CHAPITRE LXXX VIII

Comment l'abbé de Citeaux, à la requeste des estas, fit la proposition persuadant au duc sa bienvolence et son ascoul. | |

A ce joesdi doncques, à l’heure qui est dicte, se monstra le duc devant ses estas ; et accompagnié de ceulx de son sang, s'assist en chaière pour oyr ce que vouldroient dire; là où l'abbé de Citeaux , docteur en théologie, à la requeste des dessus dicts estas, fit la proposition persuadant la bienvolence du duc et son benigne ascout; et après avoir pris son entrée sur la haultesse de sa personne, tournoit à la gloire de sa maison, la quelle il accomparoit à celle de Salomon, envers qui toutes nacions loingtaines et voisines se contournoient, pour la renomméë de ly et de son hault sens , et quéroient toutes ombrage des-

CHRONIQUE DES DUCS DE BOURGOGNE.— IT PART

estoit, pour cequ'ils craignoient grands perils !

soubs ly et affuite , disant : que ceste maison de Bourgoingne aujourd'hui estoit telle , et que c'estoit celle que toutes nacions quéroient , et là où paix et félicité et habondance de sens et de gloire se reposoient ; meismes les discordes et rumeurs foraines d’entre les princes et régions se venoient là submettre. Dont, comme cela estoit tout notoire, ce disoit, et que les exemples en estoient de bonne’mémoire, induisoit que celle noble et fameuse maison, qui estoit rappaiseresse d’aultrui et exemple et patron de félicité par toute la terre, par plus forte raison devoit et devroit estre, en dedans soy mesmes, gardienne de tranquilité et propre paix , el estre à soy mesmes utile et profitable, qui à aultrui, au dehors de soy, estoit matère de bel exemple. Vint cheeir par cecy sur une supplication faicte au nom des estas , c'estoit : qu’il luy pleust à iceulx excuser de ce qu'ils avoient esté au mand de son fils en Anvers, affirmant que, s'ils eussent pensé luy desplaire en ce, jamès ne l'eussent faict; mès ce que faict en avoient , avoient faict à intencion de bien et pour bonne fin entre eulx deux. Et que cecy vray estoit, monstroit comment ceulx d'Arras, quand ils sceurent que ceste allée en Anvers estoit à son desplaisir, mis en chemin pour y aller, retournèrent tout court en leur ville et point n'y allèrent. Par quoy il appert, ce disoit, se les aultres en eussent sceu autant, point n'y feussent allés aussi, ets’en feussent contenus. Et par ainsy, comme le cas gisoit ‘plus en cuider bien faire qu'en mespris délibéré, debvoit estre tant plus aussi de légiere pardonnance.