CHAPITRE LXXXVI

Comment le duc se plaindoit de son fils et des'estas qui vinrent en Anvers.

Comme le duc doncques eust fuict ses doléances de son fils et des gens d'emprès ly, en jusüfiant ceulx dont le dict son fils s’estoit dolu à eulx, tourna sa parole vers les estas de ses pays, par especial ceulx qui avoient esté en Anvers, et leur dist : « Vous aulcuns de mes subgects et habitans et manans de pluiseurs de mes villes et pays, vous avez esté en Anvers , au mand de mon fils, qui n'a pooir ne auctorité de vous mander, tant que je vivray, ne vous de vous traire vers |y sans mon congié. Toutesvoies vous y estes allé; dont je me donne merveilles , car point ne le devez, et ne vous appartient ainsi faire.!Si en suis moins content de vous. Et si mon fils vous a donné à entendre chose contre vérité, que je me doye partir de vous et vous abandonner sans bonne et profitable prevision, et vous metlre en main à vous non aggreable, ce que oncques ne pensay, ne debvez avoir peur pourtant ne defliance en moy que ainsy je le face ; car, jusques icy je vous

GEORGE CHASTELLAIN

ay esté prince léal et certain, sans vous avair oncques failly en riens à mon pooir. Dont moins encoires aujourd'hui et à mon derrain, aveucques l'intencion que j'ay du saint voyage accomplir, le devroie et vouldroie faire ; ains suys resolu , à l’aide de Dieu, de vous lessier et commettre en si bonne et salutaire main que en devrez estre contents, et que à l’entretenement de vostre félicité et paix vous devra souflir, combien que à grand dur et à grief me vient ceste manière de faire que mon fils tient envers moy, et en quoy ma conscience , à cause de mon prochain voyage, est fort chargée. Ça! mes bons amis et subjects, vous vous retournerez en vos ostels chascuns ; et cy après, quand je vous remanderay, vous retournerez devers moy à plus grand compagnye, se besoing fait. Et à tant je vous donne congié , en là garde de Nostre Seigneur. » |