CHAPITRE LXIV
Comment arrivèrent à Lille deux ambassadeurs d'Allelemaigne pour le mariage de la maisnée fille de Bourbon.
Et du mesme costé d'Allemagne arrivèrent à Lille encore deulx aultres ambassadeurs, l’un de par le riche duc de Bavière et l’aultre de par le comte de Wirtembergh. Et ignorans J'ung de l’aultre chascur quelle chose il pourchassoit, vindrent pour une meisme fin, à la quelle tous deulx tendoient, chascun pour ly; <'estoit pour la maisnée Margarite , niepce du duc, pour l'avoir en mariage; car chascun des deulx princes allemans avoit fils de compétent éage pour elle ; aussi estoit de convenable éage pour leurs enfans , et de maison fort convoitiée. Le duc prist moult à gré leur requeste ; et comme raison l'ordonnoit, mercia moultles deux princes de l'amour à ly monstrée; et les contenta de telles responses, que leur venir les mist en bon appaisement de retour. Et si l'ottroy n'y estoit tout parfait, comme bien à deulx ne la pooiton promettre, si estoient les délayemens si honorables et de raison colorées, que, en rapport faire aux renvoyeurs, povoient es- ‘ tre acceptables et prins en gré; car estoit la maisnée de toutes; et si en avoit encore à marier une aultre devant elle , et la quelle il convenoit pourveoir ; et avoit le duc maintenant tant à entendre à son voyage , que à nulle riens n’avoit soing que à icelluy affaire.
En ceste ville de Lille, le duc visita son trésor; pourvéyt sur ses grosses affaires à
CHRONIQUE DES DUCS DE BOURGOGNE.— II: PART
venir, et par le quel bout m par quelle voye tuut se pourroit conduire en bien; fit calculer la somme que monteroit son armée par an, tant en gens d'armes que en artillerie ; se conseilla sur la fuinicion, et comment , et du pris, et comment de lui, et par quelles mains; et de quels gens feroit ses capitaines , et les dacteurs de son ost par mer et par terre ; et regarda aux paremens de son corps, dont prince en terre n'avoit semblables pour soy monstrer; et les quels maintenant tendoit à desployer; car les avoit gardés pour cestuy voyage comme pour fin de sa gloire, comme en riches tentes et pavillons sans paraulx pour lors, riches couvertes et harnachures de chevaulx , estoremens de corps de meismes pour fait de guerre, qui valloient ranchons de rois et princes, et les quels entendoit porter maintenant avec ly. Et de tout ce qui faisoit à imaginer et penser en ung si très hault -et podcreux affaire comme cestuy , il se disposa à en prendre conseil et sain avis aveucques ses plus sages, et à en faire partie par leur sens, partie aussi par propre vertu, et en efect jusques au parfait de l'euvre; car là tous ses desirs tendoient, et nlus beaucoup que à moult d’aultres d’emprès ly, qui mieux aimassent le contraire.
