CHAPITRE LXII

Comment l'ambassade de l'empereur Frédérich arriva à Hesdin, lequel n’apporta que créance et chose secrête.

Le roy, après ces choses passées, partit de Hesdin par ung merquedi, comme il entra, et s’en retourna à Abbeville. Le duc le convoid hors de la ville environ ung quart de lieue, car ne souffrit que plus allast avant. Si prindrent congié l’ung de l'aultre, le duc par honneur et révérence deue à ly, et l’autre par amour et humain languaige, dont il estoit tout fait, et dist: « Beaux oncle, je ne dis pas adieu à vous à bon escient, car je vous verray encore, se Dieu plest, avant que partiez en vostre voiage. Toutesvoies je ne veul point aller en Turquie, mès je vous conduiray jusques sur le port de Marseille ; et vous dirai-je là adieu. Pour tout adieu, beaufx oncle, moy et tout ce que j'ay est vostre. » Le duc le re mercia à l’appartenir du cas et prist congié de ly, à peu dire, car son faire avoit esté assez expérimenté, par quoy le grand dire y servoit peu. A tant retourna en sa ville, là où demoura depuis cely merquedi jusques au lundi ensieuvant.

Pendant les quels jours l'ambassade de l'empereur Frederich arriva au dict Hesdin, en nombre environ de vingt ou vingt-cinq chevaulx ; les quels venus à la congnoissance

ç462] CHRONIQUE DES DUCS DE BOURGOGNE.—II° PART.

du duc, le duc les fit envoier querre pour venir vers ly par le seigneur de Lannoy et par messire Jehan de Kestergate, aman (1) de Bruxelles, chevalier , et son maistre d'ostel, l’ung des quatre. Le duc avoit son dos (2) richement paré de drap d'or, son ciel de meismes au desseure de y, et toute la chambre préparée en manière deue. Si fut amenée celle ambassade devant le duc, dont le chef estoit ung chevalier de moiïen âge, belle personne moiennement et bien moriginée, à grands cheveulx retournés en arrière, vestu d’une robbe de drap d'or, verde, tissue d'or, bien rice et traînant ung peu à terre, deschainte, à ung large collet de Behanges, fourrée de poins noirs, comme de bèvres (3) à long poil. En luy venant en front aveucques la sieute qu’il avoit, ses compaignons de l'ambassade, clercs et gentils hommes, se rua à genoulx en terre , et fit les salutacions de par l'empereur au duc en gros hault allemant, tellement qu'à paine nul ne le sçavoit entendre, fors que mot c1, mot là. Avoit belle voix, belle faconde , belle manière et bien asseurée, et mettoit fort paine à faire entendre au duc ses mots. Il fit présentation d’unes lettres au duc en latin, les quelles le duc receut; et les fit lire par ung secrétaire, greflier de l’ordre, qui en exposast le contenu. Et ne portoient que créance. Depuis cestui chevalier se mist arrière en faire une harengue au duc, sur charge comme touchant recommandacion et telles euvres. Mès tant estoit son language gros, à la nature du pays, qu'à paine le pooit-on entendre. Le seigneur de Lannoy ensemble et l'aman de Bruxelles en furent expositeurs , à bien grand paine. En effect l'empereur et l'emperies (4) le saluoient très affectueusement, ce dist , et looient Dieu de quoy, après si longue et grieve maladdie qu’avoit portée, ils avoient oy dire que retourné estoit en santé de corps ; et en estoient moult joyeulx. Se offroient tout à ly et luy présentoient leur pooir en amistié ferme. Le surplus de sa crédence il contretint jusques au plaisir du

(4) Maire

(2) Fauteuil à dos.

(3) Castor.

(â) Impératsice.

duc, ce dist, et à son aisc ; car désiroit à le faire et dire à sa privée personne, à peu de gens. De quoy le duc se tint à bien content.

Et fit remerchier l'empereur et l'emperies de leur bon et amoureux souvenir, et de tout ce qui à dire séoit en tel cas. Et à tant fut porté vin, et burent les estrangiers. Et après congié pris et donné , furent ramenés par le seigneur de Lannoy arrière , et par aultres serviteurs et nobles hommes, jusques en leur logis. Et eulx partis, prestement arrière vindrent devers le duc les envoiés de par la ville de Barcelonne au roy franchois, en contraire de leur roy d’Arragon. Et vindrent, sans aultre charge avoir devers le duc, fors pour luy faire les honneurs et sçavoir de son estat. Et estoicnt eux deux chiefs de ceste ambassade l’abbé de Nostre Dame de Montserrat, et ung chevalier nommé messire Jehan d'Escoppons , de qui, en l'aultre précédent vo- . lume devant cestui, a esté faicte mencion assez longue , touchant la charge qu'il avoit prise de noste sainct père, ce disoit , depuis la mort du roy d’Arragon, Alphonse, son maistre , pour venir devers les princes chrestiens pour les susciter contre les Turcs, affin de faire croisée sur eulx, là où en passant par Lombardie il arraisonna estrangement, et en manière non oncques oye ailleurs, le duc de Milan, comme le conte porte tout au long en l’aultre livre. De là s'en vint devers le roy Charles, à qui arrière il fit ung aprocement estrange par ung escript qu'il luy envoia, parce que audience luy avoit esté donnée du roy. Et le quel après le manda venir devers ly, et durement assez et estrangement l'increpa de diverses choses, et luy remonstra ce que gaires nul n’eust osé dire. De là s’en vint en l'ostel du duc; fut longuement à Bruxelles devers ly: et comme là trouvæ le prince plus enclin à ce sainct voyage que ailleurs , et sçavoit les diligences et bons debvoirs qu’il en avoit fait et monstré depuis long temps, et tousjours persévéroit en cely voloir, en lieu que ailleurs avoit donné tenchons (4), cy donna glorificacions et loenges, remonstrant Dieu avoir ses yeulx sur sa maison , et sa bénédiction y estre promise pour

(4) Reprimandes.

sa-dévote sollicitude. Fut au Quesnoy aussi devers le comte de Charolois ; au quel, en sa longue maladie qu'avoit portée, fut ung expert physicien, et ea grand partie le remist sus et le garist. Et fit ses contes, comment il avoit arraisonné le duc de Milan, et à quelle cause et comment il avoit usé devers le roy Charles, et quels termes il avoit tenus, comme tout à plain a esté conté en son lieu et temps. Et est cely meismes messire Jehan d'Escoppons, chevalier, qui est venu ici à Hesdin visiter le duc et veoir comment il luy.estoit, aveucques le dict abbé, sans avoir charge aultre devers ly, fors de le conjoyr en sa convalescence et bonne prospérité. Se les receut le duc benignement et les remercia ; et sans y tenir long-parlement prindrent congié de ly et s’en allèrent. Et luy, eulx estant partis, pour faire fin à moult de choses aultres qui pendoient dexant ly et avoient esté retardées peur la venue et affaires du roy , comme du rey d'Arragon qui lui demandoit secours par mer contre les Barselonnois , fit appeler et mander le chevalier d’Arragon qui là avoit séjourné longuement pour ceste cause, affin de le délivrer, et de luy donner response conclute sur sa demande. Dont, parce que les dicts ambassadeurs de cely d'Arragon ne comparurent point et ne se trouvèrent à heure, le duc se retrahit; etles convint attendre depuis jusques à Lille, là où ils furent despeschiés avec l'ambassade de l'empereur et pluiseurs aultres. Et dedens trois jours après, le duc partit de Hesdin, et tira vers Lille.

Et le roy ne bougea de Abbeville et de là entour, de tout l'iver. |