CHAPITRE LXXL

Comment durant cestes nopces advindrent deux cas de fortane moult lamentables.

Aux joustes de ces nopces, l'après disner, joustèrent plusieurs baults et grands barons pour grandir la feste ; dont entre les aultres, le maisné fils au seigneur de Croy fut l’ung, nommé Jehan, à qui avint une doloreuse aventre et de maulvais auspice. C'estoit que ung grand noble homme, seul fls héritier de David de Fremessent, qui le servoit de la lance , fut tué en courant par les rues; et lui faussa-on la teste tout oultre d’une lance, pour ce qu'il l'avoit nue. Dont grandes plaintes furent faictes à touslez, et en tourna la feste à chascun en:tristesse et en matte chière. Cestuy Jehan de Fremessènt tué estoit norriture de jeusne enfant du seigneur de Croy, qui moult amèrement le prist à annuy , et estoit attendant d'estre héritier de, cinq ou six mille francs de rente devers la comté d'Artois. Avoit esté bel commenchement d'homme vaillant et tout adonné à la guerre; mès de telle triste yssue comme vous oez, et de courte fortune; par quoy il en convient faire courte mencion, et venir cheoir ar-

rière sur ung aultre doloreux cas qui advint,

comme il me fut dict, à cause de ces nopces.

C'estoit que environ dix ou douze chevaliers venans par mer du pays de Guerles, pour estre aux nopces de leur jeusne seigneur., si comme venoient devant le port de l'Escluse, leur batteau et eulx tous qui estoient dedans périrent et furent noyés. Dont tele clameur

et pité furent menés à Bruges, que tout cuer s’en mortifioit de l'aventure. Et ne savoit-on quelle interprétacion faire des deux fortunes , dont oncques à peine nuls si malheureux n'advindrent tout à ung cop en unes nopces de prince. Toutesvoies convenoit tout prendre en gré et s'attendre à Dieu du surplus, là où la submission de son plaisir est cause de joyeuse fin, souvent tirée de conmenchement felle.

Envers ce temps morut dame Marie de Guerles, seur à cely qui maintenant s’estoit maryé, royne d'Escoce, et la quelle avoit esté maryée, en la maison du duc son oncle, au roy d'Escoce , cely qui portoit le feu au visaige, et qui après fut tué "en ung son siège d'ung esclat d'ung canon rompu (4). :

Ainsi à tous lez vindrent nouvelles de mort

aux nopces de ce jeusne prince, dont le mistère sambloit estre estrange. Comme doncques on fut quite de ces nopces, et que l'ensonniance (2) en estoit passée, tout le dur et le grand y restoit à faire; c'estoit qu'après

tant de murmures qui venoient par pays, :

que le duc feroit ceci et cela en contraire de son fils, que ceste paix et ‘union fut trouvée entre les deux, en congratulacion des pays et bonnes villes qui toutes s’en desconfortoient. Car disoient aulcuns : que le duc le debvoit mettre en la main du roy, à qui ne quéroient riens avoir affaire , car en avoient si maulvais exemple et si estrange recort d’ailleurs, que pour mort porter ne l’eussent souffert. Aultres disoient : que messire Jehan de Croy debvoit demorer gouverneur por dechà, et à qui arrière ne quéroient estre subgects, pour ce que point n'estoit homme de lieu condigne à cely estat, et que le duc avoit ung fils son héritier, prince de vertu et de hault los, et le quel ne devroit demourer vagabonde , alors que ung aultre son moindre et son tout subgect emporteroit auctorité sur ly. Si en feussent plus tost fait crucifier, ce disoient, premier que le souffrir ; jà-soit ce qu'en vérité oncques n’en fut riens en effect ; et n’estoient que adevinences qui se faisoient des choses, là où oncques n'y avoit eu pensée; comme

(4) Jacques IT, mort en 4460 au siége de Roxburgh de l'éclat d'une bombarde qu’il faisait essayer. (2) L’inquiétude.

CHRONIQUE DES DUCS DE BOURGOGNE.—II° PART

meismes le duc le dict depuis en publicque devant les estas de ses pays, dont le conte se fera en son lieu.