CHAPITRE LXVII

Comment le comte de Sainct-Pol se tint quelque peu de temps en Fontainel'Évesque.

Tout esbahi partit doncquesle comte de Saint-Pol de Bruges , en attente d'estre banni de jour en aultre. Et vint reprendre son haleine ung petit en Fontaine-l'Évesque qui est terre de Hainault. Et là de pluiseurs marches on lui vint offrir places en Ardennes et ailleurs pour soy ytenir. Mès encore non venu au derrenier destroit, n’en prist nulles, et en renvoya les offrans ; car sçavoit bien quil convenoit avoir trois deffaults contre ly, premier que estre banny, dont n'en avoit passé que le premier. Si disoit lors, que assez varia , sur Ham en Vermandois , qui est place forte et bien garnie, de s’aller tenir là banni, et d'attendre là son dernier mésavenir. Mès desconseillé de l'oultrage et de peril qui y gisoit, ne le fit pas. Si fit que sage. Et toujours avoit gens allans et venans, tant devers le roy comme devers le duc et le comte de Charolois, pour vuydier hors de ce danger par moyen ; lequel ne se trouva pas bien ayse, pour cause que la discorde entre le père et le fils se grandissoit toujours, et de laquelle on imputa que cestuy de Saint-Pol y avoit grand coulpe. Par quoy il sembleroit que on estoit tout ayse de son eslonge d'emprès ly; car par y estre demoré, jamès père et fils

peut estre ne fussent venus à accord,

moins encore ceux de Croy à leur paix vers le comte de Charolois, parce que cely de Saint Pol les hayoïit, et induisoii le comte son maistre à les hayr plus que oncques par avant. Et par ainsi il pourroit sembler que cest ajournement du comte de Saint-Pol , et le danger en quoy se trouvoit, que jamès n'auroit esté forgié par sens pour venir à aul cures fins; si estoit il utile toutesvoies et rendant grand fruit , pour venir à contentement entre père et fils, et à recouvrement de paix à ceux de Croy qui d'ennuy en fondoient , car jamès paix ne se trouveroit entre le père et le fils, estoit apparent, que ceulx de Croy n'eussent paix aussi, tout par ung ensemble; ce que cely de Saint-Pol eust em-

pechié peut estre pour cause de eulx, car

c'estoit cely seul au monde, avecques aulcuns aultres notés, en qui le comte plus créoit, et par qui tout se faisoit et laissoit.

Or y avoit le jeusne duc de Gheldre, sejournant à Bruges jà longuement , et attendant à faire ses nopces avecque damoiselle Katherine de Bourbon. Sy luy annuyoit moult, et desiroit l'abrégeance du cos, à quoy ne pot avenir si tost; car desiroit fort la ducesse de Bourbon que la fille la comtesse de Charolois y fust; et attendoit-on de jour en aultre que l'accord se feroit entre le père et le fils par aulcun divin moyen, et que par ainsi tout se pourroit trouver ensemble, fils et fille, et se feroient les nopces joyeusement. Mès on y espéroit en vain; et en estoit le rapprochement mal prest encore, comme longuement que on béoit après, car y falloit avoir pluiseurs mystères entre eulx et de grands moyens, premier que de venir à ce, comme se dira après. Et pourtant fallut-il annoncer les nopces, et s'en delivrer sans plus attendre à riens. Et furent ordonnées à faire par ung dimanche dix-neufviesme de décembre , dont je toucheray cy après , mès que

j'ay entrelaché le mandement que le duc avoit

fait à tous ceulx qui avoient voé ès pays de deçà d'aller avecques ly en Turquie : que fussent en Bruges tous ensemble le quinziesme de décembre , que tous obéissans y comparussent, de Flandres, d'Artois, de Brabant, de Haynault. Et le seizième du mesme mois,

