CHAPITRE LXX

(omment le duc de Guerles procéda en mariage avecquts la damoiselle Katherine de Bourbon.

Par ung dimanche doncques, dix-neuviesme de décembre, le duc de Guerles procéda en mariage avec damoiselle Katherine de Bourbon , niepce du duc ; et en furent faictes les nopces, moiennement solempnelles, parce que le comte de Charolois et la comtesse en estoient absens, qui cause debvoient estre de plus grand feste. Car quelque nopce qu'il y eust, le duc avoit le cuer triste en son fils, soy mésusant, ce luy sembloit ; et la ducesse de Bourbon non moins pour fils et pour fille, donf ne voyoit moyen de les reduire , voire le comte son beau fils et nepveu ; car de sa fille la comtesse savoit bien qu'elle en morroit d'annuy. Toutesvoies, après disner on y fit joustes belles et rices, mès non pas de telle bruit qu'elles eussent esté le comte présent. Des manières de leurs estas, et de leur somptueux disner , de leur riche arroy et parement, n'est besoing à faire conte , parce que chascun peultimaginer en soy quelle chose peuit duire à telles hagltes gens sans reprise, quand les petits souvent , par la richesse qu'ils ont habondante, se boutent en excès par oultrage,

et font plus beaucoup qu'à leur appartenir , et teles gens comme icy moins qu'à leur pooir et debvoir. Et certes, n'y avoitriens qu'à point et à mesure, et que l'estat de leur venirne portast bien chose plus magnificque. Le duc mena la dame de nopce à l’esglise à nue teste; et en pareil estat la ramena jusqu'à seoir à table, vestue de draps d'or moult rices, et [y de noir velour. Et portoit en teste tout cely jour , une barrette de velour noir toute seméc

pleine de larmes et de gros perles les plus

beaulx de la terre. Et jugeoient les aulcuns qu'en ce avoit mistère , et que non seulement il Les avoit fait faire par joliveté, mès à entendement tout semblable à son cuer. Et portoit Jes larmes en chief, comme se dire voloit : que le chief de la jove, qui debvoit estre son seul unique fils, luy surfondoit et faisoit pleuvoir sur ly des larmes de merencolie, par non soy rendre à sa grâce, qui plus l'amoit que soy meismes , et le désiroit veoir et avoir emprès . 1y, pour le solas de sa vie; plus encore maintenant qu'oncques, pour cause de son voyage, et que, les affaires de ses pays portoient ainsi que, sans l'amour et l'union entre eulx deulx, tout demouroit et pendoit en branle de meschief futur. Et estoit vray , jà-soit ce toutesvoies que je ne impute nulle offense ne rebellion au noble fils, dont en la terre n’avoit prince plus à recorder en meurs et vertus; mès je l’impute aulx maulvais hommes, indignes per- . sonnes, gens àarrogans et présumptueux qui tendent et béent à gouvernement oultre leur appartenir, et attirent par flatterie peu à peu les cuers des princes devers eulx, et eulx vicieux et de meschant lieu , envéniment par conseil et par maulvais aguet leur noble nature et la font bestourner à la voye perverse, parce que de noble condicion meisme n'ont agoustance. Sime donne merveilles comment homme vicieux se ose ingérer ne soy présumer d'entrer en gouvernement de prince ne en privaulté avecques1y, si non que sciemment il délibère et propose de le faire desnobür , et de le destituer d'honneur et de bon los. Car fait à croire que, qui gouverne, il conseille, il boute et maine à effect. Et comme nul ne conseille que du meisme qu'il porte en cuer et en boiste, et ce qu'il porte est maulvais et vicieux, contraire à Dieu et dom-

GEORGE CHASTELLAIN

. mageable au monde, s'ensieult doncques, que

le prince conseillié d’ung homme convoiteux se declairera à cenvoitise , d’ung homme dissolu à dissolucion scandaleuse, d'ung homme menteur à perilleuse mensonge. Brief, de quel vice et vile tasche que sera son prochain privé en qui il croit, de tel affaire et manière de vivre devenra, se meismes ne se préavise et congnoisse le péril que baille auctorité donnée à celles gens. Dont perd fame et bon los ; et la chose publicque recommandée en sa main, dont il abuse, se perd par le samblable.