CHAPITRE LXIX
Comment le duc, empesché à faire son voyage par désordre entre ly et son fils, envoya devers son dit fils le bastard de Bourgoingne (1).
De ceste response se trouva moult aise le duc, et l’imprima fort en cuer ; et faisant fondement sur le nouveau repromettre , disposa du surplus par diligence, afin de venir à l’ef-
(4) Cet intitulé, qui manque au manuscrit d'Arras, west fourni par la table du manuscrit de Paris.
GEORGE CHASTELLAIN
fect. Etentretous aultres affaires du monde que pooit avoir , et les quels aulcuns plus , aultres moins, pooient donner empeschement ici ou rompture, ne estoit que ung seul , et le quel pour le poix de ly et pour la difficulté qui y gisoit, ne or, ne chevance, ne pooir de gens, ne bon voloir, tout ne pooit servir riens ne proufiter au parfaict de ce voyage que premièrement cestuy ne fust vuydié. C’estoit que le comte de Charolois venist vers son père, et le contentast en son courroulx; et que le duc le receupt ensa grace comme son bon fils, et se remist en faire la paix de sa conscience touchant celluy affaire. Car commeil ne pooit partir deses pays de par deça sans contenter les subgects et les pourvoir de bon gouvernement , ne pooit faire fondement sur riens aussi tout en vain, sans vuydier de ceste discorde. Et à ce furent enclins tous preud'hommes , tous nobles chevaliers et escuyers qui en moroient d'annuy, et ne désiroient fors que la paix s’en fust, tant pour ung que pour aultre , comme pour pluiseurs regards qu'avoient, qui estoient conWwaires et dommageables à tous les deulx, comme pour la nécessité des divers pays aux quels pour les garder de la gueule du lou, il failloit pourveoir. La ducesse de Bourbon y labouroit, qui point n'en estoit oye. Pareillement seigneurs et pluiseurs nobles, et tout en vain. La clergie et les dévotes personnes s'y emploièrent , et n'y firent euvre aulcune; et les villes, et les bons subjects par multitude en supplièrent, dont la seule compassion que le duc avoit de eulx , lui commovoit le courage. Or y avoit ung grand dangier ici, et de compassion digne entre le père et le fils; et qui bien en sauroit ou vouldroit escrutiner le fons en son vray vif, de legier pourroit cheoæ en mauvais jugement de l’ung contre l'aultre , et d'en mettre le tort où point n'auroit de coulpe; car, à oyr conter ce différent entre le père et le fils, et comment ils estoient en corage non d'ung assentement , il sembleroit quele comte en eust le tort devers ly ,etqueen son mesprendre seroit cause du couroux de son père justement fondé; et à l’aultre lez, qui regarderoit les causes et les actions que avoit le comte, et les quelles luy estoient matère de douleur et regret, il sembleroit
1462, CHRONIQUE DES DUCS DE BOURGOGNE.— II: PART
que le père n'eust cause de rigueur envers son fils, ne par quoy paix ne s’y trouvast légière. Car, à dire vray, le fils ne se monstroit en riens désobéissant au père, ne en riens emprenant sur luy par haulteur ; mès seulement se doloit d'aulcunes personnes d’entour de ly, et les quels le duc son père portoit et soustenoit contre ly, et en ruyne meismes, ce disoit, d'ambedeulx leurs personnes ; et se doloit et complaignoit à Dieu et au monde du meschief que ces gens ci lui brassoient et préparoient par long couverts traits ; et que ly, qui estoit père , ung sage glorieux viellart, s'en lassoit mener et abuser ainsi , en ruyne de son propre enfant. Et par ainsi, à prendre la querelle de ce comte en son droit vif sourgeon, là où ne se trouve rébellion ne insurrection contre son père, ne oeuvre defait, ae violent exploit, fors doléanceset remonstrances pitoyables pour informer son père de vérité, point n’en devroit estre mis le blasme de la discorde devers le fils qui en rien des-voloit à son père, fors en ce qu'il voloit parer et justifier ceulx sur les quels il mettoit charge; et le père à l'aultre lez, comme son fils se maintint roide et aigre en l'accusacion de cestes gens, et qu'il considéroit qu'il les héoit et tendoit à destruire , et les enchasser d'emprès ly, ly pareillement, non soy vuellant submettre à l'appétit de son fils, ne soy deporter de ses vieulx serviteurs non attains en faulte, les para et porta encontre son fils , non acoutant à sa doléance. Et ainsy le père avoit le droit paternel devers ly , et la haulteur de se pouvoir couroucier encontre son fils, pour légièrement croire et donner à charge aux gens ; et le fils avoit le droit de pitié devers ly, qui soy voyant en branle et en manasce de grands divers dangiers évidens, et de quoy ne pooit estre ne oy ne creu, dont constrainct par amertume de cuer, s'en alla complaindre au peuple de son père , afin de l’advertir de la piteuse cause et querelle qu'il avoit et en quoy il requéroit ascoutance. Si que pour donner clarté du cas, n'y avoit point tant matère de merveillance entre le père et le fils justement causée, commeil avoit traverse de maleur entre les deulx, pour ambedeux faire perdre; car cuidoit et maintenoit chascun avoir le bon droit devers ly.
Le père toutes fois, après tous regards, souffrit aller vers son fils le bastart de Bourgoingne, son naturel, quirien n'y fit; le seigneur d'Aussy pareillement; ung aultre après, maistre Anthoine Haveron, protonotaire ; qui tous y battirent vent et ne porent trouver voyes ne manières de le faire venir devers le duc, pour cause de ceulx dont il se doloit, et dont il avoit en pourpos de faire sa doléance publiquement devant les estats des pays de son père , pour cause du tort qu'ils luy tenoient et des fins à quoy ils béoient, et longuement avoient taschié, ce disoit, et de quoy Dieu et homme debvoient avoir horreur. Si en retourna chas= cun sans rien faire ; et par l’indisposition des choses qui se continuèrent en dur laissèrent ce qui leur estoit impossible de le commuer en aultre ploy. Et convint faire les nopces du duc de Guerles et de Katherine de Bourbon, sans comte et comtesse.