GEORGE CHASTELLAIN

j l'évesque de Tournay ,

ensemble messire Simon de Lalaing , retournans de devers nos tre saint père, entrèrent en Bruges à tout ce qu'avoient exploictié touchant le saint voyage. Et venus devers le duc, lui contèrent le propos du père saint et de ce qu'il avoit disposé à faire; lui contèrent le commun accord des nacions d'Italie et le paroffrement en quoy se mettoient, aveucques la grande et ardente diligence des Veniciens qui aultre chose n'af. fectoient que de l'avoir pour lear chief. Si lui firent record aussi de la très haulte et solempnelle remonstrance que ledict père saint avoit faite devant l'assemblement des nacions en public consistoire, par manière de persuasion ; et comment, après eulx avoir trouvé et oy tout ce qui se disoit et faisoit, eulx, en ensuivant leur charge de ly acceptée, l'avoient obligié personnellement de soy trouver prest atout son armée en la prochaine saison, sur la fin de may, à Romme, devers ledict saint père , pour de là eu avant partir et aller avecque ly par mer et parterre en la conduite de Nostre Seigneur, et pour la sainte foy deffendre. Dont eulx ayant fait leur record, lors tenoit-on en bon escient le voyage,

et voyoit-on que point n'y avoit de recule.

Si en y avoit des murmurans beaucop et des mordans sur ledict évesque ; et desquels aulcuns en couvert, aulcuns en public, lui imputoient cest-obligement en grand charge.

Et disoient que légierté et grand folie estoit, et follement presumé de ly, d'avoir obligié ung tel prince, et de tel poix, et venu jà à si vieil éage ; que nulle riens n'’estoit plus dangereuse que sa vie , et le faire aller perdre et morir , et laissier ses pays orphelins et despourvus de confort, qui tant estoient grans et de grans poix, et tant environnés d'apparens périls moult à craindre. Si fut l’évesque assez entrepris de tels murmures, pour cause du fardeau qui pesoit. Mès avoit bon deffendre, ce disoit, et de quy ne seroit point desavoé de chose faicte. Si en parla au duc, et .

luy conta leur murmure contre luy; le quel luy dist qu'il ne s'esmeust de riens, car es-

toit bien content de ly , et n’avoit à nulluy à rendre compte de- son affaire que à sa personne. Et en effect, en plain assemblement de son conseil et des nobles da <a marron,

dist tout hault : « Vous aulcuns, qui murmurez contre l'évesque de Tournay et lui imputez à charge l'obligement qu'il a fait de ma personne , je veul que vous sachiez il l’a fait de mon commandement et de mon plaisir; et me plaît, et en suis joyeux; car je luy avois ordonné et enjoint de ainsy faire , si le cas se offroit. Peut estre qu'il en y a devers vous qui mieulx aimassiez la rompture que l'aller avant, et pour ce en murmurent. Et si en ya qui m'ont persuadé et persuadent que moy je demeure:et y envoie aultrui , et alleguans pluiseurs dangers de ma personne, de mon vieil éage, de mes pays et seigneuries, conseillent et tendent à fin que j'y envoye prince aulcun de mon sang et que j’y espargne mon corps, mès entendent bien tous ceulx qui en ce laborent et ont laboré, je ne les tiens pas à mes léaulx amis, mès à mes parfais ennemis, droitement contraires à Dieu et à mon salut, quand pour servir Dieu en l'opportun affaire de son peuple chrestien me veuillent eontrarier en ma devocion. Je veul bien que le monde sache, sans moy vanter, que cestuy affaire de Dieu me va devant le mien propre , et le salut de mon ame avant le repos de mon corps; et n'est ni parens, ni enfans, ni dangier de pays ne de subgects, ne nulle rien terrienne que je ne postpose en la main de Dieu pour ceci entendre. Dieu à gouverné tout jusques ici, et en fera bien à son plaisir. Au surplus tousjours me suis perceu de sa grace jusques à maintenant. Si me dois moins deflier de sa bonté quand je seray en son service, moins encore mes hommes et mes subgects qui sont à ly à pourvoir , et lesquels, comme instrument de sa glorieuse main , j'ai gouverné en sa miséricorde jusqu'à ce présent jour, en felicité et n paix. »