CHAPITRE LXXIII

Comment le roy prist les Liégeois en sauve-garde, et comment le pape les excommunia par bulle publiquement.

Après encore quand ceste rompture venue de France a eu son doloreux effect, et que le duc, pour embelir encore sa cause envers Dieu et envers l'honneur du monde, a mis en son thronne glorieusement paisible Loys le loyal héritier, luy exibé hommage et obéissance le premier du royalme, pensant ledict roy l'avoir sien et son favorable et vray amy perpétuel , trouva tantost des choses aultres, que jamès n'eust cuidié , et qui luy donnoient merancolie en Paris par plusieurs notes, et par les quelles se percevoit bien que, comme léal ne vray qu'avoit esté envers aultrui, aultrai n’estoit point tel envers 1y, et trop à tost se faisoit congnoistre. Mès puisque là on estoit venu , il en convenoit faire son profit, ce luy sembloit, au mieulx qu'on polroit. Promptement en prist les Liégeois en saulve garde envers tous et contre tous, sans y spécifier duc ne comte, et les quels ne tendoient que de sous ung ‘hault aveu faire dommage et grief à cestui duc. Vez-là jà commenchement de rompture ; car Liégeois devindrent si fiers et orgueilleux à cop , que à leur évesque, qui escoit nepveu au duc, n'accomptèrent ung poys:

ains ly firent toutes les rebellions et les haul-

& Entraîna à cette opinion.

CHRONIQUE DES DUCS DE BOURGOGNE.—II° PART

taines que pooient, comme se par icellui moyen demandassent la guerre; en la quelle toutesvoies le duc ne se fut faint, ne pour roy ne pour empereur qui porter les voulsist, et qu'il ne les eust combattus. Et s’en feust mis en debvoir, aussi tost que les Turcs, se la cause s'y feust trouvée. Meismes le leur manda tous Îles jours ainsy. Et pour plus les atamer et mener confus en leur fausse perverse erreur et malvaise nature, il les fit sentencier , excommunier, charger etregrever, par bulle publicque de nostre saint père, et donner commande de croisier sur eulx comme sur les Infidèles, et comme sur peuple désobéissant au saint siége apostolicque. Et à ce faire convocquoit ledict nostre saint père le bras séculier en son ayde. De quoi Liégeois si effréés que oncques nul peuple tant,

proposèrent à rompre l'indoulte à genoulx.

Et firent puis cy puis là des esmeutes beaucop, mès en effect non oncques si hardis que se missent aux champs, car sçavoient de vray qu'ils aroient la bataille , dont riens ne craignoient tant que de l'avoir de ceste main. Et comme ceste rebellion de Liége estoit ung retardement en son endroit du voyage entrepris, et qu'à celle cause l'apparence estoit grande que meschief de guerre en adviendroit, parquoy le duc en seroit rompu en son emprendre ailleurs, toutesvoies ne s'en Uunt on pas encoire à tant; mès le président de Bourgoingne, envoié à Paris de la main du duc en parlement et à la requeste du roy, le roy le fist prendre rudement et rigoureusement traictier. sans desserte et à grand tort; le fit mettre en fa conciergerie du palais, comme ung homme mesfaicteur et de nul estat. Dont oncques puis , ly qui estoit tendre homme et non appris de telle vie, ne recouvra santé; et en morut en ung an après; dont ce fut dommage. Et disoient les sages qu'oncques la maison de Bourgoingne ne receut si grand playe que ceste, par la manière qu’elle estoit faite, et que c'estoit une retribution bien estrange rendue pour benefice receu, et la quelle le duc digéra au mieulx que pooit, avecques maintes aultres. Si advint encore que, la propre année que tant avoit fait de services et d'onneurs au roy Loys , et comme pour nul quelconque accident toutesvoies

