CHAPITRE LXIITL
Comment, durant le séjour que le duc fit à Hesdin, il y eut représentacion de sept couronnes.
Fut trouvé lors que, durant le séjour du duc en Hesdin, y avoit représentacion devers ly de sept corronnes de divers réaulmes :
dont la première si estoit du roy de France, qui y estoit en personne ; la seconde du roy d'Angleterre Eduard dont l'ambassade y estoit solempnelle; la tierche si estoit de la royne Marie, mère du roy Loys, pour le voyage de
GEORGE CHASTELLAIN
{ Turquie; la quarte si estoit pour le roy
d'Arragon pour avoir secours contre Barselonne; la quinte si estoit pour le roy de Norweghe et de Dennemarche pour les armes du bastard de Bourgoingne; la sixiesme si estoit la royre mesmes d'Angleterre pour elle ct pour son mary, comme pour refuge desesperable, et dont fin tyra fructueuse ; et la derrenière si fut de par l'empereur, dont la péticion n'estoi encore scene. Et par ainsy, comme j'ay dict , les faits des sept coronnes se controuvérent tous en ung assemblement de ville et soubs si grandes matères comme leur faict porta. Etavecques ce que les affaires et les accidens de la maison estoient grands alors, comme assez en est touché, ne povoit doncques que le soing n'y fut grand, avec le costé du duc et de son conseil, pour satisfaire à tout ; et présumoit bien faire, comme bon faict à croire. Le duc doncques venu à Lille, là oyt l'ambassade de l'empereur; et luy donna audience à part à peu d'assistans. Et combien qué la matère de sa chose se tenoit close, toutesfois en feut revelé et sceu : que il demandeit la fille du comte de Charolois, seule héritière de toutes les terres et scigneuries du dac, pour le fils de l'empereur en mariage ; et tendoit à l'alliance du duc et de sa maison par ce moyen. De quoy le duc, qui estoit sage et bien avisé en tout, et savoit faire et dire selon le poix des matères qui à 1y venoient, remercia haultement l'empereur de l'honneur à ly offerte et de sa bonne affection envers 1y, disant : que le dict son fils et sa venue estoit digne de plus grand chose que de sa fille ; més pour l'eure du présent, la dicte sa fille estoit encore jeunette , et soubs éage longuement, et n estoit en point de maryer,ny d'en tenir parolle. Sy prroit que il pleust à l'empereur soy tenir à content, jusques son éage seroit venu plus avant; et que pendant beaucoup de long temps qui courroit entre deulx, avant qu'elle eust éage compétent à ce, d'ung costé et d'aultre on auroit beau loisir de parler de ceste matère ou d'en taire. Et n'estoit presentement , ce disoit, avisé ne conseillé d'en vouloir tenir parlement avecques nuls, pour ce que ses affaires pendoient soubs
| variableté de temps, dont ne povoit traire
certaines fins, si non soubs doubte, et les quels doubtes estoient les causes de son différer. Ce fut -en effect tout ce que cestuy ambassadeur impérial peust traire de sa demande pour consentement , et de quoy enfin se tint à bien appaisé. Et fut festoyé et honuoré haultement de pluiseurs seigneurs. Et pour fin de feste le duc meismes l'honora et festoya à sa table, tellement qu'il s'en partit donnant grand los et fame à sa personne , et disant que l'honneur du monde estoit en ly et l'exemple de toute noblesse.
