CHAPITRE XCI
Comment le comte de Sainct-Pol se trouva en la présence du roy, et comment le roy l'atraia à ]y par subtil personnage.
Le comte de Sainct-Pol, Lovys, qui avoit esté adjourné à son de trompe deux mois devant pour comparoir en personne en parlement, et poursieuvy de cause pleine de dangier de
CHRONIQUE DES DUCS DE BOUGOGNE.— II° PART
mort, mal du roy, mal du duc et tout par ung prand mistère, et chascun jouant au mieulx sçavoir , par espécial le roy comme bon fait à noter , se trouva cy à Sainct-Pol avecques le roy , qui s'esmerveilloit de ce mystère. Et l'avoit le roy attrait devers 1y par subtil personnage, et fourtrait au comte de Charolois, sous le débat d'entre le duc son père et ly , et du seigneur de Croy, au quel le duc sambloit porter faveur en contraire des deux comtes.
Dont le roy, voyant que du seigneur de Croy se pooit aidier beaucop et servir , et que le duc n'amoit point ledict de Sainct-Pol pour deux causes, l’une à cause de ceulx de Croy, l’aultre et la plus grande à cause de ce qu'il maintenoit et cuidoit que ledict comte tenoit en fierté et rigueur contre ly son fils le comte de Charolois, 1y, comme subtil, pensant de cestui débat faire son propre preu, et feignant , en faveur du duc son bel oncle et de ceulx de Croy, de luy trotter dur et de le faire abaïer en grandes manasses, trouva manière d’avoir sa personne devers ly, comme tout content. Et venu à Paris, le receut en grace et en fit substraction au père et au fils ambe-deux, et à toute la maison de Bourgoingne. Et comme le duc, ce sambloit, ne desiroit riens tant que ce comte de Sainct-Pol feust eslongié de ses fils et hors de son hostel , le roy en joua tout à bon pourfit et à propre subulité practiquée, et l'osta au fils-et:au père, au plus grand regret que oncquesledict de Sainct-Pol eust, et à plus grand ennuy de cuer, car amoit de merveilleuse grand amour son maistre de Charolois, et ne désiroit jamès servir aultre que ly, ne plus hault contendre, s’il eust pleu au duc son père qui y prenoit son imaginacion, sans y avoir coulpe. Et le roy ceci considérant, et que la personne du dict de Sainct-Pol valoit beaucop , et es-. toit homme pour servir grandement au parti qu'il tenroit, mesmes en print l'avancement devers ly ; et le pensant fourtraire à la maison de Bourgoingne , comme plusieurs aultres, le retint à sa pension et à son bienfaire sur l'attente des choses futures, car avoit durement contre cuer et en couverte rancune le comte de Charolois, et meismes n'en sçavoit dissimuler son corage. Et disoit-on, et fut vraysemblable, que ce ne luy mouvoit fors de
la peur qu’il avoit de ly pour le temps à venir, pour ce qu'il le sentoit fier et de hault corage; et avecques la puissance qui lui estoit apparente à venir, si le sentoit-il saimé et douté plus que prince de son royalme.
De ceste hayne ou de ceste peur , ainsi qu'on le vouldra prendre, se diront cy après de grands mystères, et les quelles en les maniant seront autant difficiles et de grand pois au liseur comme à l'escrivain.
On dict que l’homme se faict escouter par sa parole , et se faità congnoistre par les fais. Dont et quand les fais concordent aux paroles prédites, il faut doncques juger de l'homme, soit en bien, soit en mal, selon sa parole. Ceste parabole ara lieu cy après, là où matère de meismes la ramenra en compte tout propre au cas. Et à tant je me retourne à Hesdin,
GEORGE CHASTELLAIN
à où estoit le roy devers son bel oncle, qui luy fit toute l'onneur et bonne chière qu'il peult et comme il devoit. Et encore comme se tout voulsist ignorer ce que bien sçavoit, qu'il y avoit faintise ès semblans du roy, lui fit chière et honneur d'amour cordial. Et devisans ensamble de communes besongnes, le roy y sejourna trois jours, au bout des quels il repaira à Dampierre, à trois lieues de Hesdin, où estoit la royne ; et lessa le duc son bel oncle en sa ville de Hesdin avecques la ducesse de Bourbon sa seur ; et luy promist de le venir veoir temprement envers je jour quinziesme de juillet, que les Anglois debvoient venir à leur journée. Et tandis et tout ce temps pendant il chasseroit, ce disoit on, en la forest de Kersy , et se donroit bon temps- et ainsi fit.
CHRONIQUE DES DUCS DE BOURGOGNE.—III PART
