CR À

chevoir, parquoi appert que les dessusdites charges ne ne pevent ne ne doivent nullement torner à charge, pour ce que, comme chacun scet , le roy, depuis aulcun temps en ça, a pris desplaisir , corroux et imagination encontre de moi, sans l'avoir desservi; et si grand, que publicquement il a dit qu'il me tenoit pour son ennemi, lequel je ne lui serai jamès. Et ne desservis oncques qu'il me réputast tel; car il ne vit oncques, ne ne verra jà , tant qu'il lui plaira, se Dicu plaist, par quoi il me doit tenir pour tel. En oultre a maintefois dit au seigneur de Hammes et à plusieurs autres , auxquels il tenoit malvais termes, que c'estoit à cause qu'ils estoient mes serviteurs; et! quen mon despit leur feroit du pis.

» Oultre plus, a plusieurs fois et ouvertement dit, et de quoi vous, mon très redoubté scigneur, poez estre. averti, et s'est vanité d'avoir, en temps et en lieu, des meilleures places de vos pays; par qui moyen, ne par quel, Dieu le sect ; ct en après, par le moyen des Liégevis, me débouter de la ducié de Braibant , et y bouter mon cousin de Nevers, auquel, comme on dit, il a promis buillier quatre cents lances pour ce faire. De quoi, monseigneur , il feroit grand peschié; car, premièrement , il seroit contre justice et droiture, laquelle doit reluire en tous princes, et singulièrement en cely qui est dit le très crestien ; car par les renscignemens que vous, mon très redoubté seigneur , en avez en vostre chambre des comptes en Braibant, il appert clèrement que mondit cousin de Nevers n'y a quelque droiture ; et si ne lui desservis oncques de me voloir deshériter sans cause et contre droit et raison. Et quand son plaisir sera de le faire et de s'en mettre en peine, force me sera bien d'y remédier ; car bien envis je lesseroie perdre le mien, tant que je le peusse amender.

» Or, mon très redoubté seigneur , considéré que les charges que monscigneur le roy m'a imposées par ses ambassadeurs, procédent plus de corroux et ymaginacion qu'il a prise contre moi, comme j'ay dit, que de ma coulpe ne deffaute, comme clèrement peut apparoir par ce que j'ay respondu aux charges que lesdits ambassadeurs m'ont imposées,

je vous supplie, mon très redoubté seigneur , que, de vostre grace, il vous plaise de non adjouster fuy aux choses qui par lesdits ambassadeurs à ma charge ont été dites; mès desdites charges et toutes aultres, me tenir pour excusé et descharaié. Et se nul me veult en aulcune manière chargier en ce , ne en autre chose, je y respondrai, au plaisir de Dieu , tellement que j'en demorrai net et quitte. |

» Mon très redoubté scigneur , pour ce que les ambassadeurs ont , en concluant leur proposition, dit que l'intencion de monseigneur le roy estoit de faire publier ces choses par tous les roys etroyaulmes crestiens, qui seroit, comme vous et chacun poez congnoistre, grandement à ma charse et esclandre, je vous supplie , comme dessus , mon très repoubté seigneur, que ainsi qu'il vous a pleu me donner consié et grasce de respondre à ces présentes charges, vostre plesir soit que, partout où mestier ct besoing sera, je me puisse excuser ainst qu'il en appartenra; car, en ce et en toutes aultres choses, je me voudroie régler et conduire par vostre bon ple- Sir. »