CHAPITRE LIV

Comment ceste délivrance des terres dessus dites a esté subitement procurée par le seigneur de Croy.

Aulcuns pour ce temps-ci disoient que ceste

delivrance des terres sur Somme estoit pro-

curée subtilement par le seigneur de Croy, moyen entre le roy et le duc pour parvenir à ce, et que le dict de Croy tant plus volentiers y veilloit pour l'instance du roy, comme il se sentoit plus en male-grâce du comte de Charolois, à qui elles devoient escheoir. Car, comme par la main du roy contendoit à soy fortiñier pour le futur temps contre ses mesvueillans, condescendoit bien à ce aussi que cest escu fust osté au comte , pour le diminuer tant plus en sa force. C'estoit ung argument que pluiseurs faisoient contre le seigneur de Croy touchant ce cas, et lequel, par pluiseurs circonstances tous les jours apparentes , tenoit grand lieu. Aultres disoient : que posé queceste peticion meust particulièrement du roy , pour avoir son royaulme entier, et que le roy pour à ce parvenir presist le seigneur de Croy pour moyen, comme par qui tout se faisoit devers le duc et riens sans 1y, toutesfois ledit de Croy, sentant et sçaichant vraiement la nature du cas quelle elle estoit, et que le due, alors quand il seroit semons de restituer les terres par satisfaction à ly offerte , n’en pooit reculer, tant par la vertu première de la paix faite à Arras, comme par serment renouvellé à Sainct-Thierry, au sacre du roy, là où le roy Loys fit promettre à tous deux, père et fils, de rendre et restituer les terres engaigées en sa main, à l'eure quand on luy offriroit les deniers ; là où non tant seulement le duc s'obligea par nouvelle promesse, mès le comte son fils en cas pareil, sans y contredire. Et par ainsi le seigneur de Croy voyant et considérant l'opportunité du faire quand il plairoit au roy, et que de contradiction n'avoit point en la partie aultre , qui peust estre de valeur, je croy bien que assez legièrement condescendit en acquiescer le roy en sa peticion; et,que s’il l’eust aussi bien volu et tendu à rompre en celle contendance , comme non fit, ne se fust pas tant entremis de mener le duc

CHRONIQUE DES DUCS DE BOURGOGNE.—II° PART

\ à ce, ne de luy faire faire legièrement ce sur

quoy il pooit et devoit longuement peser ains le faire. Et meismes au roy, comme opinoient les gens, cely de Croy eust bien fait muer cette contendance en gultre matère ;

mès le seigneur de Croy, persuadé de lon-

gue traite et tendant à haultes et grandes fins, luy meismes s'en entremist volentiers pour cause du gaige ; et non pensant riens mesfaire en ce envers son maistre, ne lui donner conseil, fors de chose nécessaire et honneste , y laboura. Et le duc soi confiant desormès du roy et vuellant mettre la raison devers ly de ce que mesmes nouvellement avoit repromis libéralement , quand ce vint à l'estroit, s'y assentit. Et espérant que ses vieux jours desormès se continueroient en paix, restituoit ce qui point n’estoit sien, sinon par gaige et par acquest. En quoy aulcuns veulent dire, que assez legièrement fut enclin, pour cause que son fils le comte se maintenoït envers ly, ce disoit, moins que duement , et par quoy il sembloit qu'il lui plaignist ceste future possession de sesterres, par lesquekes, selon la nature qu'il sentoit en ly, eust peu faire grand grief une fois à ce royaulme, et pourtant à peu d'occasion. Et afin que cela n’arrivast, il estoit content de y prévenir et de les remettre où il devoit, jà soit ce toutesvoies que depuis , aulcunement, après avoir tout bien digeré, il avoit regret au fait ; mès le repentir n'y avoit lieu.