CHAPITRE VI

Comment plusieurs devises eurent le roy et le duc, et comment il vint à parler des Liégeois.

Tous les soirs se faisoient les danses en la grand salle, là où tindrent la feste la ducesse de Boùrbon, avecques ses deux filles, la ducesse de Guerles et damoiselle Margrite de Bourbon, accompagniées des dames et damoiselles à l'appartenir, en grand nombre; et là se trouvèrent tous les soirs le duc de Berry, le prince de Navarre, les frères de la royne , le comte du Perche, et maint aultre jeusne baron et noble homme, qui la feste maintindrent et accrurent. Et pendant ce, le roy et le duc se trouvèrent ensamble en leurs chambres , parlans tel fois de sens, tel fois de folie et de joyeusetés , comme en tel cas eschiet. Entre autres choses, ung soir avint que le roy commencha à deviser des Liégeois ; car en effect les Liégeois avoient jà faict des hautaines sur le pays de Brabant, et avoient esté dehors en bannières levées, passé par emprès leur évesque qui les voyoit à l'ueil, et abbatans une maison d'ung chevalier, son serviteur, et de quoi l'outrage et l’attemptement faits furent tantôt mandés et annoncés par l'évesque au duc son oncle, qui aigrement le prist à cuer. Et moroit d'ardeur de s’en vengier ; Car trop en avoit souffert jà pour cuidier bien faire et pour fuir l'effusion de sang ; mais attrempant son premier bouillon de corroux par encore ung diffèrement de froideur , le manda au roy qu'il y porvéist et qu’il les fist rentrer tellement que plus ne s'avançassent à emprendre sur luy par telles voies, ou besoing lui seroit qu'il y porvéist ly meismes par voie de faict, et comme il er estoit bien en ly quand il voudroit. Mès parce qu'il les avoit pris en sa garde, il l'en voloit avertir, premier que rien faire. Sy y envoy le roy ung sien chevalier, prévost des maris saux, messire Tristan l’Ermite, qui autresfois, du temps du roy Charles, les avoit pra-

tiqués contraire de ce duc de Bourgoingne.

Et sembloit, pour ce que ce messire Tristan portoit grâce d'avoir esté tout son temps malvais Bourgoingnon et haîneux contre |y, que le roy le y envoiast encore tout propre à intencion telle. Toutesfois ce en avint, que les Liégeois rentrèrent à l'ordonnance du roy, qui le leur munda ; mès continuèrent en haulx et fiers languages , sur la fiance du roy, qui ne l'eussent osé penser , fors sous son ombre.