CHAPITRE LIII

Comment l'auteur parle et traite ceste matière, bien envis, pour l'honneur meismes du roy, car maints maulx en sont venus.

, À dangier je parle ici, et à envis je me tais en chose nécessaire, pour l'honneur mesmes du roy, lequel je percevoie soullié ici et deceu d’une manière de gens, en faveur desquels, du commencement jusqu'en ja fin, il emprist et cuida parfaire des choses grevables à son honneur, contraires à son salut, et domageables à la chose publique de sen royaulme. Car par leur moyen et suggestion, ly qui avoit esté fait et eslevé roy paisible de la main de ce duc, et par qui seul le surplus du royaulme le craignoit et doutoit, afla prendre volontaire haine contre -le comte, seul fils de cely, machinant mesmes sur le duc en couverte longue traite, lui ostant les terres sur Somme, le déprivant de multitude de nobles hommes et Larons pour l'affoiblr ; et de quoi le duc, aveucques plusieurs autres causes, se percevoit de malice contre ly; car. se joignit aveucques les Liégeois et les prist en sa garde, en son contraire ; quist l'amisté des Anglois pour le comprimer par iceulx ; dévola plusieurs parolles minatoires contre le comte, en attainte du père ; emprist, comme ici est conté, de le prendre et faire appréhender par ce bastard ; et depuis, pour avoir cely, sans que l'esclandre en tournast sur les conspirateurs, l'envoya requérir par ses ambassadeurs soubs manasce et injure ; et tout par conseil et en faveur de gens qui ly et eulx-mesmes se déshonoroient, et dont on percevoit la malice, qui temprement cyaprès sera toute cogneue et attainte, et de quoi déshonorés et desfais cherront en confuse doloreuse fin, eulx et tous les leurs ; et apperra clèrement que toute la tribulacion et povreté de ce roy Loys d'ici en avant mouvera de eulx et de leur cause , par les avoir creus et attraits à ly à subtile et malicieuse fin , comme il les cognoissoit de malvaise inclination desléale. Dont ce lui fut bien une dure et male heure, et sera cy-après, quand oncques il les tira à lv ; car par eulx il devint

[4165] couvert ennemi de son léal ami serviteur, et de sa maison, mortel et mordant du fils, lequel quérot à desfaire. Laquelle chose , se point n'eust faite, et qu'il eust rendu bien pour bien, et se feust tenu en amour aveucques le père et le fils, et non abandonné le grand pour le moindre, il feust demoré roy paisiblement régnant ; nulles insurrections ne feussent esté faites contre Ly ne de frère ne d'aultrui. Maintenant est encouru en toute adversité, autant que roy passé a mille ans. Dont il les devoit bien maudire, qui, seuls entre tous aultres, en sont cause et fondement. Mès dès l'heure que teus les princes et les grands de ce royaux .# perçurent comment ceste maison de Bourgoigne, dont il tenoit sa force et redoutance , commença à luy tordre le col et à se refroidir envers ly, à mainte cause et tiltre , eulx tous, alors maltraictiés et mal menés de long-temps, lui commencèrent à tourner face aussi; et faisans fondement sur le duc de Bretagne, que le roy voloit traitier dehors raison, s'ajoignirent en sa querelle ; qui oncques n'eust esté fait, ne feust qu'il s'estoit fait ennemy de ce duc et de son fils, lesquelsil tendoit à desfaire pour complaire à ceulx de Croy. O! quelle pitié , quelle doleur et male aventure à ung si hault

roy que de faire ses instrumens et moiens.

de malvaises gens , et dunt ly, à toute intencion et contendement non loables, mesmes chéy en la fosse de confusion aveucques eulx qui l'ont foyé! Ne siet, hélas ! à ung roy de France adjonction de teles gens. Ne duit au plus noble des crestiens soy aidier de tele maisnie, qui mesmes en devroit abhominer la semence et la rebouter d'en arrière de ly punisseur. Et combien qu'encores, à l’eure de ceste ambassade, estant à Lille pour ce bastard, ces gens de Croy n'estoient encore pleinement cogneus en leur malice , fors tant seulement par murmure et par évidente souppechon, touttefois par intervalles depuis et par les faits clèrement congneus et rattaincts comme par divin jugement, expédient est de ouvrir ung peu la matère en ce qu'elle porte de malvais, pour plus vivement et p'us clèrement demener Îe surplus jusqu’à l'enfondrement de l'appostume. Ù

So 1

Retournant doncques à la matère : le comte de Charolois, qui aigrement porta en cuer son injure , s'avisa celle nuit à bien et sagement respondre au lendemain par ung joefdy; et sur chascun point et article à lui imposés, de y garder son honneur et son bon.

