CHAPITRE LXXXV
Comment le duc se plaindoit de son fils et du comte de Sainct-Pol, et d'aulcuns de l'hostel de son fils.
Après ce conte, le duc commença à tourner sa parolle sur ceulx de l’ostel de son fils; et entre les aultres mist en front durement le comte de Sainct-Pol, disant : qu'oncques, puis que cely avoit esté et pris entrée avecques son fils, son dict fils ne luy avoit esté obéissant ne humble comme par avant, ains plus et plus fier et plus roide qu'oncques à nul jour. Et se doloit durement le duc du dict Sainct-Pol, et de quoyilavoit la crédence et l'auctorité qu'il avoit emprès ly, comme se dire voulsist, que jamès le fait de son fils ne yroit bien pour honneur et pour tout, tant qu'il y seroit. Et allégua comment son fils debvoit avoir dict, pour ce que le dict de Sainct-Pol il sentoit mal en la grâce de son père et de cely de Croy, qui lui brassoit tout ce mal: « Haan! beau cousin de Sainct-Pol est de mon seigneur et du roy repulsé à tous lez; et ne tend-on qu'à le baculer à meschief et à luy faire tout grief, pour l'amour de moy. Et je voe auix sains qu'en tele coupe qu'il y buvra, je y buvraÿy moy, et en auray autre-tel que 1y. »
Et cecy le duc ramena en conte, disant : « Ne sçay que mon fils fera, mès quant à moy je n'y vueil peint boire. » Remonstra aussi
- Comment son fils estoit endormy et abbuvré
de petites gens, et leur donnoit erédence et auctorité contraire de son honneur, et mist en compte pour chief de eulx l'archidiacre d'Annebon et Guillaume de Bische, disant : que l'archidiacre avoit esté desbouté .de l'ostel de son nepveu d'Estampes , par ses démérites et fautes commises. Dont, après avoir trouvé ses moyens devers son fils pour estre à |y, avoit requis et faict requerre au dict son fils qu'il le voulsist mettre en arrière de ly et s'en desfaire ; ce qu'oncques n'avoit volu faire, ce dist, à sa requeste. Et touchant Guillaume de Bische, en qui le comte son fils s'appuyoit et se fondoit de sens et de conseil , dist : que c’estoit le pire subtil gar-
son qai feust soubs la nue ; et pareillement messire Adrien de Bourse, le tout aultre-tel, du quel il luy desplaisoit du mariage de sa fille naturelle, ne qu'oncques l'avoit eue. Parla pareillement d'un Tassin, archier de son fils ,ung maulvais garnement, ce disoit : pareillement d'ung maistre Anthoine Michiel, secrétaire en Hollande, homme de maulvais affaire et perilleux, que son fils portoit; et disoit : « Tout ce que je hais, mon fils l'aime et le recueille, et ceulx que j'ay en grâce, il les hait et deboute. Il ne cesse en tout pooir d’enchassier d'en arrière de moy mes bons et léaulx serviteurs , le sire de Croy et les siens, disant qu'ils lui sont contraires. Mès je jure Dieu et la vierge Marie , et prens sur la damnacion de’mon âme, oncques le sire de Croy ne nul des siens ne me dirent ni ne firent chose qui deust ou peust porter préjudice au dict mon fils ; mès tousjours les ay trouvés bons et léaulx serviteurs en tous mes affaires. »
