CHAPITRE XLIV

Comment le duc fit remercier le roy Eduard des offres et amours envers luy et envers les pays.

À ceste proposicion faire furent évesques et

(4) Sùr, stable.

(2) Réputation

prélas grand nombre, princes ‘et seigneurs parens du duc ‘trois frères de Bourbon, le comte d'Estampes, messire Adolf de Cleves, le bastard de Bourgongne , le seigneur de Croy et multitude d’aultres barons et grands seigneurs par tel tas qu'à peine s'y tournast homme (1). Si fit le duc respondre en son nom, pour cause que point ne sçavoit anglois et que le latin ne luy estoit point prompt pour satisfaire. Si fitremercier leroy Eduard et le parlant pour ly. Eten tant qu'il touchoit offres, amours et cordialités envers ly et envers ses pays, il lui en rendoit grâces. Mès en tant qu'il touchoit exaltacion et loenge , feust de sa personne , feust de ses fais ou merites , ou aulcun aultre cas advenu ou advenir, il avoit retiré ses oreilles de ce , et l'ignoroit comme non l'avoir oy, comme qui de tout se réputoit indigne.

Parquoi, sans respondre dessus, ne rendre grâce de ce que ne voloitsavoir, se désarma de la vanité à ly offerte pour l’affubler de folie. Mès disoit très bien et faisoit dire : que assez deviseroit et feroit communiquer avec culx ; et tout ce que pourroit faire d'amour et d'onneur à leur roy, le roy Eduard, et à eulx propre, il le feroit de tout bon cuer. Et non reputant à riens se oncques il fit aulcune chose pour 1y, se le cas s’y offroit de plus avant, il le feroit à son pooir. Mès ly meismes, ce fit dire, devoit remercier le dit roy, quand, à sa requeste et instance, il lui avoit plu envover en son pays et en sa ville une si haulte et si notable ambassade, à tels cousts et frais, et à tele et si grand multitude , pour le bien toutervoies universel, tant pour eulx que pour aultre. Dont, pour ce qu'il pereevoit son bon et noble voloir estre enclin et disposé au commun bien, il, cent mille fois plus que devant , l'amoit et honnouroit, ce faisoit dire ; et s'en reputoit son perpetuel attenu. Et à tant convindrent tous pelle melle en devises et en bonnes chieres faire lung à l’aultre ; et furent portés :vin et espices. Les quels pris, Anglois prindrent congié , et furent ramenés de grand seigneurie jusques en leur logis.

(4) A peine on s’y pouvait tourner.

CHRONIQUE DES DUCS DE BOURGOGNE. — II: PART