nom. Et en effet ly seul , à part Ly, s'enfrema en une garderobe atout de l'ancre et du papier , et 1à composa et articula sa response. telle que devoit faire ; et de quoi tout homme lui donna los après, de la forme et de l'assiette. Si est vrai que ce joef-dy matin, au lever du lit, entendoit à respondre aux ambassadeurs du roy à l’après-disner. Dont, pour soi monstrer et tant plus estre voiable, se vesti d’une longue robbe de drap tissu d'or ; et atout cent ou six vingts chevaliers et escuyers vint à l'ostel de son père pour soi assagir de l'eure. Mès comme les affaires du duc ne portoient point pour y entendre cely soir, fut remise au lendemain, par ung vendredi , l'audience; et en furent contentes les parties. Le vendredi doncques, au mesme lieu où les injures avoient esté dictes au comte, se refit l'assemblement des gens du roy, et le duc, assis en banc, ricement paré, avironné des princes de son sang, des chevaliers de son ordre, et de multitude d’aultres en la chambre, toute pleine de monde et de gens d'estat, le comte de Charolois alors, soi tenant emprès, à la destre de son père, et soi ruant à genoux, prist à parler ainsi et dist :

« Mon très redoulté seigneur, il vous est, j'espoire bien, en vostre mémoire, comment avant hier au soir, les ambassadeurs de monseigneur le roy, cy présens, en vosire présence et en la mienne, me donnèrent de grandes et de grièves charges en mon honneur, et de quoi j'estois prest alors de respondre sur le lieu, s’il eust pleu à, vostre bonne grace m'en donner octroi, ci que non. Mès de vostre bonté , vous-mesmes pristes la parole pour moi et me deffendistes, ce que jamès ne puis desservir ne vous en remercier assez. Mès, mon très redoubté seigneur , comme vrai soit que après Dien et le salut de mon ame, rien ne m'est si cher en ce monde que mon honneur , et que icelly porter ne souffrir b'essier, encore à tort et

sans cause, me seroit une amertume intolérable ; et que dès lors je vous certifiai par ma parolle publicquement, qu'à l’aide de Dieu je me pareroie bien tellement et excuseroie que n'ariez cause de me tenir tel comme lesdicts ambassadeurs m'ont chargé en devant vous; pourtant, mon très redoubté seigneur, en ensieuvant ma requeste dès lors faicte humblement à vous, et en ensieuvant aussi ce de quoi me suis vanté en vostre présence, c'est de m'en sçavoir bien deffendre, je vous supplie arrière, en toute humilité, qu'il vous plaise à moi donner grasce de respondre cy à leurs articles et aux points en quels ils me donnent charge. Et à l’aide de Dieu mon créateur, je m'y porteray tellement, que la foule n’en demorra pas devers moi ae en vostre noble maison. »

Le duc alors respondit et dit : « Il me plaist bien ; parlez. »

« Mon très redoubté seigneur, doncques puisqu'il vous a pl u me donner grasce de respondre aux charges à moi imputées devant vous par les ambassadeurs de monscigueur le roy présens , se bien les ai recueillies et retenues toutes, me semble, pendent en cinq parties, et dont les deux points sont principaux entre les aukres; et tout quant que ils ont dict ne mis avant en leur proposition pour le parfait de leur matère, ce a esté pour venir à ces deux points , pour leur donner apparance de vérité, en agrévement de ma charge. Et tout premier, m'’accusent d'avoir commis crime de lèse-majesté, par avoir esté sçachant et consentant des traictiés et alliances, que beau cousin de Bretagne, comme ils dient, doit avoir faites aveucques le roy Eduard et les Anglois , anciens ennemis de ce royaulme et de la coronne de France, en contraire du bien du roy et de la chose publicque ; et ce doit estre apparu, comme ils allèguent, parce que maistre Jehan de Rouville, vice-chancelier de Bretagne, comme ils dient, avoit envoyé en Angleterre pour les causes dessusdictes. Aupartir dudict, de mon beau cousin son maistre, devditavoir eu charge et exprès commandement de 1y de retourner par devers moi, pour moi avertir et annonoïer ce que aroit besoignié aveucques ledict FOy Eduard. Par quoi il n'y a point de dif-

GEORGE’ CHASTELLAIN

férent que je ne sole et doy estre aussi coulpable comme letict mon beau cousin, et aussi parfond au crime consentant, comme le procurant.

