CHAPITRE LIII

Comment le roy s’esforca de tirer à ly les nobles et de gaigner les cuers par divers moyens.

Quand le roy se vit ressaisy de ses terres, et le grand acquest qu'il avoit faict de les avoir des-ligées, s'en tint à moult joyeulx ; et voyant la despendance de l'acquest s'en reputa en toutes manières plus fort que devant, car estoit le droit fort et le cuer de Picardie.

dont la nacion est grand chose. À tous lez s'esforça de traire à ly les nobles et de gai-

GEORGE CHASTELLAIN

gnier leur8 cuers; les accueillit familièrement de parolles ; leur fit ordonner voye devers |y, afin de les tirer à son amour; leur fit promesses et beaulx semblans; aux ungs donnoit offices, aultres mettoit et tenoit ea attente, selon ce que voyoit expédient. Et entre deulx disoit : « Or ça! or ne me faultil mès que la comté de Boulenois et Artois , que toute Picardie ne soit myenne. Beaulx oncle à receu grand argent, mès j'ay receu ung grand pourquoy, et qui m'est mieulx séant que l'argent. » Et sambluit que assez vouloit donner à entendre, que à son bel oncle le duc il avoit levé l’escu du col, et emporté ung des forts qu'oncques portast, et du quel, comme aultrefois s’y estoit enfierry et garanti dessous, maintenant luy meismes ainsi en porroit faire pour en temps d'affaire. Et disoit vray, car c’estoit le droit garant des pays du duc, et ce qui plus pooit nuire et porter grief au royäulme jusques aux portes de Paris, se guerre feust meue. Et pourtant tous les affectés au bien et au puissant regner de ce duc se maintindrent tristes et annuyeulx de ce delivrement, especialement en ce que Îy, qui les avoit acquises en haulte et forte main, puis, par transport agréé, les rendoit et restituoit, au dommage de ses subgects, lui encore vivant. Car nonobstant que le duc le faisoit en forme de bienet de bonne confiance , ce sçavoient bien, le roy toutesfois, combien qu'il parlast doulx de langue , tousjours n'y alloit il qu'à cautele et à intencion de le diminuer en sa force; car estoit l'homme du monde seul que plus il redoutoit , et dont le hault regner couvertement plus luy cuisoit, soubs feinte amie chiere, comme, non pour ce COp ici ne pour ceste derraine fois se pooit prendre l'apparence, mèês pour aultres maintes du temps, qu’encore demoroit en ses pays, à Jennepes et ailleurs, là où ses faires et dires, et depuis son coronnement encore, ont esté vrayes preuves de ce que j'en dis, et ont donné à congnoistre : que mainte fois couverte envie s'est muciée dessoubs fainte parolle , dont il estoit maistre.