qui survenu feust de pelit espoir , il n'avoit cessé d'envoier vers le duc de Milan, messire Jehan de Croy pour solliciter tousjours le voyage, et messire Simon de Lalaing arrière tout de nouvel, devers l'empereur et ailleurs, moustrant tousiours sa voulenté estre une et estable en ung propos. Avint qu'envers Îles quaresmeaulx devint griefvement malade, et si tres fort et longuement que l'espoir n'y estoit jamès de son recouvrer, et que par toutes les villes de ses pays en furent faites les processions solempnelles, les sermons el espéciaulx sacrifices, comme se le salut du monde eust pendu à sa vie. Si demora toutesvoies languissant tousjours, par l'espace d'an et demi, et que jamès homme n'eust èspéré son ressourdre, se non par miracle et non aultrement; car nature n'y monstroit nul pooir d'elle meismes. Mès1v, qui tousjours avoit en regret la grande ardeur qu'avoit bonne pièce portée en la matère de la foy, et pour laquelle il avoit fait tant de diligences ct poursuites, tant porté de frès et de grans soings que tout y avoit mis Cuer et pooir, enfin Dieu le recongnust et le prist à merchy. Et comme se faulte eust commise, ce luy sembloit, de tant s'estre retardé pour les humaines affaires, luy prolongua encore sa vie par ung surcroist de grace, afin de mettre à effect sa bonne volenté. Et le remit sain et sauf, net de corps et de membres, droit allant, bien estant à cheval, buvant, mangeant et faisant bonnes chières comme oncques, mês atout ung aigre et continuel souvenir , que celle grace, comme meismes le confessoit , luy estoit venue par miracle et par seule miséricorde de Dieu, pour l’ardant affection qu'il avoit à le servir encontre ses ennemis, disant publicquement : que sans cela il estoit impossible que jamès en feust délivré et qu'il n'eust fait le pas. Par quoy de là en avant chaudia tant plus fort; et qu'avec ce que nostre sainct père tousjours le solicita, l'une fois par bel, l’aultre fois assez aigrement, si y envoya-il, meu de propre estomac ,à ses longues désirées fins , comme qui d'ailleurs ne salut, ne honneur, ne contentement de Dieu n'attendoit, que de [à , ne satisfaction , ne à [y propre , ne au monde. Et voyant les choses estre venues à extré-

GEORGE CHASTELLAIN

mité quasi entre les crestiens et le pervers tyran turcq, en l’an soixante-deux et soixantetrois envoia au sainct père l'évesque de Tournay son chief de conseil, ensemble messire Symon de Lalaing, tous deux plains de ceste matère devant tous vivans; et leur donna charge final, d'obligier sa personne, selon que verroient en leur discrecion estre faisable. Et les quels depuis , selon la charge de lui acceptée , et que leur discrécion portoit, l'obligèrent personnellement de soy trouver devers le sainct pasteur, et d'emprendre avecques ly le voyage sans resoing et sans regret, nonobstant teut affoiblissement de corps par maladdie, grandesse d'éage et de vieux jours, et loingtaineté cntweles princes crestiens, une des plus grandes et difficiles pour ce faire.

Comme doncques ceste maladdie comparable à la mort a'esté cause aussi longue et grande de cestui retardement, et que jà l'espoir en estoit dehors à tout homme, que cecy se peust jamès relever par ly, car n'y avoitapparence, et que Dieu néanmoins y a ouvré depuis et l'a relevé et remis en piés sains, atout le meismes voloir, et aussi ardant, se non plus, qu'oncques par avant, sont venues arrière aultres dificultés derraines, et les plus grandes de toutes aultres. Et comme se le diable eust envie de tout bien faire que cestui proposoit, et ne quérust que rompre tousjours cestui sainct voyage par plus et plus fort dangier, sont venues diverses malédictions, à cause de malvaises gens, en la maison du duc, discordes et altercations entre Îy et son fils, baine formée meismes du roy encontre le comte de Charolois , murmures et rumeurs par tous les pays, par toutes les bonnes villes et les subgects ; les quels voyans l’apprestement du duc pour partir en son aller en la croisée, et la grande difficulté qui estoit entre Îy et son fils, par quoy ils demoroient, ce sembloit, en dangier et en branle de maint péril, ont meismes difficulté cestui voyage ; et jugeans chose mal faisable que le duc les lessast abandonnés, ou en aultre main que de son fils, dont véoient l'appaisement fort dangereulx, procuroient aussi le partement de ly estre retardé jusques bonne fin feust entre ly et son fils, ou aultrement tout iroit mal, et seroit la cause

de son partement , cause aussi de la ruyne de tous ses pays, que longuement et de tout temps avoit bien gouvernés, et glorieusement conduicts.

