CHAPITRE LXXXIWV
Comment le duc ne se tint point bien content des estas, pour la legière obéissance monstrée à son fils, lui encore vivant.
Le neuviesme doncques de janvier, le duc se présenta en salle devant les estas de ses pays; et assis en banc paré de drap d'or, fit pourposer par la bouce de l'évesque de Tournay : comment de tout temps, par l'aide de Dieu, il les avoit gouvernés en paix et en . bonne prospérité , et s’estoit exposé pour eulx de tout son pooir, pour leur estre protecteur
et défendeur encontre toutes nacions , à péril.
grand de sa personne et de ses nobles, et à grans frais et missions de sa chevance; et aussi comme il s'estoit porté envers eulx, comme par raison faire debvoit. Et eulx aussi de tout temps et jusqu'à ce jour luy avoient esté bons et léaulx subgects, ce de quoy, comme cely qui en avoit bonne mémoire, le - voloit bien recongnoisire, et les en mercyoit de bon cuer. Mès pour ce que son fils le comte de Charolois les avoit eu mandés par avant à venir en Anvers devers ly, ce que faire ne debvoit et ne pooit, se donna merveille comment eulx y avoient obéi si légièrement, considéré que à nul n'appertenoit de faire mandement sur eulx, qu'à luy seul, tant qu'il seroit en vie. Si s’en tenoit à moins bien content du dict son fils et de eulx, de legière obéissance portant soupechon. Si fit recorder encoire : comment ledict son fils, par diverses manières et termes qu'il tint et jà longuement avoit tenu, n’estoit point bien en sa grâce ; et mettoit en tant de manières le tort devers ly, qu’il n’avoit point cause aussi d'en estre bien content, jà soit ce que moult luy tournoit à dur et à grand grief l'argu qu'il y prenoit, pour cause du sainct yoyage de la croix qu'il avoit empris; avant le quel toutesvoies il désiroit à pourveoir et à srdonner en ses affaires, et principalement
en la garde et protection de ses pays et de ses subgects, comme ung bon prince ; car leur tranquilité et salut lui estoit autant, ce fit dire, comme sa propre âme; et devant toute affection, celle envers eulx estoit la première. Mès pour ce que son dict fils, six jours par avant , s’estoit dolu à eulx par soupechon ou par faulx donner-à-entendre de ly et d'aulcuns de ses proposemens, fit tirer avant lors une cedulle, par la main de maistre Martin de Steenberg, secrétaire, la quelle contenoit aulcuns poins, les quels maistre Martin lisy à haulte voix. Et faisoient mencion que ledict comte leur avoit donné à entendre que le duc son père, par indignacion prise contre ly, en partant de ses pays pour aller en Turquie, lesseroit ses pays de dechà la mer-en la main du roy de France, et seroit gouverneur dessoubs ly principal et sur le tout le seigneur de Cimay , est assavoir messire Jehan de Croy, chief de ses hayneux, et pareillement les pays de Hollande , de Zellande et de Frise, il les lesseroit en la main du roy Eduard d'Angleterre er gouverne , et demorroit par ainsy bastard du tout et forcios de sucession. Les quelles parolles dictes ainsv et proferées par son fils, quand les oyt resumer, prist la parolle luy meismes, et soy excusant du cas, dist : qu'oncques n’en avoit eu velonté , et que son fils n’estoit que ung menteur en cely endroit ; et se donnoit merveilles d'où pouvoient sourdre et movoir telles frivoles.
Et alors commencha à resumer les offenses que son fils luy avoit faictes, passé a longs ans. Et prenant pié au debat qui s'ensuit entre le seigneur de Quievraing et celuy de Hemeryes, à cause de l’estat de chambrelen , dist : que son fils avoit volu proferer et donner lieu au seigneur de Hemeries devant cely de Quievraing , qui estoit gentilhomme de touttes lingnes , et l’aultre ne l’estoit qu’à demi. Et à ceste cause, et pour ce qu’il avoit volu garder noblesse et observer ordre et droicture , le dict son fils se enfelly, et argua à l'encontre de 1y, disant : que jamès celuy de Quievraing n'aroit lieu emprès ly, mès cely de Hemeries , à qui il avoit donné l’estat , en demorroit en l’onneur. Resuma arrière par manière d'offence, comment, par aulcuns ans passés, la comtesse de Charolois estant ms-
11463] CHRONIQUE DES DUCS DE BOURGOGNE.— Ile PART.
lade, li, c’est assavoir le duc . estant venu visiter sa belle fille, le dict son fils au retour en sa chambre, luy vint prier qu’il lui voulsist baillier en don la comté de Guines; sur quoy il luy respondit : qu'il n’en estoit pasencore conseillié. Et adoncques son fils tout animé du refus, deut avoir respondu , ce dict. « Monseigneur, si le sire de Croy la vous eust demandée , vous luy ariez tantost donnée, et ne eussiez point faittel pois. —Sainct-Jehan! ce distle duc alors, ne feroye.—Sainct-Jehan! si auriez, ce dist le comte ; j'en suis certain. » Et conta comment, en ceste afirmative et negative, il l'argua trois ou quatre fois, jusques à le provoquer à mutacion de sang en fiel. Finablement, toutesvoies touchant cely endroit, il conta comment, à la requeste du bastard de Bourgoingne et du seigneur d'Auxi, il lui pardonnna et avoit pardonné ceste rudesse maintenue contre ly. Et estoit en ce temporel que le duc de Sombreset estoit descendu par de chà à Guines, et maintenoit la guerre contraire à ceux de Calais et du comte de Warwic. Le quel de Sombreset, cousin issu de germain au dict comte, après que sentu avoit que fortune le contrarioit aussi bien par dechà la mer comme en Angleterre, et que le séjour par dechà lui estoit attente d'extreme péril , estoit venu à Ardre parler au dict comte et le conjoyr. Et après longues devises et bonnes chières prises ensemble, comme parens à parens, cely de Sombreset pria à son cousin que labourer voulsist envers son père , qu'il peust avoir saulf conduist pour passer seurement parmi ses pays; car désiroit aller en France visiter le roy Loys , qui encore maintenoit la querelle du roy Henry. Mès le comte , non obstant touites intercessions qu'il en fit envers son père, oncques ne put obtenir le dict saulf conduit ; car n'estoit le duc nullement affecté envers ly ne envers son parti à celle heure ; et le comte s’en tint à très enflé en cuer et en maltalent , à cause du refus. Et voloient maintenir les aulcuns , que le refus de la comté de Guines et de ce saulfconduit tout correspondoient ensemble et en ung temps, et la difficulté de l’une chose et de l’aultre estoit matère entre le père et le fils à celle heure d'argu l’ung contre
l'aultre ; et de quoy l'absolucion s'en fit tout en ung ensemble.
