CHAPITRE LXII
Comment le seigneur de Cymay ne hantoit peint la cour, mès s’entre-entendoient tousjours par les allans et venans.
L« sire de Cymay, frère audit de Croy, n’estoit point en court à celle heure, ne n’avoit esté de bonne pièce par avant, pour cause d'unes fièvres quartes qui l’avoient pris à Hesdin , en la saison passée, et par mérancolie, ce disoit-on; mès ce non obstant, tousdis y avoit-il des allans et des venans entre eulx deulx; parquoi toujours ils s'entre-entendoient ; et estoit le faire de l'ung le conseil de l'aultre. Et disoit-on que cely de Cymay, par son orgueil et par son aspreté, estoit cause grandement à son frère , le seigneur de Croy, de son desroy et de son mescongnoistre ; car estoit cely de Cymay, rice puissamment de rentes et d'argent contant, tant par l’auctorité que avoit eue au pays de Hesdin, comme par la succession de la damoiselle de Pointèvre, son mari, et de qui il avoit espousé la seur germaine son héritière. Si en estoit tant rice devenu, et tant dru, qu'il en monta en orgueil, perdant mode , ly et ses enfans. Et ne craignoient
GEORGE CHASTELLAIN
point que telle richesse, aveucques l'aucterité du frère en court, tant devers le roy comme devers le duc, peust jamès les souffrir cheoir,, ne encorrir en dangier dont bien ne se garissent et relevassent. Car, montés en règne et en gloire par fortune , et outre le naturel de leur estat, s'accomparoïent à ceulx qui princes sont de naissance , et à qui la gloire vient d'héritage. Si s’en estoit-on longuement perceu; et véoit-on clèrement que par leur avoir et pooir de tous lez appliquiés à eulx, et que par leurs mariages et alliances que pris avoient en divers lieux , afin de perdurer et demorer en estat, ils portoient leur menton hault, monstroient évidemment que leur pan voloient porter, et pooient, encontre les bien grands, et que qui les vouldroit traitier autrement qu'à point, ils estoient gens pour monstrer visage de non le voloir estre.
Le seigneur de Quievrain, fils audict de Cymay, portoit fort cause droit cy aussy, en murmure de son orgueil; car en l'éage de vingt-huit ans, sans oncques avoir veu ne estre expert, son oncle l'avoit mis et establi premier chambrelan du duc, lui absent ; s’estoit allié, par mariage, à la fille du comte de Mers , et ceulx de Bavière; se trouvoit fort en grace du duc pour son beau sens et parler ; estoit grand balli et capitaine de Hainau; avoit practiques grandes et de divers lieux venans ; et tellement, que par ung que par aultre , et que ses pères sçavoit et sentoit en triumphe et en règne, et 1y mesmes avoit bonne pensior du roy, et estre à ly couvertement , il porta cuer fier, samblant pompeulx et haultain, dur assez à petites gens, et convoiteux, et contournant tout ce que pooit avoir à grandissement d’estat ; se fit de beaucoup de gens blasmer en son darrière par élacion de ses manières ; jà-soit-ce que moi, son très accointé et ami privé, n'en sçaroie dire que tout ce qui bien siet à ung noble homme de vertu ; mès je croy bien qu'envie en aultrui sur sa jeusne exaltacion estoit plus cause de murmure sur y que desserte, sauve touttes-voies que forcuidance y pooit avoir assez; laquelle je impute plus à sa jeusnesse que à vice. Mès comme, dès le commencement du discord, jà avoit dix ans par avant, à Brusselles, pour avoir le pre=
mier lieu à l’entour du comte, cestui, le seigneur de Quievrain, qui lors s’appeloit seigneur de Sempy , avoit esté cause du desplaisir du comte et de son grand dangier envers le duc son père, le comte et tous ceulx de sa faveur l'avoient pris en haine ; et comme il y avoit esté moveur de tout, l'avoierit aussi plus contre cuer que nul autre. Et ce sçavoit bien le jeusne chevalier, qui n'en fist compte, ce sambloit, qu'à demy ; ains tant plus se grandissoit fort, et béoit à haulx estats, sous l'ombre de ses pères et du duc, là où il y avoit grand crédence.
Et à ceste cause , et que véritablement sça-voit que le comte ne le vouloit, ne ne pooit le prendre en grace, au jour que le comte devoit arriver et venir à Lille devers son père, par grans mystères et moyens, et là où les princes et tous les barons de la maison allérent au-devant de ly, et mesme son oncle et le seigneur de Lannoy, ly, par fiction, de quatre jours devant s’estoit faint estre malade des dens, et portoit le visage bendé.
Parquoi il tint chambre huit jours et tant, affin de non aller au-devant de ly aveucques les autres. De quoi touttes-voies il se fit blasmer de diverses gens, qui bien entendoient le mistère et le secret de sa fantaisie.
