CHAPITRE XLIL
Comment le”roy de Dannemarce enreya devers le duc ung sien escuier.
Et afin que je satisfache aux diversités des matères et de divers lieux, venant audict Hesdm, vray est que le roy de Dannemarce, de Norwègue et de Suewède, tout en ce meismes tenant, envoia devers le dac aussi ung sien escuyer, nommé Henry, pour et à cause d’aulcunes lettres à ly portées, par Charolois roy d'armes, faisans mention de trois chevaliers dont dessus a esté fait conte, qui devaient tenir un pas d'armes ès pays et seigneuries du dict duc, pour la querelle et instance d'une dame ; pour le quel pas entret nir en sa condicion devisée , et pour mieulx le faire furnir de chevaliers à l'appetit de la dame , ces trois chevaliers avoient envoié à Lous roys et royaulmes chrestiens pour y là donner l'advertence du cas, et pour finablement eu faire
mouvoir aulcuns chevaliers en leur acquiescence. Entre les quels roys, tous perquis et visités, cestuy roy de Norvègue souverainement y hvra ascout. Et comme de trois grans et puissans royaulmes se véist roy, et que tous roys et royaulmes chrestiens s'y voyoient semons, ly, comme portant trois coronnes, quéroit à satisfaire à ses trois royaulmes , et de non en laissier nul derrière qui ne furnist les requérans; pensant en ly meismes et conjecturant que ceste entreprise mouvoit d’aulcun grand et noble sourgeon et dont la fin tendoit à grand effect, comme de voloir emprendre voiage contre les Infidèles, et par ceste occasion venir tant mieulx en la congnoissance des rois de la terre chrestienne et de leur chevalerie. Dont le duc, feignant l'ignorer, souffroit à ces chevaliers cestuy emprendre et le faire denoncier par ses propres héraulx. L'imaginacion certes dudict roy estoit raisonnable et en noble corage ‘puisée, jà-soit ce que réalement ne se prenoit point 1à, mès avoit esté prise en vaine gloire , -pour soy monstrer et pour faire espardre son nom en divers royaulmes ‘selon à diversité des venans. Et en estoit chief et principal moteur , messire Anthoine bastard de Bourgoïingne , beau chevalier et puissant, plein de biens et amie fortune ; le quel, par faulte que nulle part ne trouvoit occasion de soy emploier, quist ceste voie de faire, pensant par icelle surpasser tous aultres chevaliers de devant iy, par plus haultement et plus amplement emprendre que nul oncques ; là où messire Jacques de Lalaing (1) jusqu'à ce jour avoit et tenoit la gloire sur tous les devans passés. Doncques, comme j'ay dict que ce ” roy des Danois, avoit une singulière interprétacion en ly de ceste besoingne, et meilleure que le fondement n’en estoit , vueillant icelle attendre par vray sçavoir (et de ly meismes à qui il imputoit l'affaire appartenir et devoir sçavoir le secret, c’estoit le duc), conclut à envoier devers y. Et délibéré d'envoyer de ces trois royaulmes, de chascun trois chevaliers en l’honneur dudict duc, de la dame et des
(4) La Chronique de Jacques de Lalaing , écrite par George Chastellain, se trouve à sa place dans cette Collection du Punthéon. Voyez le volume qui précède.
CHRONIQUE BES BUCS DE BOURGOGNE.-— Ile PART.
trois chevaliers du pas , de fait envoya son message devers le duc, lui priant que, oultre le declairement des lettres à luy apportées , lui voulsist encore descouvrir plus avant du secret de cestuy pas, de la nature et condicion de la dame et de sa querelle, et de la manière et condicion de la bataille qui se devoit faire pour elle, et en quel lieu, afin de tant plus convenablement y pourveoir en personne, et en tout ce qui y seroit requis, offrant soy et sa chevalerie estre tousjours prompte et preste à nobles femmes deffendre et porter, et, après la foy de Dieu, vouloir veillier en secourir les oppressées. Si receut le duc les lettres et l'escuyer qui les porta reveramment; et après avoir visité icelles, fit dire au message qu'on on y auroit avis dessus. Si fit-on , car demora depuis gaires moins de deux mois, pour aultres ermpeschemens qui y survindrent, tant de la partdu roy qui y vint et des Anglois, comme dès nouvelles de Rome qui annoncèrent au duc le voiage de Turquie qui pendoit sur ly, et par le quel finablement toute ceste entreprise du bastard de Bourgoingne constraintement se rompit. Et ne faisoit besoing de riens plus avertir ne assagir ledict roy des Danois (4) de la matière sus touchée, pour cause que iceluy emprendre , à ly et aux aultres annoncié en forme de bien, ne pooit sortir à nul effect par quoy le plus avant déclarer y eust eu lieu. Mès furent formées lettres audict roy, expositoires des nouvelles survenues, regratiatoires aussi de son noble et libéral vouloir, deprécatoires d’avoir aggréable l'excuse, et oblatoires de tout honneur, amour et recongnoissance. Et après avoir assagi de bouche le message tramis de ceste matère et de ce que ly meismes avoit veu et oy, fut desfraié de tous despens , festié et honnouré des seigneurs, et meismes du bastard, et gracieusement envoié atout aulcuns dons dont il faisoit feste. Et ainsi partit et retourna vers-soR maistre , dont depuis je n’oys nouvelles, fors que je imagine qu'il se devoit tenir à bien content veu et considéré tout
(4) Christiern Ier qui fonda l’université de Copenhague en 4478 par la permission du pape , qui le releva en même temps de son vœu de croisade. Il institua l’orx del'Sléphant. .
