CHAPITRE LXXXIX

Comment le duc, après La proposition faite, pardonna aux estas leur offense.

A ces mots le duc commença à parler ; et tourna sa parole sur ung secrétaire estant lez son fils, le quel le duc n'avoit pas bien en

grâce, et se doloit de quoy son fils le créoit

et luy donnoit foy; car aultrefois l'avoit trouvé faussaire , et avoit mis en unes lettres, après qu'il les avoit signées, deux lignes plus qu'il n’y voloit avoir ; et ce il prouveroit

bien, ce disoit. En après rechéy, comme au jour de devant , sur le seigneur de Croy et son frère , disant : que son fils les vouloit debouter d'en arrière de 1y, non obstant que de tout temps l'avoient bien et Jléalment servi et n'y trouva oncques faulte. Et disoit oultre; que tout ce qu'il avoit appris d'aimer son fils le héoit, et le contraire , tout ce de quoy ne faisoit feste, son fils le ‘recueilloit. Et ce il confirma par l'exemple du comte de Sainct-Pol, le quel il prist avecques ly et en son servicé depuis qu'il congneut qu'il ne l'avoit point en grace. Dont par ly et par aultres aulcuns de petit estat, depuis qu'ils s’estoient mélés de ses affäires et de son conseil, disoit qu'onques puis n’avoit trouvé le dict son fils fors que plus dur et plus fier et plus loing d'obéissance. Et resuma arrière ce qu'il avoit dict le jour devant touchant le voyage de Turquie : comment ledict son fils avoit mis avant : que, au partir de ses pays, il devoit avoir promis de mettre en la main du roy de France tous ses pays de dechà la mer, et en seroit gouverneur messire Jehan de Croy pour et au nom du roy. Sur quoy, pour s’en excuser devant eulx, juroit sur sa foy qu'oncques n’en avoit oy parler ; et s'esmerveilloit dont venoient telles parolles. Pareillement fitil des terres de delà la mer, Hollande, Zellande et Frise, les quelles il debvoit avoir promises à mettre ès mains du roy Eduard d'Angleterre, selon le dict de son fils. Mès touchant ce point, ce dist alors : « Ce sèra la derraine volonté que j'auray jamès. » Puis vint au point qui contenoit prières de pardon aux estas qui avoient esté au mandement de son fils. Si leur dist: que, touchant eulx , il en estoit bien content, et leur pardonnoit leur offense, moyennant qu'ils ne le feissent plus.