CHAPITRE LXXVI

Comment le comte de Charolois manda venir les estats de tous les pays en la ville d'Anvers.

Sur ces lettres icy, Flamens conseilliés conclurent d’acquiescer aux Hollandois en leur requeste, car n'y véoient ne ne sentoient chose qui ne feust licite à faire et quine compétast à l'honneur de leur prince et salut. Si envoyè-

[1462] CHRONIQUE DES DUCS DE BOURGOGNE.— II: PART

rent par çà par là en Braibant et en Haynault par les bonnes villes faisans narracion des Hollandois dont avoient esté incités de cecy faire pour le bien des pays, et prièrent que libéralement on voulsist entendre à ce que journée sortist à son effect en Bruges pour cestui affaire. Si furent les lettres aggréables assez par tout , et prist-on avis dessus.

Oradvint que pendant ce temps que le comte se tenoit à Berghes, aveucques sa mère qui moult estoiten dur annuy que son fils, comme luy sembloit, seroit fait tout estrange du pays de son père et non creu d'y avoir auctorité luy absent, vindrent nouvelles couvertement au comte et à elle comment le duc devoit semondre les trois estas de tous ses pays, à estre à Bruges devers ly le neuviesme de janvier, pour avoir avis et conseil avecques eulx sur la discorde d'entre ly et son fils, et au surplus aviser sur la convenableté de son voyage et sur les deppendances d'icellui dont la provision seroit nécessaire. Certes de la quelle chose alors quand le comte se trouva adverti, pensa en ly meismes; et trouva en son conseil que l’anticiper seroit bon et utille pour luy; et sentant tous les pays estre fort affectés à ly, et non souflrans que jamès homme eust main sur eulx, que le vray seul héritier , fit faire lettres à force ; et envoyant message par les champs, escrivy et requist à tous les estas des pays, bonnes villes et aultres, que pour aulcuns grans affaires qui luy touchoient, voulsissent estre et envoier leurs deputés en la ville d'Anvers le troisième jour de jenvier, là où il servit en personne pour communiquer avecque eulx de son affaire ; et ce leur prioit le plus instamment que pooit, et qu’en ce n'y eust point de faulte. Si advint que ces lettres ainsi escriptes par anticipacion de . temps, dont le duc ne savoit riens, furent jà venues et receues par les bonnes villes la plus grand part, ains que les lettres du duc faisant mencion de la journée du neuvième vinsent à congnoissance; et fut jà conclut sur la requeste de premières lettres du comte; et en estoient en voie et en chemin les députés pour aller en Anvers. Par quoi, quand ces secondes lettres vindrent du duc, qui ignorait ce personnage , furent tous entrepris les gens des bonnes villes. Et convint ordon-

ner nouvelles gens et envoier après les premiers partis, et leur donner charge de comparoir à deux journées affin de satisfaire à toutes les deux, et de eulx conduire là selon la convenableté du temps. Si vint le cas en la congnoissance du duc , comment sa journée mise au neuvième avoit esté anticipée par son fils de six jours, et que les mesmes , ceulx qu'il avoit mandés à Bruges, le comte son fils les avoit anticipés en Anvers. Si s'en couroucha le duc aigrement, disant : « Comment, déa! mon fils prend-il ceste arrogance en ly de mander les estas de mes pays, moy vivant, que nul ne doibt ne ne puelt faire que moi ? Dont luy vient cestuy orgueil? Or chà!

je ne diray point ce que j'en pense, mès j'en feray sans dire mot au gré de mon cuer.

Et debvroient voloir mes subjects non avoir sitost obéi. » Et prestement fit faire lettres de rechief à toutes les bonnes villes, par les quelles leur signifioit : comment se donnoit merveilles de quoy son fils se présumoit de mander les estas de ses pays, luy vivant, et comment eulx, par frivolles et falourdes données à entendre par son fils, si légièrement condescendoient, et sans son sceu, à luy obéir en tel cas; le quel son fils, quand il venroit devers ly, et se porteroit tellement que ung bon fils doibt faire envers son père, n'auroit cause de se doloir de Iy, mès ly seroit bon père et seigneur , et tel que bon père doibt estre à son bon enfant. Dont, comme il avoit entendu que Hollandois avoient esté susciteurs premiers de ceste euvre, se donnoit grand merveille dont ce leur movoit , ne qui les avoit mis en telle présompcion de ce oser emprendre. Prioit pourtant et mandoit : que qui parti ne seroit, ne 8e trouvast pas devers son fils en Anvers, ou qu'on contremandast les envoiés. Mès ce fut trop tard, car par le sens des bons et des notables, partout on pourvéit'tellement en l'ung et en l'aultre, sans desplaire ne complaire qu'à point, que quand ce venroit à la derraine journée du neuvième jour, on esperoit que le duc se tenroit content de chascun, et ‘le comte perplex auroit esté oy et reconsolé, et peut estre servi aussi, et prafté grandement en sa cause par ce qui en ensieuvroit.