CHAPITRE LXVIII
Comment le duc fit convenir les nobles du pays pour oyr leur résolucion touchant les veux fais du voyage.
De ceste parole furent comme honteux pluiseurs escoutans; et de là en avant n'y eut si hardy qui plus voult sonner mot, si
CHRONIQUE DES DUCS DE BOURGOGNE. —II° PART
non acquiescer et consentir en son delibére propos, sans-riens y rompre. Et laissa-on paisible l'évesque de Tournay, pour l'adveu qu'il avoit si cler; et chascun se prépara, l'ung plus lentement, l'aultre plus tost, sur toute aventure de ce qu'il adviendroit, faulte ou adresse. Or furent fais convenus ensemble tous les nobles mandés, est à savoir qui avoient fait veux d'aller en ce voyage, pour savoir de eulx tous et de chascun quelle vouloir ävoient en leur veu fait, ou de l'accomplir ou de Île non poursuire ; car sur cela le duc voloit fonder partie de son fait. Si furent en ceste congregacion de par le duc, premièrement l'évesque de Tournay, le seigneur de Croy, son frère messire Jehan, le seigneur de la Roche, messire Symon de Lalaing, et
‘pluiseurs aultres du conseil du duc. Et là,
par une ouverture et par manière de renouvellance de la longue et ancienne voulenté du duc, leur fut remonstré en gros ce que nostre saint père luy avoit mandé nouvellement, et que force luy estoit, tant pour propre honneur rendre comme pour obéir et entendre au faict de Dieu et de sainte Église, d'aller maintenant en personne contre les Turcs, et d'emprendre le voyage pieça en 1y prepre; par quoi, comme il estoit notoire pour l'univers monde, comme jadis en la ville de Lille il en fit les vœulx, et à cause de ly multitude d'aultres nobles hommes, chevaliers et escuyers s'obligèrent ensemble, en tant maintenant quand {2 chose estraisnoit au droit fort du point, desiroit à sçavoir de chascun distinctement , se en ensuivant meurs et condicions de noble homme, vouldroit poursuyr et mettre à effect son veu promis, à fin de savoir sur quoi et sur qui se voudroit fonder et édifier son exercite. Dont ceulx qui avoient bonne et estable voulenté tele aujourd'huy comme alors, prioit que declairer le voulsissent; et qui estoient ou seroient refroidis et mués de propos, que pareillement se descouvrissent aussi, pour les mettre hors du nombre. A ces paroles eust-on veu visaiges muer, et muser esperis à tels en y avoit, qui cuidans estre quites de leurs veulx par aucunes condicions prises, de terme ou d'aultre accident, se trouvoient maintenant forcés de respondre à leur honneur ou à leur honte et confusion. Là perceut
on vertu luyter contre paresce, cremeur contre hardement, honneur estremir contre honte, et noble nature s'esforcer sur lasche cour- * rage; ettellementque, après bataille continuée ung petit, la victoire se tira devers vertu par desprisement de tout vice; et esleva vertu sa bannière en hault, soubs la quelle tous corages en ung accort prononcèrent entretenement d'honneur estre avecques eux, voluir vivre et morir en tiltre de bien faire, et non enfraindre la loy de noblesse dont de leurs pères tyroient l'origine. Et fut du costé des Flammans principal esleveur de ceste bannière , messire Josse de Hallewyn, gentil chevalier, souverain . de Flandres, dont tous les aultres l'ensuivyrent, et du costé des Picards aussi, messire Philippe de la Viefville. Dont tous les aultres de sa nacion eussent eu honte d'y contredire, jà-soit il que moult en y avoit de meilleurs de 1y, plus sages et de plus grosse maison , et à qui le parler eust csté mieux assis. Et ne s'en fut toutesvoies moins riens fait, ne moins dit. Mès ly, comme le non plus sage, vueilloit par une arrogance ambler cestuy mot à tous les grans qui là estoient, et le proférer premier : qui donna matière en sousrire ceulx de Haynault, qui en honneur et bien faire envis se trouvoient recréans , mès aigres costumiérement en hault emprendre, comme nuls de leurs voisins. Et par ainsi tous ceulx qui avoient voé aultresfois reconfirmèrent leurs veulx par nouvelle promesse, à l'entretenir, toutes les fois que besoing seroit, aveuc leur prince , le quel vouloient accompaignier ; et ne luy fauldroient se par mort non.
