CHAPITRE LXXV

Ceniment le duc envoya le bastard de Bourgoingae la seconde fois devers son fils le comte.

Venir fault doncques à ceste paix entre père et fils, là où chascun béoit et avoit regard, et par qui discorde chascun avoit les oreilles longues et pendans en tristeur sans corage, sans que des moyens et principes de cecy il convenoit dissimuler et en peu parler, pour cause. Toutesvoies, par les dan-

. publié dans mon édition de 4825, qu'on retrouve à la

suite comme troisième partie, les dix-huit chapitres qui suivent.

giers qu'on véoit apparens , que ceste haulte glorieuse maison de Bourgongne en succombast laidement en diminution, comme on y véoit à tous lez subtilement tirer , et comme aperra cy après, tout le monde poyre ou riche désiroit cestui rappaisement et que l'union y feust trouvée, saichant de vray que , quand l'union y seroit mise, nulle machinacion d'homme ne nulle fausse subtile voie trouvée ne forgiée n'y auroient lieu , et n'y auroit ne dent ne gueule qui y oscroit mordre, ne qui y sceust ne qui y peust prendre riens de son avantage. Et pourtant désiroit chascun que les deulx se trouvassent ensemble, et qu'après hardiement le voyagesefeist au vom de Dieu, sans y mettre différent. Si y ralla la seconde fois le bastard de Bourgongne; au quel le comterespondit finablement : que point ne se voloit trouver en lieu où estoient ceulx qui avoient conspiré et conspiroient en sa mort; et en nomma aulcuns; car amoit la seureté de a personne, ce dist, devant le pourfit qui luy poroit venir d'une folle et légière acquiescence. Toutesvoies, tant se pressa le dict son frère bastard qu'il s’en vint jusques à Berg-sur-le-Soom et passa la mer. Et là vint devers ly la ducesse sa mère, qui moult luy dist de nouvelles, telles qu'avoit apprises, peut estre plus certaines les unes que les aultres, et les quelles donnoient paour à elle et peut estre manasce à son fils, dont l'effect oncques ne fut, ne la cause avecques, ce penséje, si avant comme on donnoit à entendre. Car couroit voix que le duc disposeroit de ses pays estrangement , et les livreroit en main aultre que de son fils, par air (1) de ce que point ne voloit venir devers 1y et user de son conseil. Par quoy le comte, qui volentiers y eust remedié, se conseilla sur ce avecques sa mère et aultres pour en faire au mieulx.

Or est vray que les bonnes villes de Hollande par commun accord ayant grand faveur à cestui comte, et voyans et oyans cestes estranges nouvelles courir : que le duc à son partement priveroit quasi son seul unicque fils, vray héritier, de ses pays, d'auctorité et de pouvernement sur iceulx, et le laisseroit désolé et à l’abandon de maint péril qui en porroit ensieuvir

(4) Colère.

GEORGE CHASTELLAIN

tant pour ly que pour eulx , s’avisèrent de faire unes lettres par commun aveu, addressane aulx quatre membres de Flandres pour prendre là leur chief. Et tendans à prendre en eulx aide et conseil, leur firent narracion des estranges nouvelles qui couroient , et comment le duc qui estoit apparent de partir prochainement et de laissier les pays de dechà, ne sçavoient comment ne en quelles mains, attendu le courroux qu’avoit envers son fils et dont l'indignacion leur estoit dure et annuieuse.Si leur prièrent, qu'en avanchement de tout bien en ceste matère, tant pour ung que pouraultre, et afin d'aviser aulcun bon moyen dont le fruict redondast sur toutes les parues, ils voulsissent , comme chiefs et moteurs du sens et du pois de ceste oeuvre, signifier, prier et mander à toutes les bonnes villes du pays de deçà, qu’en faveur du bien entre le père et le fils et le pourfit de tous eulx, ils voulsissent entendre et délibérer à prendre une journée, là où tous deulx ensemble se porroient trouver à Bruges, et de là aller par ung commun accort eulx ruer à genoulx devant le duc, et luy prier, qu'en compassien de tous ses bons et humbles subgects, 1l leur voulsist declairer ains son partement en quelle main ne en quelle gouvernance il les lesseroit, car durement leur desplaisoit ce que ils avoient entendu et oy : que indigné estoit sur son fils, par quoy commettre ne lui vouldroit en ses mains nulles de ses seigneuries. Et sambloit aux Hollandois, que par ce moyen on feroit parler le duc, et luy donroit-on matère pour aulcunement leur ouvrir de son corage ; et puis après, eulx aussy auroient matère d'intercéder vers ly pour grâce et clémence envers son fils, et d'estre moyen

de bonne euvre.