CHAPITRE V
Comment le roy se trouva à Hesdin avec le duc. et des de vises qu’ils eurent ensemble du comte de Charolois.
Retourne à tant à la matière du roy et du duc, dont chacun attendoit la journée des Anglois qui approchoit. Le roy, qui estoit à
GEORGE CHASTELLAIN
Dampierre , fit son retour à Hesdin, vers l'extreme de juilet ; et alla le duc au devant de ly, dehors la ville; et logea le roy au chasteau, comme il avoit appris. Amena avecques ly son frère le dac de Berry, le prince de Navarre, fils au comte de Fois, le comte de Perche, fils au duc d’Alenchon, le comte d’Eu, les deux frères à la royne, en faveur de Savoye, le marquis de Saluce, le seigneur de Montauban , le seigneur de Craon, le chancelier de France et tout son grand conseil, et multitude d'autres barons et chevaliers, dont ne sçay le nombre. Et comme par chacun jour le roy et le duc s’entrevéoient en leurs chambres , cheurent en devises eux deux sur le comte de Charolois, duquel le duc sçavoit bieu que le roy avoit cuer contre ly, et que ly-meismes en temps passé, par argu qu'il avoit pris encontre , s'estoit assenti avecques le roy de lui tenir durs termes, ce de quoi le roy estoit bien aise. Si avint que maintenant le duc, en parlant de son fils au roy, en parla en tous aultres termes que n’avoit appris ; et jà-soit ce que dès la pre-’ mière convencion qui s'estoit faite à Hesdin, jà ung an avoit, il avoit promis au roy, et à sa requeste, que point ne lui rendroit sa pension que lui avoit rompue , que ce ne feust à son gré et à son sceu, toutesfois à ceste heure, ayant congneu et longuement expérimenté le sens et patience de son dict fils, le dammage qui lui pooit ensievir à cause de ceste division, avecques ce que tous ses pays favorisoient à son dict fils et le portoient, mua corage, et retornant à condicion de père, pria au roy qu'il voulsist estre content que rendre Jui peust sa pension. Et nonobstant que ce il peust bien faire sans son congié, touttesfois si lui en pria-il pour s'acquitter en sa promesse qu'il lui avoit faite. Comme doncques le roy oyst ceci, que l'amour estoit renouée entre le duc et son fils, et que jà avoit perdu l'espoir que avoit eu en leur division ensemble, commencha à parler ung peu roidement sur le comte, et à lui donner plusieurs charges par lesquelles il démonstroit au duc qu'il n'avoit cause d’estre content de ly, mès de luy voloir mal, à juste tiltre. Et entre autres choses lui imputoit qu’il avoit fait alliance avecques le duc de Bretagne,
AA6A] CHRONIQUE DES DUCS DE BOURGOGNE. — III PART
lequel il elamoit son ennemi et son rebelle ; et comme telles choses ne faisoient à souflrir, estoit bien content aussy qu'on congneust qu'il ne lui voloit point de bien. Mès le duc, qui cstoit froit en respondre et avisé, res- pondy : « Monseigneur, vostre grace soit sauve! je suis tout seur et sçai bien qu'oncques mon fils ne fist chose qui feust ou peust estre contre vous, ne de quoi il peust avoir blasme, et de ce je l'ose bien:plenir et respondre pour iy ». Mès le roy répliquant sus , le duc son oncle maintint toujours ses termes, plus, ce disoit-on, par souspeçon et faulx donner-entendre que par attainte du cas. Et lui movoit ce, de ce que messire Jacques de Luxembourg, frère au comte de Saiact-Pol et à la ducesse de Bretagne , demoroit avecques le comte de Charolois, et estoit de la maison du duc de Bretagne fort amé et prisé, à cause que norry avoit esté au pays avecques la ducesse sa seur. Dont, parce qu'il estoit capitaine de Rennes, et envoyoit souvent par delà ung sien escuier, nommé Antoine de Le Met, son lieutenant de Jadiete ville, le roy, pensant qu'en ces allées et venues de l'ung pays à l’aultre il y pooit avoir quelque cowwert mistère et secret entendement , y prist imaginacion et malvais pied. Et quoi qu'il feust du faict , on me dist depuis que le roy fit tendre sur ledict messire Jacques, et pareillement sur son lieutenant ledict Antoine, pour leur faire maulvaise compagnie; et en furent en tel dangier, tel fois veis-je, que ne se feussent osé trouver au royaulme, combien que moi, bien accointé et très privé de tous les deux, les interrogeant sur le cas, quelle vérité y avoit , les ai oy jurer par grand serment : que oncques n’en furent requis de l’ung costé ne de l'aultre , ne n'en avoient eu charge , sinon qu'en faisant amiables recommandations de J'ung à l’aultre, comme parens qui s’entreaimoient ensemble de bonne amour, comme princes d'une venue et d'un temps, Et pareillement le comte de Charolois, comme il apperra cy-après, sen excusa par toule telle manière , et s'en excusera en public devant les ambassadeurs du roy, lors qu'ils mettront en termes ceste alliance. Et par ainsy je dis aue, ce que le roy mettoit avant
ceste alliance de son fils devant son père, luy procéda plus de souppechon que de vraie attainte ; car en effect, oncques n'en fut riens jusqu'à ceste heure.