Doncques, comme le cas ici a esté trouvé en ung point plus difficile qu'oncques nul des aultres, et que y gisoit le droit rompetout , et que le diable s’y esforçoit plus qu'oncques ailleurs, je l'ay reputé aussi, avecques aultres bien cler voyans , le derrain de toute rompture , se par mort non, et par quel, s'il se peult, debvoit en sa difliculté l'ennemi se rendre vaincu. Et s'il demeure en sa rigueur et estraincte roidesse , le duc, malgré luy et encontre sa bonne sainte delibéracion et diligence demorera reculé et retardé, et peult estre frustré de tous poins de sa contendance, jà-soit ce que riens ne luy en demorera moins de gloire ne de mérite ; mès porra estre congneu à tout le monde en quels debvoirs il s’en est mis, et comment il a léaument poursieuvy son deu, lorsque les fortunes et les maulvais hommes luy en ont rompu par maintes diverses foys tout l'effect. Le quel, se après tant de dangiers et de diflicultés survenues et vaincues, finablement et par don de Dieu se trouvoit surtissant à réale fin, je dis, comme pour ceste cause l’ay allégué et mis en conte, que le prévisement de l'homme du seigneur de Riteaulx aroit esté prononcié à grand mystère, et que ensieuvant le contenu de sa parole, voirement aussi facilement on eust tiré depuis une pierre de une roche ou parfond de la mer, et tirée dehors en fair, comme ce prince ici sera peust estre venu à chief de son voyage entrepris, là où tant a eu de romptures, et par l'envie du diable.

CHAPITPF LXXIV.

Comment1 Ateur icy excuse le duc et descharge de son “oyage, consideré l'extrême diligence par ly à ce aicte (4). $

Et pour ce qu’à l'heure de cestu chapitre, escript par moy ce dix de janvier. l'an mil

(4) La table des matières données par le manuscrit de la Bibliothèque royale se termine ici. Le manuscrit d’Arras contient, entre le dernier chapitre et le premmer

CHRONIQUE DES DUCS DE BOURGOGNE.—II° PART

quatre cens soixante trois, les matères entre le duc et son fils estoient tant agues, tant difficiles et incompatibles, que tout espoir de bien se perdoit, tant y avoit de grandes besongnes, et des quelles se fera mencion cy après, pooit estre qu'à cause de ceste diabolique controverse, sourse ne sçay d'où, cestui voyage finablement se romproit pour le duc et pour à jamès , et venroient à l'aventure pestilences et guerres à cause de ce, et se descouvreroient de malvais et faulx personnages, forgiés de longue main et sans le sceu du duc; et par tels moyens, iceluy qui maintenant à l'eure de ce chapitre avoit soixante sept ans accomplis, poroit venir finablement et à trdicte de temps à impotence de corps, ou à naturelle mort, sans avoir exécuté son hault noble propos. Si vueil-je et ose tesmoignier, pronoucier et mettre avant devant tout homme : que sa bonne volenté et diligence monstrées tous les jours, luy seront et devront estre reputées pour effect lors, et que par la congnoissance qu'on a et aura de son noble et hault voloir, de sa fermeté et constance en tant de romptures , et de maintes traverses où oncques povoir ne debvoir n'ont failli ne succombé en variacion, il en devra demorer en gloire perpétuelle quant au monde, et en netteté si clère contre les mal parlans, que nul venin de maulvais homme ne lui porra donner lésion. Car qui fait ce qu'il puelt, ne Dieu, ne homme, ne fortune, ne peuvent demander plus riens.