CHAPITRE LX VI

Comment le comte de Sainct-Pol, après ung adjournement devant le roy trouva en son conseil] deux expédiens.

Or estoit le comte de Sainct-Pol adjourné devant le rov sur les peines devant dites ; et avoit esté contraint et mené à celle necessité comme par le seigneur de Croy , le quel il héoyt. Il fit son moyen vers le roy pour avoir ung prolongement; le quel à grand peine il obtint, et encore bien petit. Si en fut le dict comte bien perplex; car ne véoit homme vivant par qui moyen espérast venir à sa paix, qui mal estoit du duc son prince, et à sa desserte, mal du seigneur de Croy, le quel povoit moult du roy en son faict, et mal velu au roy comme pour sa vie. Dont le seul homme en qui se fioit, c'estoit le comte de @harolois son maistre, et cely n'avoit povoir ny escout. Si entra en beaucop de variacions touchant ce que devroit faire désormès , ou si se laisseroit convaincre par contumasse , ou

s'il se parsieuveroit à sa Journée en personne ou non, où-sil s'en iroit au hault et au loing après son ban, ou s'il se tiendroit en aucunes de ses places hors du réaulme, dont il en avoit de lonnes. Si se conclud finablement à deulx choses: L'une sy estoit : qu'il envoyeroit l'ung de ses fils nommé Pierre, beau chevalier, devers le roy; et là venu , il qui estoit chevalier hault et de grand courage deMnanderoit au roy congié de partir ; et le congié obtenu, jetteroit son gaige devant le roy, disant : que s'il y avoit homme au réalme de France qui voulsist chargier son père de quelconque chose qui feust contre honneur et contre debvoir, et que ung noble scigneur tel que son père ne deust et ne peust faire sans blasme et sans reprinse, il estoit et seroit content de le combattre devant le roy, et tellement s'y

porter, sy avoit espoir, que l'honneur en de-

moureroit devers ly, et le blasme devers les imposans. Ceste charge prist voulentiers et de grand cuer le jeusne chevalier, nommé seigneur de Roussy. Et quand il fut avisé et conclu du père, il s'en alla devant le roy, là où il se trouvoit, en Ponthieu ; et fit cestuy personnaige tant haultement et fièrement parlant, que on s'esmerveilloit de sa manière, et tellement que le roy mesmes lui dist :

« Beau seigneur, parlez ung peu plus bas, et refroidez vostre sang. Vous estes mallement esmeu, comme qui se jouast. » Et l’aultre dist : « Par la mort! beau seigneur , il n'y a que refroider. Jé suis homme pour le dire, et de nom et de maison; et pour faire ceci et plus grand chose si besonpnoit. Si y a nul qui accuse monseigneur mon père et par qui vous estes informé contre ly, si se sent avoir bonne lance, si saille avant. S'il est gen tilhomme , il ne devra riens vouloir dire en derrière d'ung bon chevalier, qu'il ne le maintiengne en devant. Viengne quel qu'il soit et se monstre, et je suis tout prest ici pour faire et dire mon ,debvoir , selon ce qu'il appartient. Et vous, sire , qui estes roy, ne me devez nier la bataille par raison, se par bataille j'offre à prouver menteurs ceulx qui accusent monseigneur mon père à tort. » Le roy eust esté voulentiers quitte du parlant, mès ne savoit trouver voie; car l'aultre toujours s'eschauf foit plus en plus, et tellement que enfin le

roy dist: « Pour l'amour de Dieu! emmenez ce fol dehors, il nous fait tout peur. » Si convint que les princes et les grands barons qui là estoient lui rompissent son parler, et l'emmenassent dehors de la chambre pour contenter le roy, et non moins pour le rappaiser en son sang esmeu; car y avoit beaucop d'amis et de favorisans , et desquels il estoit autant prisé et loé de s'estre monstré homme de courage, comme repris de pluiseurs aultres , qui le povoient blasmer de paroles légièrement vuidées. Et à tant, sans tirer aultre effect de son offrir devant le roy , ledict de Roussi, troisième fils du comte, en danger, retourna devers son père, à tout ce que avoit dict et faict, là où je le laisse. Et viens au second point de la conclusion que cestuy comte de Sainct-Pol avoit deliberé en luy, c'estoit que , par moyen, il iroit devers le duc à Bruges, pour là soy rendre à 1y, et pour savoir se par ly et par sa grâce ne pourroit tant faire que le dangier en quoy il estoit fust comme en doulceur, et que le roy se peust tenir à content de ly, sans le prendre à telle rigueur. Si y alla ledict comte par le moyen que vous ay dict. Et lui fit le duc bonne chière ; mès en fin de compte, quand ce vint à parler et à faire mencion du dangier auquel le roy voloit mettre ledict de Sainct-Pol, et que meismes iceluy demanda au duc, disant : « Monseigneur, que dois-je faire si le roy me bannit de son royaulme ? » Le duc luy respondit :

« Beau cousin, si le roy vous bannit de son réaulme , je ne vous voudroie ne porter ne soustenir contre ly en nuls de mes pays. Si avisez à ce que vous aurez à faire. » Et alors voyant comment le duc qui estoit très puissant prince en l'empire lui refusoit là la retraicte, là où le roy n'avoit nulle juridiction, si se tint à moult estonné, et dict: « Ha! monseigneur , doncques j'ay des enfans beaucop, et qui ont assez ; et n'en suis pas en soucy. Mès que feray-je doncques d’une seule fille que j'ay, qui est à marier? où la marierai-je ?» Et le duc luy respondit :« Beau cousin , vous en ferez à vostre discretion. Le roy, je pense, ne prendra nul maltalent à belles filles. Mès si je vous puis ayder, je vous ayderai voulentiers. » Ceci se disoit entre eulx deulx, demi à risée demi à escient ; mès à cely de Sainct-

CHRONIQUE DES DUCS DE BOURGOGNE. —II° PART

Pol il lui touchoit au cuer ; et ne fut oncques jusques à celle heure sien perplexité de chose, que quand il oyt que en Hainault et ailleurs, là où il avoit belles terres et places, le duc ne le vouloit garder ne luy donner aveu de soy y retraire; combien que le duc meismes se fouloit en cela , car les terres et seigneuries qu'ilavoit en l'empire, haultes et puissantes, le roy n'y avoit que congnoitre et n'y quéroit riens; et pour tant il se fouloit soy mesmes et non moins ses subgects. Mès il sembleroit que ce n'estoit que une faincte, pour tant plus donner peur au dit comte, lequel il avoit coatre cuer pour ses longues et pluiseurs demerites envers ly, et dont aultrefois luy avoit fait pardon, et tousjours revenoit en nouvelle offense.