CHAPITRE XLV
Comment Anglois arrivés à Hesdir: ne virent point le roy de prime face et des devises qu'il en eut aux siens.
Ces Anglois ne virent point le roy pour celle heure, ne n'allèrent point devers ly ; car n'y avoient nulle charge, fors tant seulement au duc. Dont, comme le duc sçavoit bien qne séant estoit de les y mener, si ne le voloit-il faire toutesvoies sans mystère et sans preparer moyen entre le roy et eulx; le quel il fit le lundi ensuivant, comme vous orez.
Tandis doncques que les Anglois estoient devers le duc besongnant pour leur premier abord , le roy qui estoit dans sa chambre assez près fit ses devises aussi à l'aultre lez de ceste ambassade , etpareillement de son propre estre aussi en personne , là où ses ennemis estoient en tel effort. Sicommença à dire à aulcuns de près ly et dist : « Bien y a à escrire ici sur beaux oncle, avecques ce que tant a de hauts et de clers tiltres de vieil temps, quand moy en sa scule fiance suis venu en son fort et en sa ville, là où les anciens ennemis de ma coronne sont et séjournent plus forts que moy. Beaux oncle m'est aujourd'hui tout mon royaulme. Ce m'est le tout effort et valoir de ma chevalerie, et le derrain dongeon de mon thronne, en qui tout je me confie. Et appert bien, quand luy seul m'est aujourd’hui autant de garant que le tout de mon pouvoir.» Ces mos furent recordés et semés en court. Meismes y avoit des gens du duc là où ils furent dicts, et les quels le me redirent. Le duc ne s'en muoit ne plus ne moins ; car si le roy se fioit en ly , il sentoit bien que sa fiance avoit assise en bon fons et qu'il le pooit bien faire, quand au plus povre du monde, meismes au plus grand ennemi qu'il eut oncques , n’eust volu estre cause de deception soubs ombre de soy.
Par plus fortes raison doncques, moins le devroit voloir du plus grand roy dela terre , son seigneur souverain , Son sang et sa nourrichon à qui il avoit mise coronne en teste, et qui venu estoit en sa ville et en son fort pour le visiter. Certes , la fiance y povoit bien estre certaine et ségure, quand cely sur quy la
GEORGE CHASTELLAIN
, fiance se fondoit estoit le vray et le parfait :
dongeon de leaulté humaine, où oncques faux n'entra ; et avoit le parti contraire, est à sa voir les Anglois, en telle cremeur et réverence envers Îy, que, comme forts que feussent, ne les doubtoit, ne deffier ne s’en vouloit. Et aussi, quoi que le roy en avoit dit, peult estre ” pour glorifier son bel oncle, si n’y avoit il ne cause ne apparence de nul doubte. Très bien disoient Anglois en publique : que touchant le roy Loys, ainsi le nommoient , feust là feust aultre part, il ne leur en challoit; n'avoient que besongnier à sa personne, si non tant seulement à la personne du duc, le quel ils honoroient et doutoient; et pour ly seul estoient venus là; mês au roy Loys n'accontoient, ce dirent, fors comme adversaire doit à aultre ; et en ce ne faisoient à reprendre.
Vint doncques le jeudi troisième d'octobre, que le duc voloit festier ceste ambassade angloise. Et volentiers meismes eust tenu main à l'enfant pour entre-estre au festin, pour l'onneur du roi Eduard, qui tant avoit affection enversly ,et tant avoit fait onneur etgrand chière au seigneur de Lannoy et aultres ses ambassadeurs vers ly tramis, que nul oncques tant. Mès considérant que le roy estoit là en sa ville , et le quel il congnoissoit assez souppeçonneux, différa son bon voloir pour mieux faire. Et pour avoir lieu plus ydoine pour faire grand chière , ordonna de les faire mener au parc, À où avoit unes fontaines les plus belles de jamès et toutes propres à festoy, et sur les quelles le disner estoit richement appointié par toute surhabondance, non pas dessoubs le cler chiel, au descouvert, mès dessoubs belles galeries et maisonnemens qui là sont, duisans à ce de tout vieil temps, reservé une maison la plus propre des aultres, que le duc avoit fait faire propre pour 1y, qui se tournoit sur quatre roes vers tous endroits du ciel où on voulsist ; et la quelle maintenant à ce disner estoit deputée pour les chiefs de l'ambassade, pour avoir table.
