CHAPITRE LV

Comment Veniciens avoient envahi l’isle de la Merée et s'estoient entré dedens.

Comme doncques en Hesdin on avoit ces deux soings , l'ung des affaires de dechà qui estoient grans , l'aultre sur l'annoncement du saint voyage qui approchoit brief, et pour le quel le duc quéroit l'abrégement de tous aultres cas, feust du roy ou d'aultre, vindrent certaines nouvelles : comment Veniciensavoient valeureusement envahi et conquis l'isle de la Morée et entrés dedens ; efforcément avoient mis à mort les possesseurs infidèles , et tous expulsés dehors, jusques à la mettre en leur franche main crestienne, qui estoit chose

merveilleuse et de grand exploit ; et plus encore ce que firent après. Car en onze jours et aultant de nuits , à l'emboucement de ceste isle par où payens y povoient entrer, Contenant environ trois milles de large, firent ung mur de six pieds d’espès, à cent et quatre tours de deffense , et en quelles tours et mur gisoit toute leur tuicion et garant; firent iceulx garder par leurs gens, semblablement toute l'isle en ses confins ; et y mettant garnison de huit mille hommes, avoient bien cinquante gallées vacquans autour, pour deffendre leur acquest; lequel estoit grand et de haulte estime entre les chrestiens, et de grand joye, souverainement à nostre saint père et à tous ceux d'Italie, et non moins au duc de Bourgoingne qui en fist grand feste