays, et et: corne d'orgueil et de restiveté (4) contre ly et d’aultres mes contraires. Dont parce qu:

le pourchas de ces letires semble estre à imputer à aucuns icy du dict pays, qu'ils s'v seroient employés en ma faveur, on en :

donné char,»e à maistre Antoine Michiel, se.

crétaire ; et après le cas venu à congnuis-sance, monseigneur l'a envoyé prendre par ses archiers; des mains des quels, moy estant par deça, et sachant sa prinse sans cause de delit en cestuy endroict, je l’ay fait rescourre. Dont monseigneur, toutes aulires matières de conrroux arrière mises , s'est de nouveau courroucié Sur moy plus que jamés; et n’est riens qui me serve d'excuse ni de parement en cestuy cas, qui en puist faire ma paix, non obstant que var deux et trois fois .

(4) Résistence, de rétif

tant à Nostre Dame de Bouloingne comme à Hesdia , j'ay envoyé mes explorateurs devers luy, nobles hommes et clercs; et par les quels, pour le contenter desdictes lettres et pour le mettre hors de toute suspicion, je luy ay envoyé lesdictes lettres en renonchant à icelles, et pour en faire son plaisir ; et du surplus j'ay offert d'en faire telle amende comme à son noble ordonner semblera bon.

Méès jamès mes dictes gens envoyés pour celle cause n’en ont peu traire que dures paroles et de petit espoir pour moy. Parquoy me tiens arrière de luy, en attendant son bon plaisir, et que son courroux pourra estre appaisé. On m'a longuement menacé qu'on me romperoit mon estat et ma pension; et le dict de Croy, passé an, qu'ainsi en adviendroit. Pourquoy je n’en attends que l’eure aussi, et que l'on me fera du pis que l'on pourra. Toutesvoies si demourray-je le fils de monseigneur , et ly mon père; et ne feray chose, pour ceste cause ne pour aultre , envers Jy, pourquoy plus ou moins j'en face à blasmer. Mès espoir, quand il plaira, et m'aura esté dur en portant aultruy, il s’avisera de recongnoistre ma pacience que je porteray humblement en son honneur. »