CHAPITRE LXXIL

Comment le duc ne cessa oncques de solliciter de faire son voyage , et de faict se transporta jusques sur la Dunoe pour trouver l'empereur.

Je me recorde maintenant, par les diverses intervalles que je voye ici, et me ramembre d'ung conte qui en l'an cinquante quatre fut fait au seigneur de Riteaux, frère au prince d'Orenge, touchant le voyage sur les Turcs que le duc avoit empris à faire par veu, et le quel à ceste cause, comme avez ouy, s’en estoit allé emblement vers l'empereur s'il l'eust pu attaindre ; mès nennil, car ne le voloit. Et par ainsi le convint retourner en faulte et sans exploit faire, là où il tendoit. Si avint que le seigneur de Riteaux, grand à enfoncer les choses avenir et les fairer investiguer par astrologie, dont il avoit emprès ly à celle heure ung homme très expert, et venu en devise avecques ly de ceste matère, luy interrogua par estroit secret : quelle chose il trouvoit de cestuy voyage que le duc avoit empris, ne quelle fin il y espéroit; car desiroit fort à en sçavoir le vray, afin de soy pourveoir et préaviser sur ce, selon l'exigence

du cas. Dont ledict congnoisseur des secrets,

voyant l'estroite interrogation du seigneur, et que seul estoit en son privé avec ung sien fils aisné, chevalier, nommé messire Charles luy alla revéler ce que sçavoit. Et commenchant son conte, dict ainsi: « Je‘treuve que, qui vouldroit aller quérir une pierre au fond de la parfonde mer , en une roche, on la tireroit dehors aussi facilement et à si peu de peine, comme on pora mener ne traire ce prince dont la question est en cestuy voyage. Et toutesvoies sy ira-il enfin, et y exploitera glorieusement ; et n’est empeschement qui l'en scauroit rompre ; mès grand temps passera premier. » Ce conte ici me fut faict par iceluy qui présent y estoit, messire Charlons de Chaalons, et le quel le me conta par mistère de ce que veu avoit avenir en ensievant le dire de cest homme , et

Ed

‘en quoy meismes je me rendis d’accort avecq ly, disant : que la parole tenoit du vray , et d'apparence beaucop de povoir avenir ainsi.

Et moy présentement, comme je escrivoye et considéroye la difficulté de la matère que je manioie, c'estoit la discorde entre le père et le fils, et la quelle je véoye povoir estre cause toute darraine de rompre ce voyage, regetlai mon oeil sur ce conte à moi faict et longuement porté, et allay reconcueillir tous les

empeschemens entrevenus en ce voyage de:

puis l'an des veux, et que le prince voant se

transporta jusques sur la Dunoe (1) à intencion

de jamès retourner, jusques il aroit assayé son aventure sur le tiran turc ; là où la froidesse de l'empereur, qui l'avoit mandé toutesvoies par ses lettres et requis de venir deversly pour ceste cause, fut cause que le duc retourna sans exploit. Et disoit-on lors : que non-obstant ce mand au duc qui ardoit en cecy, et que l'empereur le sçavoit venu à parfaicte intencion de tirer avant, si luy touchoit son propre privé affaire encore plus près que cely de la foy dont il est souverain avoué, et le premier en saincte esglise. Doncques vez-ci le premier empeschement qui a donné la première rompture, à la honte et charge des rompeurs, et à la grand gloire et mérite de cely qui actuellement et en personne s’y est transporté, mès n’a trouvé assistance. Retourné doncque: en ses pays dolent de la faulte . et qui non moins pourtant désista de procurer tousjours l'avancement de ce voyage, et que la foy feust deffendue, fit constituer journée à Francquefort et ailleurs pour faire convenir les esliseurs (2), là où envoya solennelles gens, prélas et notables chevaliers, pour donner à

congnoistre publicquement la stabilité de son

propos, l'uniformité de son veu et de son offrir,

en quoy ne se muoit ne ne changeroit jamès ,

pour mort ne pour vie; et d’abondant ren- voya devers l'empereur et devers le roy de . Polaine (3) pour les susciter tousjours et solliciter de ceci. Mès guerres et tribulacions entrevindrent de novel entre les princes de l'em-

pire, entre l'emperews et le roy de Honguerie,

(4) Danube, en allemand Bonaa.

(2) Electeurs.

(8) Pologne.

GEORGE CHASTELLAIN

entre les ducs d'Austrice et de Bavière; et tellement que, par le pourchas de l'ennemi (1) qui tout ceci brisoit, la rompture seconde arrière movoit des princes de l'empire, qui ententifs à leur propre privé faict et à leurs particulières questions, ne voloient monstrer loisir, ce sembloit, de pooir entendre ailleurs, quand meismes le chief de eulx, l'empereur, estoit cause principale de leur division, comme on disoit, et tout par convoitise. Et non obstant que ce duc: encore ne cessast pour tant de solliciter tousjours ceste matère , et d’envoyer devers le père saint, afin de mettre appaisement entre les princes imperiaux , et qu'avecques le roy d'Aragon Alphonse il avoit confédération pour ceci, et en avoit obtenu le congié et l'aggrément du roy Charles, et de lever en son royaulme ceulx qui le vouldroient sievir, toutesvoies encore une aultre tierce fois vint l’'empeschement le plus grand de tous. Et vint Loys, daulphin de Viennois, aisné fils du roy Charles, soy retraire en la maison du duc ; à cause de qui le roy forma indignacion contre ly toute aguë, et devint tellement animé contre le duc son beau frère et parent prochair, son vray léal serviteur et amy, que durant l'espace de cinq ans que son fils demora en ses pays, ne fut oncques heure ne jour qu'il n'attendist l’assault et la guerre, et à estre couru sus de tous lez du monde , et que ledict roy Charles ne quist à tous lez du monde, et en empire, et à l’empereur, et en Italie, et en Angleterre, et en Liége, et en Danemarche, alliances et confé-déracions pour courir sus à ce duc, et donnant à entendre beaucop de choses volonaires. Par quoy, si icestuy duc, qui oncques n'avoit appris de s'espoventer de manasces, ne d'estre foulé ne envay sans soy deffendre, garder vouloit son honneur et sa cause et ses pays de grief, n’avoit loisir d'entendre à nulle riens aultre , fors qu'à soy meismes, et de soy tenir fort et pourveu contre ses manasceurs , dont la cause estoit injuste. Si ne demora point peu ceci, mès l'espace ge chinq ans. Et non seulement le roy de France feust l'ung et le principal de ceste rompture, à la cause dessus touchiée, mès il

(3) Le tuauvais esprit , le diable.

mesmes contrahit encore le roy de Honguerie a ceste cordelle (4), par luy donner affaire pour Luxembourg. Dont merveille fut et est que cent fois la guerre ne se commencha par là, comme il sembloit qu'on la quérust par querelle foraine, là où le sens et la pacienche du souffrant duc le menèrent au desseure de cecy, par la mort du roy son traveilleur, qui s’en repentit durement à son derrain ; car avoit esté empeschant de bonne euvre, ceste ici et aultre, par ses soupechons mal fondées, et par avoir traversé le plus léal de ses parens, en volenté méritoire, lorsque ly meisme qui y debvoit vacquer s'amusoit à privée querelle par passion peu excusable.