CHAPITRE PREMIER

Comment le duc de Bretagne envoie devers le roy our demorer en son entier, comme ses prédécesseurs (4).

Or, pour venir vivement cheoir en matère que j'ai à traicter, loist bien ramentevoir ici et mettre en conte ce dont le cas est de grand effect quand il sera cogneu en sa nature, c’est du duc de Bretagne , novel duc, ung des beaux princes des chrestiens , sage et vaillant , et garni de meurs et de vertus à son appertenir , l'ung des fiers du monde en couraige en son droit deffendant. Cestui duc de Bretaigne, comme avez 0ÿ; le roy l'avoit aigrement à cuer ; et ne ‘s'estoit oncques volu trouver devers: ly encore depuis son coronnement ; car le roy, ce lui sambloit, le voloit traire à subgection autre que deue et que ses pères devanciers ducs de Bretagne n'avoient appris ; par quoi, comme non avisé de soi plus voloir asservir que raison, fut content aussy de non boupgier hors de sa terre , sinon par bonne manière ; envoyoit toujours toutefois devers le roy en toute honneur et révérence ; se mist en tous

(4) Ici commence la partie de cette chronique pu- bliée pour la première fois par moi en 4825 d’après deux manuscrits de la Bibliothèque du Roi, contenant sous deux faux titres: Mémoires de J. Lefebvre de Saint-Remy et Chronique des ducs de Bretagne, la continuation de la Chronique des ducs de Bouryogne Voyez ma Notice placée en tête de ce volume.

devoirs et raisonnables offres envers ly, de lui faire hommage deu, et le servir et honorer comme parent et subject, d'au'cunes terres; mès avecques ce, requist qu'on le souffrist paisible en tels honneurs, drois, haulteurs et prééminence , comme ses devanciers ducs de Bretagne avoient joy et usé de tout temps sans contradiction nulle ; car ly qui n’estoit pas de moindre condicion que les aultres , désiroit et réalement voloit ‘oyr du sien comme les autres, ce disoit. Mès le roy, voyant et sentant comment il avoit son royaulme en haulte et glorieuse puissance devers ly, et comment, par les bras qu'il avoit du duc de Bourgoigne qui estoit devenu son subject, et ce qu'oncques n'avoit esté à son père , il étoit doubté et crému de tous les princes du sang , certes , en ceste considération et en ceste haultesse , pesa peu, ce sambleroit , le duc de Bretagne ; et comme un duc de Bourgoigne , qui estoit “an bras si puissant et si doubté estoit devenu humble sous ly et son subject, peu lui seroit et petite chose , ce lui sambloit , d'y mener un duc de Bretagne, qui n'avoit port que de soimeismes. Et par ceste manière et en ceste considération, le roy aulcunement lui tint roides et bien estranges termes ; et l’approcha, et surquist, ce disoit-on, de novelletés ; et tendoit et s’efforçoit à marier ses serviteurs, et encore non de lieu ne d’estat paraux , aux filles des nobles de Bretagne ; par main souveraine voloit lever feuages sur la ducié, ce qu'onc n'avoit esté veu; voloit faire sortir les questions et les causes de Bretagne à la