» L'autre point principal en quoi m'accusent et donnent charge, c'est que je doy avoir fait alliances et secrètes confédérations aveucquesledict mon beau cousin de Bretagne, en préjudice et en contraire du roy et de son royaulme , et pour laqueHe cause le roy me tient et doit tenir pour son ennemi.

» Le tiers point en quoi m'ont donné charge, et par lequel ils veulent fortifier les denx premiers, si estque , à cause de ceste alliance que ils disent estre faite entre ledict mon beau cousin et moi, j'ai volu empeschier le roy de sçavoir ce que ledict mon beau ceusin avoit besoignié en Angleterre ; et que pour ceste eause , et afin que le vrai ne fust sceu, j'ai fait arrester le bastard de Reubenpré, lequel le roy avoit envoyé en Hollande pour appréhender ledict vice-chancelier ; ‘lequel devoit passer par-devers moi à son retour d'Angleterre, pour les causes dessusdictes; et dont, par la prise et arrest dudict bastard que je détiens, le roy n'a peu sçavoir ce qui estoit machiné contre ly en Angleterre; qui chiet au grand grief et desplesir du roy, et par quoi j'ai grièvement offensé et mespris.

» Le quart point de quoy me chargèrent lesdicts ambassadeurs, si estoit que, pour couvrir la cause pour laquelle j'avoie fait arrester ledict bastard , et qu’elle ne venist à congnoissance , pour ce qu’elle estoit malvaise encontre moi et peu honorable, je envoyai incontinent Olivier de La Marche par-devers vous, mon très redoubté seigneur, à Hesdin, pour vous dire que le roy avoit envoyé le bastard pour me prendre; et lui chargeay en oultre qu'en tous lieux où il passeroit, ces choses fussent publiées. Dirent en oultre lesdicis ambassadeurs , et en ce mesme article, que pour encore plus esclandrir le roy, et esmovoir le peuple contre 1y, je fis cesmesmes languages preschier en la ville de Bruges.

Par quoy il appert, et est tout cler que, se lui eusse sceu pis faire , je l’eusse volontiers faict.

« Le quint point en quoy m'ont accusé, est que, combien qu'en l’arrest dudict bastard,

j'ai grandement offensé le roy, toutefois j'ai | avant et proposée, Hélas! mon très redonbté

encore plus mespris, ce dient, en le détenant depuis qu'il s'est renommé serviteur et ayant charge du roy; laquelle charge, par mon detenir , il n'a peu executer. Dont se Île roy n'en est pas content, ce n'est pas merveilles:; car en cest article ici, et en tous les autres ramenteus ici dessous, il semble, et ont volu dire lesdicts ambassadeurs, que j'ai contrarié, et volu desplaire volontairement audict monseigneur Île roy; et de ce m'ont donné charge.

» Sur quoy , mon très redoubté seigneur , en ensieuvant vostre grasce et congié à moi obtenus par vous de respondre, en mon honneur gardant et seloncq l’appartenir du cas, je me suis présenté de respondre, et respondrai à l’aide de Dieu, au moins mal que porrai, et ainsi que vérité le porte, sans nullement m'en estordre.

» Quant au premier point, mon très redoubté seivneur , là où les ambassadeurs de monseigneur le roy présens m'ont accusé et accusent d'avoir commis crime de lèse mafesté , par les raisons contenues au premier article, je ne me puis assez esmerveiller comment monseigneur le roy s'est si largement lessié informer à l'encontre de moi, ne à croire telles choses de moi, et encorre plus de ce que, sans nulle certaineté ne apparence véritable , il m'a fait, par lesdicts ses ambassadeurs présens, publicquement charr'er d'ung si vi'ain et détestable cas; ct ne fais point de doute que, s’il y eust bien pensé, et puile autre chose ne l'eust meu à ce que ma desserte, jamès ne l'eust faict ; considéré que de donner charge à ung noble homme, à tort, sans cause ct contre vérité, quand la vérité de ce est sceue enfin et congncue, cely dont la charge vicntet procède n'y a gaires d'onpeur. Or cest que jamès ne sera trouvé que j'aie sceue aucune chose de l'allée en Angleterre dudict de Rouville, vice-chancelicr, ne quelle charge il avoit de son maistre, mon beau cousin de Bretaigne, ne aussi par où il devoit aller, ne par où retourner. Par où peut clèrement apparoir que la charge que lesdicts ambassadeurs me imposent par le premier point, est nulle et de nulle teneur, et sans cause purement, et contre vérité mise

