CHAPITRE XXXVII

Comment le duc prist advis aveucques ceulx de son conseil de ce qu’il auroit à faire en ceste guerre.

Je lesse doncques ce bastard qui s’en va singlant par mer , à tout son entreprendre , et de quoy n'estoit novelles, fors entre le roy et le seigneur de Reubenpré, aveucques peu d’autres, et viens au duc de Bretagne, lequel, marry durement de ce que le roy le quéroit ainsy à deffaire et sans cause, prist avis et conseil sur ce aveucques ses barons, pour savoir quelle chose lui séoit à faire sur cestui cas; car se sentoit de bonne volenté de se deffendre en gardant son droit. Si porta l'avis ainsy : qu’il seroit bien que le duc avertist le roy par unes lettres de ce dont le rapport lui avoit esté fait; que le roy avoit quis et requis Anglois contrely pour le destruire , avecques aucuns aultres du royaume , les plus puissans. Et disoient Bretons, que cestes lettres au moins seroient au roy matère de le faire parler et de l’avuer ou de s'en parer. Se ne porroit-on faillir que par icelles n’atteignist à l’'embucement de son corage et de sa pensée tost ou tard , et après cela sceu, conseil sur Île tout. Cest avis feust tenu; et fist le duc ordonner ses lettres ; mès ne sçay par cui conseil; car il y avoit des ruineux termes dedens. et des articles de graude interprétacion ; non-

obstant touttes voies, telles quelles, furent closes et signées et envoyées au roy, qui jà , estait retourné de Roan et s'estoit venu logier à Novion, emprès Abbeville. Lequel, quand les avoit veues et leues, pensez que point n'estoit à son aise , ains troublé durement et entrepris en cuer pour la manière de l'escrire, Si les monstra au seigneur de Montauban, admiral de France, qui n'amoit point te duc son seigneur, ce disoit-on, pour ce qu'il sentoit bien et cognoissoit que le duc l'avoit à regret en son corase pour la mort de monseigneur Giles de Rretaigne , et craignoit fort que une fois le duc ne lui en fist malvaise compagnie. Dont, pour soi fortifier du roy, estoit bien content de porter et maintenir sa querelle contre le duc, son seigneur naturel. Or, avint, qu'en la novelleté de cestes lettres venues au roy , le premier jour ou le lendemain, le scisneur de Croy arriva à Novion et vint veoir le roy; et icellui venu, le roy. après ung peu de devises lépières, lui alla monstrer les lettres du duc de Bretaigne ; et par manière de doléance, lui pria qu'il les lisist; ce que fit le seigneur de Croy. Si mist peine à les interpréter sur le meilleur ploy; mès n’estoit en pooir d'homme d'en contenter le roy, re qu'il les peust tourner en bien. Au partir de la messe : « Hesse! ce distle roy au seigneur de Croy, portez cestes lettres à beaux oncle, et lui monstrez le sens de Bretaigne; si orrez qu'il en dira : je pense que beaux oncle ne les eust en pièce envoyées pareilles. » Là print congié le seigneur de Croy:, et revint vers son maistre atout ses lettres ; et les vit le duc et les oyt; mès ne Îles interpréta point en telle aigreur comme le roy les avoit prises; car, à vrai . dire, il ne donnoit pas le plus du tort au duc breton en son couvert courage , ne au roy le __plus du droit; car sçavoit bien que le roy le surquéroit. Dont , par son propre cuer il jugea de l’aultrui ; et arguoit en ly-meisme que le duc de Bretaigne estoit un grand prince et

uissant; et telles gens envis se lessent

uler, et encore en leur droit et honneur gardant. Et pour tant dissimula de ces let-

tres doucement, et en parla moins qu'il

n’en pensoit.

GEORGE CHASTELLAIN