CHAPITRE LXV

Comment le duc partant de Lille et venu à Bruges commença à mettre son propos pour croisie à l'effect.

Le duc doncques, après le ‘sejour de trois sepmaines à Lille, tyra vers Bruges; et1à venu, commença à mettre à effect partie de son propos; ordonna à faire faire multitude de loucets et de pelles de fer pour maronniers, bastons de toute sortes deffensables ; fit acheter gros navires et galères au port de l'Escluse ; faire biscuit à tous lez; ordonna aux grands la multitude de ses gens que debvoient avoir chascun , qui par mer, qui par terre; et pour non faiilir à navire convenable au cas, fit arrester tous les navires de l'Escluse et des aultres ports, pour en prendre son choix à prisée des congnoissans commis à ce. Et n’y avoit nul, de quelconque nation qu'il feust,

qui en ce fust espargné. De quoy pluiseurs se dolurent ; car ne furent leurs navires estimées ni prisées que à leur grand perte. Aulcuns Bretons s'emblèrent par nuyt et s'en allèrent sans retour. Si firent aultres d'autre nacion pour longuesse de temps; car de ceulx beaucoup qui les avoient barguiynés et retcnus ne recepvoient point d'argent, pour ce que chascun encore tenoit son argent clos et devers ly, par peur ou par espoir de rompture. Car ne se fondoient point tant fort en la bonne volenté du duc, que en-

core ne imaginassent que rompture n’y peust

entrevenir, par quoy tout demourast darrière ; car véoient beaucop de difficultés bien grandes, et de divers lieux, apparoir. Et la première et souveraine si estoit la discorde entre le père et le fils, dont la matère povoit estre produiseresse de moult d’aultres inconvéniens craindibles. Et par ainsi je dis: combien que les seigneurs en ceste première frescheur se préavisoient d'une chose et d'aultre , ne le firent pas encore en parfait pour les causes alleguées, et fors par manière comme à demy.