CHAPITRE XC

Uvomment le roy party de Nogent viat à Lusseul en pprochant Picardie, pour la journée des Anglois qui s’approcha.

À tant se faut taire maintenant des affaires du duc de Bourgoingne d'entre y et son fils, püreillement et d’une navire qu'il envoya

GEORGE CHASTELLAIN

pour un commenchement de voyage en Turquie dessoubs le bastard de Bourgoingne ; et convient retourner au roy Loys de France.

Le quel, après que la royne s'estoit relevée d'une fille à Nogent-le-Roy prenant son retour à Paris, par aulcuns jours y séjourna ; et de là visitant les marches à l'entour , et tousjours approchant Picardie , fist son arrest en diverses places, chassant et sov esbattant pour venir au temps que la journée estoit prise de la convencion des Anglois, le quinziesme de julet. Et tendoit fort que le duc de Bourgoingne, le quel il savoit estre en Flandres , s'avançast aussi de vuidier et d'approchier Picardye pour ceste convention, la quelle il craignoit fort qu'elle ne se feist, et que le duc n’y entendist aussi chaudement comme ly. Et pour ceste cause, tant pour le faire vuidier hors de son pays que de Flandres, comme aussi "de le veoir, et pour parler à ly de ceste matère, petit à petit tousjours approcha ses marches; et vint à Lusseul qui est au comte de Sainct-Pol , qui là le recheut et festoya. Et ce pendant le duc, qui esteit venu de Bruges à Lille , ordonnant là de ses affaires de son voyage entrepris, et de quoy jamès pour conseil de nuHuy ne se voult deporter ne rompre entendit bien et sentit l'approchement du roy, et de quoy ne faisoit pas grand compte. Car s’estoit bien perçeu, et se percevoit de jour en jour tout au cler, que le roy, soubs une feinte simulacien, le quéroit plus en ung subtil prétendre que par racine de vray amour, ne de quoy il peust avoir joye; car, et jà-soit aussi que le duc de Bourgoingne desiroit bien la paix ou les longues trèves entre les deux royaumes de France et d'Angleterre , et que ly àl y pooit beaucop , et mesmes en avoit esté le procureur principal pour l’expédient de son voyage, et que par ce moyen les deux rois lui eussent faict aide de gens et d'argent pour : furnison , toutesvoies, comme les sages luy donnoient à entendre souvent et que murmures s’en faisoient toutes publiques, l'accord entre les deux roys, le quel il quéroit à intencion de bien, luy estoit directement contraire et préjudiciable pour le bien de sa personne.

Car on soupechonnoit, et le voloit-on maintenir, que le roy, en après quand il se trouveroit

[1403] asseuré des Anglois, en paix avecques eulx, il contendroit à mettre à son ploy le duc de Bourgoingne et ses pays dont la gloire lui estoit annuieuse ; et meismes disoit-on couvertement que le roy se devoit estre vanté:

que s’il pooit ‘avoir repos avecques les Anglois il mettroit en subjection et en rabaissement les deux cornes de ce royalme les plus roydes à deux debous, est à entendre la maison d°? Bourgoingne et celle de Bretagne ; comme depuis les apparencess’en monstrèrent et sortirent langaiges à commenchement d’effect, par estrange mystère. Et pourtant, comme j'ay dict, posé que le duc voloit bien tenir la journée des Anglois, et que meismes il en desiroit bonne conclusion, toutes fois, parce qu'il voyoit et sentoit le roy tyrer d'ung cellier soupçonneux, et en divers cas et en diverses affaires estre variable envers ly et non de grand fondement , certes fit moins de poix aussi de cest approchement du roy, et assez lentement se mist en voie pour aller à l'encontre ; car tousjours pensoit bien à y recouvrer à heure, au jour qui esloit assigné, à Sainct-Omer ou à Hesdin en sa ville, 1à où avoit esté la convention première. Mès le roy pensant icy d'ung aultre, et afin de le tirer près de ly soubs ombre de visitacion, tant s'en vint joindre près de ses marches, que lessier ne pourroit de honte, ce lui sembloit, qu'il ne s’approchast aussi, et qu'il ne se venist rendre en lieu pour s'entrevoir ensemble. Et de fait le duc en ceste manière partit de Lille, et se vint rendre à Sainct-Pol en Tournois là où le roy arriva la mesme nuitée. Et là s’entrevéirent et furent deux nuits; et de là partans vinrent à Hesdin pour faire la solemnité de saint Jehan-Baptiste, et se tindrent ensemble trois ou quatre jours.