CHAPITRE LX XVIL
Comment Liégeois vindrent à Bruges pour la question d’entre eulx et de leur évesque.
De ce pourpos se convient taire ung petit pour entrelaicier ung chapitre touchant Liégeois, qui venus estoient en Bruges à jour assigné, pour la question d’entre eulx et de leur évesque ; dont le duc, quitousjours ouvroit de sens et de longue traicte premier que venir à extrême rigueur , tendoit à vuydier par bon moyen, et par le plus sain bout ; à quoy toutesvoies, par la dureté de leur nature, ne pooit atteindre ne en tirer espoir, Si non par voye de rigueur. Et en effect, Liégeois venus à Bruges, là on leur remonstra le grand tort, la rebellion, l'injure et le crime de lèze-majesté en leur seigneur spirituel et temporel, que fait et maintenu avoient jà long temps contre 1y et en sa personne en faisant insurrection contre ly par puissance, infractions en sa seigneurie par volonté bru tale, repulsions par manasces en son corps, substraction de ses rentes et revenus pecunielles, sans ly leissier ung denier. Avoit mis le sien en douze mains sequestres, par manière de baiïlle (4), dont vivre le convenoit par emprunt et en aultrui merci, comme ung prince de qui on se jouoit et moquoit, et de qui, ne pour ly, ne pour le saint père, ne pour parent ne ami, ne pour droit, ne pour tort, n'acoutoient, ce sambloit, ne n’en faisoient pois. Ains continuèrent de plus en plus en leur faulse maulvaise erreur et rebellion; ‘de quoi, à brief dire, leur fut dit que le duc finablement estoit mary, et que se retourner ne voloient à recongnoistre leur tort et de eulx remettre à la voie de raison, le duc désormès ne les porteroit plus, mès les y mettroit et les y feroit venir par la voie que longuement avoient quise sur Iy à leur maleur et male santé. Et leur fut dict et remonstré lors, et le duc présent entendoit : comment on véoit bien par de chà la cause qui à ce les movoit et la auelle les tenoit en cest abus.
4) Tutelle.
GEORGE CHASTELLAIN
Une si estoit, par ce qu'ils se fondoient et tenoient fiers du roy, le quel les avoit pris en sa protection envers tous et contre tous. Une aultre sy estoit, parce qu'ils sentoient le duc prochainement devoir partir des pays de dechà pour aller en son voyage de la croisée, et que de là à l'aventure ne retourneroit jamès ; si avoit tant à faire maintenant et à penser et à entendre ailleurs touchant ce voyage, que leur fait et le fait de leur évesque luy seroit comme riens , et le mettroit desormès en non chaloir. Ceci estoit la conjecture qui estoit contre eulx, et qui tenoit réallement de l'effect aussi. Et pour ce leur feust-elleremonstrée, disant : qu'on la congnoissoit bien, mès qu’envain se fondoient dessus . et s'en trouveroient deceus. Et mesmes le duc, qui là estoit, prist la parole et dist : « Je sais bien que vous aultres du pays de Liége persévérez en vostre orgueil encontre mon nepveu vostre seigneur et prince, et tendez à luy faire du pis que poez, comme maulvais, desloyal et rebelle peuple que vous estes ; mès comme vous poez veoir, Vous poez savoir aussi que encore ne me suis eslongié de vous, mès suis icy tout à heure et à point pour vengier mon nepveu du tort que luy tenez. Si ne doubtez point que, quelconque délibéracion que j'aye faicte d'aller sur les ennemis de Dieu, les Turcqs, et que nostre saint père m'en presse et semond, et que obligié me suis par promesse comme devant toute riens du monde, gardez que je ne viengne sur vous, et que vous ne soyez les Turcs et la Turquie là où j'adresserai mon voyage; car aussi bien estes vous une faulse maulvaise généracion , rebelle à Dieu et à saincte église, et là où mon voyage sera aussi bien employé que sur les Infidèles. »