seisneur , la chose que j'ai plus désirée en ce monde, après le salut de mon ame, et que plus je désire au'ourd'hui, si est de pooir ensieuvir les vertueuses et louables trasces de vous et de vos très nobles prédécesseurs, qui par leurs haultes et grandes vertus, sens et vaillance, et louables œuvres, ont si hault eslevé ceste maison , que par tout ie monde la glorieuse fame en court et vole, à la perpétuelle gloire de ceux qui l'ont mise en ce degré ; etlaquelle, certes , mon très redoubté seigneur , soubs vous et en vostre main, n’est pas amenrie , mais accrue en honneur et en gloire, trop plus que par nul autre de vos très nobles prédécesseurs ; et de quoi je ne puis, ne ne porrai jamès rendre grasces ne loenges soufli-antes à Dieu mon créateur, quand il m'a fait naistre etcstre yssu de tous costés de si vertueux princes.

» Mès hélas! mon très redoubté seigneur, se les choses à moi imposées estoient véritables, je seroie bicn loing doncques de ce que je désire, et me scroie birn fourvoyé du chemin de vous et de vos très nobles prédécesseurs, et n'en scroie pas tant seulement à blasmer , mès à esloignier de toutes gens ; et me vauldroit mieux avoir esté mort au partir des fonts, que par moi ceste très noble maison, et mesmes tous Ceux qui en sont yssus, portassent reproce de infame renommée. Et pour tant, mon très redoubté scigncur , S'il est nul qui en ce, ne en nulle autre chose, me vueille charger, je y respondray tellement, au plesir de Dieu, et par telle manière, que la charge ne demorra point sur moi.

< » Et quant au second point, d'avoir fait alliances aveucques beau cousin de Bretagne, au préjudice de monscigneur le roy ct de son royaume, certes, mon très redoubté seigneur, il ne sera jà trouvé que j'aye faict ne volu faire chose qui soit au préjudice du roy ne de son royaulme, par allinuce ne aultrement. Mès se, pour les grands biens et vertus . que je sçay et congnois estre en la personne dudict beau cousin de Bretagne, et que à ceste cause j'aye grand amour et amistié à ly et ly à moi, le roy, ce me semble, ne doit ce prendre en desplaisir ne en mal; car La

chose que plus devroit desirer et de quoy par raison plus se devroit esjoyr, ce seroit de veoir bon amour, concorde et union entre les princes de son royaume , considéré que c'est . le bien et la seurté de ly et de son estat ; car tant que les princes de son royaume seront bien unis en bonne amour ensemble, et eux avec le roy, et dont je ne doute point qu'ils ne Île soient et seront, tant qu'il plaira audict monscigneur le roy les traitier comme il doit, il n'aura que faire de quérir esranges alliances, ne de requerre ses ennemis de paix, ne de tresves. Ses nobles prédécesseurs , desquels la mémoire sera perpétuelle en leur bien faire , ont soigneusement mis peine à entre-

tenir amour entre les princes de leur sang;

mais monseigneur Île roy qui est à présent, sans que de ly mesmes s’en soit mis en peine oncques ne en soing, les a trouvés, Dieu merci! et de quoy il doit grans grasces à Dieu, et nous tous , si conjoings en bonne amour ct en union ensemble, que depuis, comme je cuide, que le royaume a receu la saincte foy crestienne , ne furent tant ne si bien comme à ceste heure ; laquelle chose je répute plus à miracle que autrement. Et bien seroit maudit cely qui les desmoveroit'ou se vouldroit traveiller de les desmovoir de ce saint et loable ‘propos. Et au regard de l’amisté que j'ai audict mon cousin de Bretagne, et lui à moi, mondict seigneur le roy s'en doit grandement esjoyr et contenter ; car plus avons d'amisté ensemble , plus serons puissans de le servir; et ne doit douter du contraire; car nulle amour ne me movera à faire chose qui soit contre mon honneur.

» Et pour respondre au tiers point où cesdicts ambassadeurs me chargent d’avoir faict empeschier le bastard de Reubenpré, pour révéler au roy ce que mon cousin de Bretagne à fait et besoingnié en Angleterre, certes, monseigneur , deux choses m'en excusent; et non pas tant seulement m'excusent, mès de tous points me deschargent :

c'est assavoir ce qui est repondu au premier article : que de l'allée ne de la charge du vice-chancclier, ne qu'il deust repasser par moi je n'en sçaurois parler en aucune manière que ce fust; et si ne sçavois ne ne ponis ycavoir la cause de la venue dudist bastard.

Par quoi peut clèrement apparoir que ce dont je ne sçavois parler, ne peut estre la cause de l'empeschement dudict bastard.

