CHAPITRE XIT
Comment le roy envoya la royne devers son oncle , et par ung dimenche après vespres entra en Hesdin.
Or ensievant touttes-fois , comme j'ai dict
- dessus, divers blandissemens que Île roy
imaginoit, et qui peuvent donner diverses occasions de penser à qui vouldroit escrutiner ceste matière , le roy, luy party de Hesdin, huit ou neuf jours après, envoya la royne devers son bel oncle; et, par un dimenche, après vespre, entra à Hesdin, le duc aveucques elle, qui estoit allé au-devant, atout la baronie de sa maison, qui moult estoit belle. Et entra la royne à cheval sur une basse haquenée blance , la princesse de Piémont sur aultre , et ses deux propres sœurs germaines avecques elle, à multitude d'autres dames et damoiselles de grand estat.
Ayoit esté commise en garde et en conduite au comte d'Eu , comme seigneur du sang, et,
par estroite commission, à ung gentil chevaher, mignon du roy au temps passé, le seigneur
de Cressol, en qui le roy se fioit moult , pour.
cause de ses vertus et sens. Du festoy ne convient parler comment et en quelle manière, car tout y estoit ce qui appartenoit à deux lez, tant à la royale magesté d'une telle royne, comme à la haultesse et puissance d'ung tel duc, visité encore en sa propre maison. Et pour tant je m'en passe sur l’entendement des lisans qui, de tel cas et de telles personnes dont la matère parle, sçauront bien entendre à peu de paroles ce qui en pooit estre. Tous les soirs se firent les danses jusques à la my-nuyt ; et tint la royne salle publicquement pour embellir la feste.
Là se trouva le duc tousjours d'encoste elle assis d'ung lez à sa main droite, et au lez sénestre la ducesse de Bourbon à force, car à envis et dur en prist l'onneur. La princesse de Piémont, fille au roy Charles deffunct, ne fut oncques assise en banc; ains, seule et à part, elle estoit assise en bas sur ung quarreau de drap d’or aux piés de la royne; ensemble la dame de Maury, fille bastarde du roy Charles, estoit assise à basse terre, emprès la princesse. Là furent multipliées les joyes, et redoublées par tout possible ; danses renouvelées de toutes fachons; dames lassées par hait (1) de courre ; compaigaons Mis à la grosse alaine ; et là fut tout mons. tré ce qui estoit en homme et en femme de bon et de beau, de haït et de bon voloir en chascun. Et entre les aultres , y avoit une dame, femme au maistre-d'ostel de la royne, qui, par ses manières et beau port et danses, en blessa en cuer une donsaine, car estoit la droite gorgiasse, et le passe-bruit de la route. Je ne sçauroie escrire de ceste feste autrement, fors que, pour autant que la royne y estoit, et le duc et toutte sa famille se traveilloient à faire chière en tout ce qui estoit de pooir, de devoir et de bon voloir ; et n'y avoit chevance espargnée, puissance ne volenté fainte, ne nuls biens plaings:
Meismes la royne ne s’en pot taire; més dict que de son vivant n'avoit eu tant de bien, ne de joie; mès lui cousteroit bien
(4) Plaisir.
GEORGE CHASTELLAIN
chier ; car seipt ans après, elle le comparroit et en auroit regret, ce disoit-elle. La princesse de Piément en dist autrelant; et mo-
roit d'annuy , ce disoit, quand elle pensoit-
au département de telle chière. Les aultres dames en dessoubs certifioient que le moindre jour du bon temps de lyens valoit plus que tout ce qu'oncques avoient eu de plaisir en l'estel de leur maistresse, là où il les oonvenoit estre seules, dessevrées de toutes compaignies et de devisement d'ommes, mal logées et estroitement, loings de bonnes villes, en meschantes places à l'esquart , serves et craintives , et pleines de dangier. Et dirent bien aussy en ensievant
leur maistresse, que voirement leur seroit
celle chière bien vendue au retour devers le roy, par ung droit contraire. Et pour tant, puis qu'elles y estoient, elles en prendroient leur plein et leur soul, tant qu’elles y seroient.
