CHAPITRE LXI

Comment les deux consaulx, est à savoir le conseil du roy et celuy du duc, tousjours se trouvérent ensemble.

Le duc pour ce temps ci tendoit fort à estre hors de Hesdin , à cause ‘de ses auitres graves affaires qu'il avoit, et souverainement pour son voyage en quel se sentoit oblipié par ses gens à nostre saint père. Si cust bien pris'en gré le partement du roy aussi, mès n'en veult faire semblant. Et à l'aultre lez le roy, jour après aultre, fit courir voix de son partement. Et pendant ce temps les deux consaulx tousjours se trouvèrent ensemble , est à savoir le conseil du roy et cely du duc, . sur toutes matères difficiles et litigieuses qui pooient estre entre les deux touchant enclavemens de terres, explois d'officiers, haulteurs et seigneuries, dont de tous temps anciens les progéniteurs du duc, comtes de Flandres et ducs de Bourpoingne, soloient user, joyr et possesser seigneurieusement, et de quoy aultrefois, du temps du roy Charles mort, avoit esté meurement et gravement délibéré, conclu et deflini au grand conseil du roy, et par le roy meismes, en avantage et paisible fruicion du duc, en Paris, l'an quarante huitième ; là où pour ceste meismes matère estoient convenus, pour la part du roy:

le comte de Dunois, le chancelier de France, maistre Guillaume Jouvenel aveucques ceulx du conseil, évesques, nobles hommes et clercs; et de la part du duc de Bourgoingne, le chancelier de Bourgoingne, messire Nicolas Rollin, messire Jehan de Croy, et multitude d'aultres gens de conseil à ce duisans. Et là, par accort des deux parties , fut déterminé et décidé du droict et de l'intérest de chascun , etimposé fin et silence à tousjours à chascun, et de la déterminacion là prise et pronunciée. Nonobstant quoi maintenant le roy Loys estant à Hesdin, le quel depuis cecy estoit devenu . roy, son conseil remist de nouvel en termes cestes meismes difficultés, disant que : de chose que le roy Charles eust fait touchant icelles , le roy de présent n’en tendroit riens,

| non pas le moindre point qui y feust. Et furent

e les deux consaulx en grand estrif à ceste cause, l’ung pour voloir obtenir, et l'aultre pour non voloir souffrir passer ; et tellement que ung nommé maistre Jehan Jacquelin, très notable seigneur et gouverneur, commis novellement de la chancellerie du duc, voyant l’aigreur et la manière volontaire et fière de - ceulx du roy, dist: « Déa! messires! force n’est point droit; et là où volenté veult avoir sa dominacion par haulteur , il fault bien que raison ploie. Se nous envers aulcuns aultres volions user du semblable comme vous envers nous, vous nous en diriez blasme. Vous avez eu roys devant vous, et en aurez après . vous. Se tousjours les nouveaulx venans voloient casser et anauler les choses passées, faites, données et scellées par les devanciers, envain doncques se donroït jamès rien, et envain se feroient et donroient appointemens et pourvisions en la chose publique et en humaine convenableté. Bien sachez que, se affaire avions à ung duc de France ou d'Allemaigne , voire hardiment à ung plus grand beaucop, réservé le roy , nous ne besoingnerions point par ceste manière; et ne ploieroit nostre raison à volenté de nulluy, comme ici. » Enfin toutesvoies, qu'à dur qu'envis, d'ung costé et d'aultre ils s'appoinctèrent ; mès ce * n'estoit point sans groingnier, espécialement du costé des Franchois, clercs et gens du conseil , qui tousjours mordoient en parole et monstroient une haine couverte en leur sem-

blant, quelque bien ne amour qu'on leur |

sceust faire.

Et comme cestes gens icy en leur estat donnoient à congnoistre leur nature, aultres aussi d’aultre vocacion et en leur degré donnoïent à entendre la leur, mumurans entre eulx de ce que le seigneur de Croy gouvernoit le roy, ce sambloit, tout paisible ; et pensans que Bourgoingnons et Picars se fiassent fort sur ce gouvernement, et que leroy en feust cause, et le royaulme ne leur semblast entre les mains. Aulcuns d'eulx se trouvans avecques les Bourgoingnons, par manière de repreuve et de mocquerie, leur dirent :

« Vous aultres les Bourgoingnons, il vous semble bien que vous gouvernez le roy et ce royaulme', et que tout vous est entre mains parce que le seigneur de Croy gouverne le

GEORGE CHASTELLAIN

roy, ce samble. Par Dieu! ne vous y fiez point; ne jamès tant d'honneur ne vous est à avenir. Tant que le roy aura affaire du seigneur de Croy, il s'en servira et aidera, jusques à estre venu à ses fins. Mès là venu, par Dieu! il lui baillera de la pelle sur cul et l'en envoiera tout confus. Vous n'êtes pas gens pour gpuverner ce royaulme , non; et l'expérience vous en fera sages à telle heure que ne le cuideriez point. » Ces paroles et si fâites volèrent chà et là , et lesquelles je ne répète tant pour l'interprétacion du bien ne du mal, comme je fais sur l'attente des choses qui avenir povoient, là où les paroles alléguées aroient grand lieu et seroient dignes d’estre ramendeues. ou - ”