CHAPITRE XXXWVIIL

Comment le roy envoya le seisneur de Montauban vers le duc pour entendre s’il ne l’assisteroit pour faire guerre.

Ne dermora paires après que le roy n’en-

voya le seigneur de Montauban devers ly à

Hesdin. Et comme cestes lettres le travailloient moult en cuer, vint faire taster au due son bel oncle, par le dessus dit de Montauban, se, quand ce venroit à la guerre contre le duc breton, il le serviroit et aideroiït à mettre à subjection deue , veu que il luy avoit fait foy et hommage de le servir comme son souverain. Mès le duc, non legier icy en responce, et non veuillant donner pié au roy de légièrement emprendre guerre contre ceulx de son sang ne de ramener tribulation en ce royaulme, respondit :que le cas encore ne requéroit point pour soy déclarer si avant ; et au regard du devoir en quoy il estoit obligié envers le roy, à l’aide de Dieu, il en sauroit si bien faire en temps et en lieu, que Dieu ne homme ne lui en devroient riens demander.

Mès, s’il plaisoit au roy qu'il se mellast de l'appaisement entre luy et le duc breton, il s'y acquitteroit volentiers et y envoieroit aucuns de ses gens pour le mieulx faire; car, comme j'ai dit, le duc à dur et envis se feust assenti jamès à movoir guerre ne à la soustenir encontre ses proismes et propres parens, et meismes en ce royaulme, sçachant bien que demain ou après, il lui en pendoit autant devant l'œil, et que meismes personnage se poroit faire contre Îy par cas semblable ; car congnoissoit assez de la nature du roy et de ses coudicions ; et pour tant ne

voiloit point donner pié au roy pour corrir sus aultruy , afin que aultruy ne luy donnast pié aussi pour se former contre luy. Et en

effect, pour querelle encore qu'il voyoit entre le roy et le duc breton, jamès ne se feust mellé en ce débat pour occasion si légière.

Se n'en pot le seigneur de Montauban tirer

autre chose pour ceste fois. Et à tele res-

ponse partist du duc et retourna vers le roy,

qui gaires longuement ne s'en tendra à tant;

ains délibéra bien d'en faire anltrement , et

d'en faire semondre le duc, sous obligation de foi faite; au moins poroit-il congnoistre par cela, ce disoit, l'obéissance de ly et l'acquit de sa léaulté envers ly, selon sa foi promise. Et de fait y renvoia cely de Montauban arrière , soubs ceste forme de semonce ; et ne taichoit à riens qu'à le bouter en guerre, ou au moins en promesse de l'assister quand ce venroit à faire; car sçavoit de vray, se une fois il eust eu le pié de confort de ce duc de Bourgoïigne, et que la voix en feust allé par le royaulme, le duc breton se fust à cop humilié envers ly et submis à son plesir ; et tous autres en cas semblable en eussent eu fréeur et cremeur. Dont , comme le roy béoit à cecy, et que le duc de Bourgoigne l'entendoit bien aussy , ly, par ung contre quarre, contre pensoit la chose, et notoit bien que uag jour, comme il sentoit le roy variable, quand le duc de Bretagne seroit bien aveucques le roy, et seroient bons amis ensamble, le duc de Bretagne qui auroit trouvé son cousin de Bourpoigne de légier consentant en son destruire, de paiement samblable lui rendroit la courtoisie, et à légier aussy se consentiroit à lui courir sus ; et non moins en feroient les aultres du royaulme qui aroient recen ceste paie par son moyen. De ceste semonce et de lr manière du faire, vint beaucoup en court de troublement entre les nobles, meismes entre gens de tous estats ; et à ceste cause se commencèrent à dévoler languages de la part du roy , et à se descouvrir souspechons et murmures d'ung costé et d’aultre , et qui toutes donnoïent malvais espoir en fin, et apparence de hongis (4), qui n’y faillit point.