» Et au regard du quart point, où lesdits ambassadeurs dient que, pour couvrir la cause de la prise dudict bastard, dont , par la response du troisiesme point , je me suis deschargié , comme chacun peut congnoistre , j'avoie, incontinent depuis ladite prise, envoyé Olivier de La Marche devers vous, monseigneur, pour vous dire que ledict bastard estoit venu pour moi prendre , comme dit est. Mon très redoubté seigneur, de ce je vous fais meismes juge , quelie chose de par moi ledict Olivier vous a dit.

» Et touchant la charge que, comme ils dient, je dois avoir enjoint à icellui Olivier de semer les languages dessusdits là où ül passeroit , et aussi du prescement fait à Bruges pour esmouvoir le peuple de vos pays allencontre du roy, certes, monseigneur, je cuide qu'il ne soit jà besoing de quérir moyen pour esmouvoir vostre peuple allencontre du roy.

Et quoi qu'il en soit, monseigneur , vous en porez légierement sçayoir la vérité se desjà ne le sçavez; car ledit Olivier est vostre subgect de vostre comté de Bourgoigne, dont vous estes souverain , et la ville de Bruges est vostre; par quoi vous vous poez informer comment il en va; car, à ce que par vérité se treuve je me rapporte.

» Et au cinquième point, où ils dient que combien qu'en l'empescement dudit bastard, j'eusse mespris, touttefois , j'avoie plus griesvement failli encore, et de quoi je me pooie excuser , de l'avoir détenu depuis qu'il s'estoit renommé au roy, et ayant charge de par ly; sur quoy, mon très redoubté seigneur :

il est vrai que ledit bastard fust arresté pour les causes qui seroient trop longués à réciter , et que vous, monseigneur , et beaucoup d'autres savent : comme d'avoir esté menteur en divers points , quand il avoit esté interrogué sur les souppechonneuses manières et enquestes qu'il fist de mon estat ; comme aussi de malvaise fame et renommée qu'il a. Dont par la meismes auctorité que le chancellier de France allégua à moi, volant chargier, disant : Qui semel malus , semper prœsumitur esse malus; on ne poait présumer sur ledit

nas CHRONIQUE DES DUCS DE BOURGOGNE. — III PART.

bastard , fors que tout mal. Bien est vrai qu'il se renomma au roy, et d'avoir charge de Iy, telle que dit est; mès pour ce qu'il n'en appert en riens , et considérées les contradictions en quoi avoit esté trouvé, je l'ai détenu jusques au présent; et de ly et de toutes autres choses, ferai à vostre bon plesir, selonc la puissance que Dieu m'a donnée.

» Vray est en outre, mon très redoubté seigneur, que lesdicts ambassadeurs , en desduisant leur matère, s'esmerveilloient de quoi j'avois pris si grand desplesir et courroux allencontre du roy, comme de le faire ainsi esclandrir par tels non véritables rapports, disans qu'ils n'en sçavoient penser la cause, se ce n'estoit à l'occasion de la pension que mondit seigneur le roy m'avoit donnée , et laquelle m'a r'ostée. Sur quoi, mon très redoubté seigneur : au temps qu'il pleut à monseigneur le roy , moi donner ladite pension , avois des biens de vous, tant et si largement , la Dieu merci et la vostre! que jà ne m'estoit besoing de l'avoir; aussy je ne la reauis ne la demandai oncques ; ains , sans ma regucste , la me donna et la me fist présenter mondit seigneur le roy. Dont, et afin qu'il ne pensast que je voulsisse refuser ne mesprisier ses bienfaits, je fus, par vostre bon plesir et assentement, content de la prendre ; mês certes, Monseisneur , il n'estoit nul besoin auxdits ambassadeurs de voloir culorer et pallier les charges qu'il m'ont volu donner contre vérité, comme.je l'ai dit ici devant, sur si peu de chose comme sur la rompture de celle pension; car mondit scigneur le roy la m'avoit donnée, tant qu'il lui plairoit ; et s'il lui a pieu de la moi r'oster et rompre , il estoit en ly de ce faire ; et n’en ai pas pris tel ne se grand desplaisir , comme il cuide ; car, mon très redoubté seigneur, vous m'avez fait et élargissez journellement tant de bien que je me passeray de celle pension , tant qu'il plaira à Dieu ct à monseigneur le roy.

» Et combien , montrès redoubté seigneur, qu'il porroit sambler que mes responces poroient souflire pour mon excuse , et que par icelles je devroie estre deschargié pur et net de tout, et meismes que les rapports faits par haine et malveillance ne sont nullement à re-