CHAPITRE LXXXV!IL

Comment ceulx des estas obtindrent audience pour faire leur excusation au duc.

Quand ceulx des estas des divers pays, conceurent et avoient conceu en eulx la contradiction du père au fils, et que le parler des deulx pendoit en drois contraires l'ung à l'aultre , ensemble aussi que le duc estoit mal content de eulx de quoy ils avoient esté à la prière de son fils en Anvers, et tout pour bien faire , durement se trouvèrent perplex. E boutans leurs testes ensemble, nobles et ecclésiastiques conclurent de eulx rassembler ensemble le demain après pour ung avis de bien faire au convenable et à l'honneste ; car véoient les choses en grand dangier et en disposition de grand mal avenir , ce disoient, se Dieu n'y pourvéoit par grâce, plus que par sens d'homme. Si convindrent les dessus dits estas le merquedi après, qui fust onziesme de janvier, en la maison de la ville à Bruges ; et à conclurent deux choses. L'une si estoit, pour la peur qu'ils avoient d'avoir offensé le duc par estre allé en Anvers sans son congié , de faire sur excusation devers ly. Et l’aultre point, si

et grands maulx qui pourroient sourdre à cause de ceste discorde entre le père et le fs, et de quoy les meschiefs et les ruines toutes tourneroient en eulx, conclurent de eulx mettre en tout assay et devoir envers ly, tant par humbles prières comme par clère remonstrance : que il voulsist et qu'il luy pleust à mitiguer son courroux envers son fils et le capter en benivolence pour l'honneur de Dieu et de leur salut: car eulx tous , et meismes tous les pays, avoient le dict son fils en grâce et merveilleuse dilection; et ne leur sambloit pas, sauve le hault regne du père, que s'ils avoient esté bien gouvernés et gardés de la main du père, encore l'espéroient estre aussi bien en temps avenir, et que le fils, en leur procurant salut, n'abaisseroit en riens la gloire de son père en son regne. Dont pour ce qu'il leur convenoit avoir advocat envers le duc, pour impétrer grâce et temps de pooir avoir accès devers ly pour estre oys, prièrent à l'évesque de Tournay qu'il lui pleust estre moyen pour leur impétrer ceste audience. Le quel en accepta volentiers la charge, et l'obtint devers le duc pour les oyr,le joesdi après, à trois heures de vespres , douxiesme du dict mois.