CHAPITRE LXVIITI
Comment le seigneur de Croy respondit aux médiateurs touchait l'offre à lui fait.
Le seigneur de Croy musa ung petit en cest offre, et par samblant il difficulta fort de y respondre; car craignoit fort l’accepter légièrement, et pesa le refuser non moins ; enfin touttevoies il respondist et print délay jusques au lendemain ; car voloit penser dessus , ce disoit, celle nuyt; et le. jour venu, il en feroit response. Le délay luy fut accordé, et firent les médiateurs leur retour vers le comte, et luy firent le record du ditet du fait, et du délay pris, qui s’en tint à content. Et encore d'abondant, et aflin que tout venist à bien, leur donna encore plus grand charge et pooir de parler plus avant, et les avertist sur aulcuns grands points , se d'aventure Croy en faisoit mention, comment ils y poroient respondre , et comment il voloit qu'ils en fissent. Et à tant retournèrent devers ceiy de Croy , et convindrent ensemble sur la matère dressée, comme le jour de devant. Et commença à parler Groy, et dist: « Messei-
gneurs, j'ai à nuit pensé à l'offre que vous me
GEORGE CHASTELLAIN
feistes hier, de par monseigneur de Charolois , qui est bel et grand ; et croy bien qu'il le voudroit tenir comme il le promet; mès quand il ne voudroit aussy, je n'en aroie que la douleur, et ne m'en seroit aultre chose. Je me suis tant de fois offert à ly de le servir ; mès je ne me suis oncques encore peu trouver en grace, ne quil y ait eu fiance. Que seray-ce doncques maintenant, ne d’où m'en venroit la grace plus aujourd'ui que les aul tres fois, qui avant que j'eusse oncques service ne pension du roy, ne l'ay peu gaignier en plus foible cause. Le roy m'a requis de mon service , et je m y suis adonné, et pour— voyant à ce que monseigneur de Charollois est mal content de moy et me het à mort, et que , monseigneur le duc mon maistre failly, je n'aroie point de wuistre , et me truuveroie en dangier de ma vie et de mon estat, et de tous mes parens et enfans, sous monseigneur de Charolois, j'ay pris ma couverture et protection soubs le roy; je me suis armé de son service et de sa maison ; je sens sa protection bonne et seure pour moi, et la recouvrance de la grace de monseigneur de Charolois pleine de doute. Doncques, qui suis seur de lung , et tout refait de l'avoir, et de l'aultre je vis en souppechon et en balance de mille dangiers , doy-je abandonner la seurté de ma vie et des miens, pour m'attendre en une mercy novelle , dont l'espérance m'y est mal fondée. Parlez, messeigneurs, et par propre cuer jugiez de l'aultrui. Monseigneur de Charoloiïs se plaint de moy à tout le monde, et monstre qu'il y à hayne; plainte et haine sont fondées en mesfait. Se doncques le mesfait y est, qui cause son indignation , je ne me doys puint fier de sa grace, laquelle oncqués je n'ai peu atteindre. Et ung roy de France fait-il ainsy à abandonner à ung compaignon tel que moy, pour ung légier pro— mettre, dont la rompture se peut faire au plesir du prometteur, sans en pooir faire aultre chose. »
