CHAPITRE VII
Comment le duc convoque à Gand les quatre membres de Flandres qui assentent à sa demande.
Grand estoit le soing par lyens et la solicitude, l'un pour faire, l'autre pour conseiller chose qui peust porter fruict et prouflit au présent affaire du maistre , qui estoit de grand poix. Si y avoit de diverses considéracions et de diverses choses arguées en divers lieux. Mais pour commencement de besoingner, i fut advisé estre licite et expédient de mander hastivement les quatre membres de Flandres, pour venir en Gand tenir leur assemblée devers leur prince , affin d'avoir conseil et advis avec eulx sur le cas advenu, aussi pour prendre la possession de son païs à luy escheu de son père deffunct. Si furent mandés, et y vindrent en bel estat et en grand nombre , notables personnes, tous habilliés de noir, pour revérence de leur prince perdu, et tristes en semblant par compassion de la
CHRONIQUE DU
douleur du nouveau. A heure doncques propre et députée se trouvèrent tous joincts devers leur seigneur, en chambre convenable , là où luy meismes, pour plus les attendrir et affecter en son faict, se bailla spectacle à leurs yeux, et leur fist remonstrer la doloreuse et confuse mort de leur feu noble seigneur et prince son père, soubs umbre de paix et de salutaire convencion pour tout le monde , traitreusement murtry et enversé à Montereau, qui estoit cas de pugnition en divine justice et meismes en humaine vengance, non seulement de 1y son fils, seul heritier, mais de toute la genceralté de ses subgects, bien amés de luy autresfois, et luy de eulx. Si leur fust remonstré aussi en quelle aguë ardeur de s’en vengier , il s’estoit deliberé et conclu de y entendre temprement et le plustost que pourroit. Pour la quelle chose mettre à effect, en puissance de gens et d'argent convenable, et de mettre sus emprinse non reboutable par autre , il desiroit à sçavoir de eulx leur affection et Île secret de leurs cuers, comme de ceulx à quiil touchoit, meismes comme à luy, et par nature et par honneur ; car par eulx vouloit entreprendre et besoingner, et par eulx vouloit estre secouru en besoingne, comme raison le donnoit; et ne fust ores que pour le despit de leurs ennemis qui si cruelle mort avoient procurée en leur prince.
Vive estoit la voix du parleur. Et combien
‘ que la matère de soi fust piteuse , toutesvoies
sçavoit bien user de termes et de couleurs nécessaires au cas pour plus les vaincre. Si n'y ot cely qui ne tendist les oreilles et qui ne meist toute son entente à l'escouter. Couvertement souspiroient les aucuns, les autres larmoioient soubs la paupière et transmettoient leurs plours estre tesmoinaige de leur amour. Toutesvoies retraicte fut faicte, et prinse heure de responce, laquelle venue, d'ung commun assentement fu respondu pour eulx tous, avec plusieurs préambules de langaiges : qu'en ceste querelle et toute autre, eulx, Comme léaulx subgects naturels, s'offroient de corps, de biens, d'argent et de puissance à leur seigneur et prince présent, dont ils ne cognoissoient ne ne vouloient congnoistire autre. Et tantet si avant que leur povoir se pourroit
estendre et tirer, vouloient mettre païs, villes, femmes et enffans, tout en branle et en aventure pour luy, et souverainement en cestuy cas là où luy et eulx estoient si villainement foullés et addomaigés que oncques nuls si fort; et luy prioient qu'en ce il preist ferme et parfaicte fiance , et qu'il advisast la forme de sa demande, quoy et combien, et que du surplus il les laissast convenir à son prouflit ; et ils feroient tant que illes cognoistroit vrays et humbles subgects, fort embrasés et espris de son amour.
De quoy fu si content et joyeulx que nul plus, et non sans cause , car par leur secours povoit faire ung grand escart entre ses ennemis, et se monstrer fier et puissantencontre leur orgueil. En quoy est bon à noter que en comblesse de substances et d'argent, non ès dignités et haultesse de Icur nom, gist toute la gloire et la regnacion des princes. Lesquels quand prodigues sont en despendre et en vanités et en choses non utilles, et puis rapineux et “trans par povreté sur les subsects, communément en grandsaffaires se treuvent deffaillans et frois, et impotens leurs subgects à leur besoing.
