CHAPITRE LXXI

Comment le seigneur de Croy se trouva frustré de son !

proposement.

D'ici en avant Croy se desvoya de plus en plus ; et cuidoit bien faire ung hault édifice sur ung fond qui lui mentit enfin; car on s'estoit bien aultrement pourvu de ly et encontre ses emprises qu'il ne pensoit ne que jamès il n'eust cuidié. Toutte son attente si estoit sur le roy et sur les places et pays qu'il avoit entre mains , desquelles il s’aideroit, ce lui sambloit, aux lances baissier. Et encore avoit-il son attente , ce disoit, quand monseigneur de Charolois tendroit à le desfaire, qu'en la querelle des Liégeois qui estoient ses ennemis il se sauveroit de sa

CHRONIQUE DES BUCS DE BOURGOGNE.—III: PART

puissance. Et prenoit et mettoit pié et fondement en si faites vanités et présumptions que fortune ascoute de legier , et en fait souvent baisier le babouin au compagnon qui se présume en sa folie. Ce nonobstant toutefois, si avoit-il grand pooir de faire du mal beaucop en la vue du monde alors, tant par la puissance du roy, qui héoit le comte, comme par Allemans et Liéyreois qui dansoient tous au pied du roy. Mès son prétendre et sa fortune n'estoient pas d'ung accord ensemble ; car son proposement se trouva frustré par aultre disposition secrète, comme se dira cy après.