CHAPITRE LXX
Comment le seigneur de Croy, après plusieurs persuasions des médiateurs , respondit par briefve conelusion.
À ces mots le seigneur de Croy respondist et dist brief : « Je ne sçay cause plus grand ne de tel effet que ce que je tiengs les pays de Lucembourg, et de Namur, et de Boulogne, desquels monseigneur le duc m'a donné le gouvernement et le possès mon vivant, et les a confermés pareillement à mes enfans.
Si croy bien que cecy luy gist en cuer et luy cuist que je me tiens à mon don, et m'en voudroit bien priver. »
A ceci fut respondu lors et dit ainsi : « Or doncques , puisque vous congnoissiez quelle est la cause de ceste indignation , et qui n’est pas petite, se vous faites aulcune réputacion de la grace de monseigneur de Charolois, et pareillement aulcun pois de sa mesveillance, nourquoy ne vous dévestez-vous doncques de cette cause qui vous fait mal volu , et remédiez à l'offense ? Vous samble-il que monseigneur de Charolois a tort, s’il lui desplest que vous, serviteur et subject de la maison, tenez en vos mains, et encore par hauteur, les principales places frontières de tous les pays de monseisneur son père , et demain ou après, quand il seroit trespassé, il en seroit en vostre dangier de les recouvrer et en vostre merci, aveucques ce que le roi encore se vante tous les jours de les avoir en sa main quand il voudra, comme pour le batire de son propre baston? Monseigneur de Croy, le tort en ce Cas ici n'en est point devers monseigneur de Charolois, mais est devers vous.
Monseigneur de Charolois est prince, et à ly appartient de venir à la succession de son père , sans dangier ne merci de serviteur, et encore de tels pays et places qui soufliroient au plus grand roi du monde. Mès si vous volez bien faire, mettez-vous en, et de vostre don , et du tout, en la mercy de monseigneur de Charolois, et lui offrez le résigner en sa main pour parvenir à Sa grasce ; et vous trou-
GEORGE CHASTELLAIN
verez qu'il sera si plein de vostre offre et de vostre humilité, qu'il se donra mesme vaincu à vous et vous sera agréable. Et se encore vous y mettez desfiance , et en faites grand pois , pour l'amour des grans profits que vous y avez et prenez et que vos enfans aussi y porront prendre ci-après, à qui est confirmé le don, ce dites-vous, comme à vous tout leur vivant, nous avons charge de vous dire.
et vous disons de par monseigneur de Cha-rolois : que monseigneur de Charolois est et sera perpétuellement content que vous et vos enfans possessez et maintenez ces pays des susdits et ces places tant que vous vivrez , et que vous usez et jouissez des porfits, gages et émolumens, et de toutes aultres choses, en la forme et manière que monseigneur son père les vous a donnés, accordés et promis, et en présent, tenez et maintenez, et avez tenu et maintenu, sans riens y restraindre ne recopper, sauf que présentement vous les voudrez reprendre de ly et de son don, et lui en faire le serment ici tel en sa main, vous et vos enfans, comme vous avez fait à monseigneur son père. Dont, et aflin que ceci vous appère qu'il le veuille maintenir léaument et en prince preud'omme , il vous offre de vous envoyer un signé blanc; mettez-y vostre traittié dedens à vostre plus bel, et faites l'obligacion telle que vous la sarez souhaidier, et il vous la tenra ferme et estable à tousjours, et s'en attend bien à vostre escrire.»
À ces mots, le seigneur de Croy respondit tout court et comme approcié du point où il convenoit taire ou faire : « Monseigneur, volez vous que je vous die pour toute conclusion et sans plus battre vent: Je ne veulx pas cessier le service d'ung roi de France pour ung comte de Charolois. Pardonnez-moi et adieu. »
De ceste conclusion si roïde et courte furent esmays ces bons médiateurs, qui espérans avoir fort besoignié et l'avoir mené jusqu'à près se trouvèrent plus loings de leur entente qu'au eommencement de l'ouverture; et perceurent bien, et le dirent aussi, que descongnoissance estoit en ly toute et outre, et que son aveuglement ne lui souffroit cognoistre son estat , et par quoi il cherroit une
fois en punicion par jugement de Dieu, ce craignoient. Mès puisqu'à eulx il n’estoit de le changier ne muer, ne de lui faire congnoistre et entendre ce qui lui seroit sain et de porfit , il s’en convenoit bien attendre à ly et à ce qui lui en ensievroit. Trop bien plaingnoient que ung si notable chevalier, et de telle auctorité et haute fortune, se mesfaisoit si évidentement et par si lourde offen- se, et qu'en son sens de long-temps estoit ainsi tourné en desmesuré oultrage, et en dérision du monde, en foule de son prince futur seigneur, en lésion de sa propre renommée, et en confusion de son ordre et de tous ses frères , qui s'en esvergoignoient.
En si faites devises et doléances du cas, lequel véoient irrémédiable , vindrent devers le comte ; lequel, après avoir oy leur rapport et la triste maigre conclusion du mal avisé, se commença à rire très bien, disant : Que espoir ne lui fut oncques qu'il en deust aultrement dire ne faire, car le congnoissoit trop. Et disoit : « D'autant au moins que je lui ai offert belles, et me suis humilié devers son tort, d'autant lui ay-je plus confondu son orgueil et avancié ma juste cause. Or en Dieu soit le surplus; et en 1y je remets tout; et par saint George ! il en buvera de l’amer avant que je meure, ne jamais ne recouvrera ce que je lui ai offert. »
